မိမိရဲ့ Product တွေ၊ Service တွေကိုပိုပြီး ဝယ်ယူချင်စိတ်ဖြစ်ပေါ်အောင် နည်းလမ်းတစ်ခု

အားလုံးပဲ မင်္ဂလာပါ။
ဒီနေ့မှာတော့ ကျွန်တော်က စီးပွားရေးလုပ်ငန်းတွေလုပ်ကိုင်နေတဲ့လူတွေအတွက် မိမိရဲ့ Product တွေ Service တွေကို ပိုပြီးရောင်းချနိုင်အောင် လူတွေ ပိုပြီး ဝယ်ယူချင်စိတ်ဖြစ်ပေါ်လာနိုင်အောင် နည်းလမ်းလေးတစ်ခုကို ကျွန်တော်က မျှဝေပေးချင်ပါတယ်။ဆက်ပြီးကြည့်ပေးပါဦးဗျ။

အရင်ဆုံး ကျွန်တော်က ဥပမာလေးတစ်ခုပြောပြချင်ပါတယ်။ဒါဘာလဲဆိုတော့ လွန်ခဲ့တဲ့ နှစ်အနည်းငယ်တုန်းက ကျွန်တော်က Investment တစ်ခုလုပ်မယ်ဆိုပြီးတော့ Investment အနေနဲ့ တိုက်ခန်းဝယ်မယ်ဆိုပြီး ကျွန်တော့်ရဲ့ အကျိုးဆောင် ပွဲစားတွေကို ရှာခိုင်းတယ်။ရှာခိုင်းတဲ့အချိန်မှာ ကျွန်တော့်အကျိုးဆောင်ကနေပြီးတော့ တိုက်ခန်းလေးတစ်ခန်းရှိတယ်၊ တွေ့တယ်၊ ကျွန်တော်လိုချင်တဲ့အချက်တွေနဲ့ ကိုက်ညီတယ်ဆိုပြီးတော့ သူက လာပြီး ပြန်ပြီး ပြောပြလာတယ်ပေါ့နော်။

ပြောပြတော့ ဒီတိုက်ခန်းလေးက ကျွန်တော်လိုချင်တဲ့ရပ်ကွက်မှာရှိတယ်။ ကျွန်တော်လိုချင်တဲ့နေရာ မှာရှိတယ်။ ကျွန်တော်လိုချင်တဲ့ ဈေးနှုန်းနဲ့လည်း ရမယ်။ ဈေးနှုန်းက ဘယ်လောက်လဲဆိုတော့ အဲဒီအချိန်တုန်းက ခြောက်လွှာပေါ့နော်၊ နေရာကောင်းတယ်၊ လမ်းမကြီးနဲ့နီးတယ်။လူစည်တယ်၊ အငှားပေါတယ်၊ အငှားခများများ ကျွန်တော်ရမယ်။ အဲဒါကိုမှ ဒီတိုက်ခန်းလေးကို ၁၇၅ သိန်းနဲ့ ရောင်းမယ်။ ကျွန်တော် ဝယ်လို့ရမယ်ဆိုပြီးတော့ ကျွန်တော့်အကျိုးဆောင်က ပြော လာတယ်။

ပြောလာတော့ ကျွန်တော်က အဲဒီတိုက်ခန်းလေးကို သွားကြည့်တာပေါ့ဗျာ။ သွားကြည့်တော့ တကယ်လည်း ကျွန်တော့် အကျိုးဆောင်ပြောသလိုပဲ အရာအားလုံးက အဆင်ပြေတယ်။ ဈေးနှုန်းကလည်း အဆင်ပြေတယ်။ လူလည်း စည်ကားတယ်။ ဒီလိုမျိုးပေါ့ နော်။

ဒါပေမဲ့ ကျွန်တော့်စိတ်ထဲမှာ ဘာဖြစ်သလဲဆိုတော့ ဒီတိုက်ခန်းကို မဝယ်တော့ဘူးလို့ ဆုံးဖြတ်ချက်ချလိုက်မိတယ်။ ကျွန်တော်က ကျွန်တော့်အကျိုးဆောင် ပွဲစားကို ပြန်ပြီးတော့ပြောတာပေါ့ဗျာ။

“အစ်မ ... ကျွန်တော် ဒီတိုက်ခန်းကိုတော့ မကြိုက်ဘူး၊ ကျွန်တော်ဒီမှာရင်း ရင်းနှီးမြှုပ်နှံမှု မလုပ်တော့ဘူး၊ တခြားတစ်ခန်းရှာပေးပါ”ဆိုပြီးတော့ ကျွန်တော်က ပြန်ပြီးပြောလိုက်တယ်။

အဲဒီတော့ ဒီတိုက်ခန်းလေးကို ကျွန်တော်က မဝယ်ဖြစ်တော့ဘူး။တခြားတိုက်ခန်းတစ်ခန်းလိုက် ရှာပြီးတော့ ဝယ်ဖြစ်လိုက်တယ်ပေါ့။ ဒီလိုမျိုးပေါ့။ အဲဒီတော့ နောက်နည်းနည်းကြာသွားတဲ့အချိန်မှာ ဒီ တိုက်ခန်းလေး
က ရောင်းထွက်သွားတယ်လို့ ကျွန်တော်ပြန်ပြီးတော့သိရတယ်။ နည်းနည်းထပ်ပြီးတော့ ကြာသွားတဲ့အချိန်မှာ ကျွန်တော့်အကျိုးဆောင်ပွဲစားက ကျွန်တော့်ကို ပြန်လာပြောတယ်။

“ဆရာ... အဲဒီတိုက်ခန်းလေးက ဝယ်ပြီးလို့တောင်မှ နောက်လူတစ်ယောက်ကို ပြန်ပြီး ရောင်းထွက်သွားပြီ”တဲ့။
ဘယ်လောက်နဲ့ ရောင်းထွက်သွားလဲဆိုတော့ ၁၇၅ နဲ့ ကျွန်တော့်ကို ရောင်းမယ်လို့ပြောခဲ့ရာက နေပြီးတော့ နောက်တစ်ယောက်က ဝယ်ပြီးတော့၊ ပြင်ဆင်ပြီးတော့ ပြန်ရောင်းလိုက်တဲ့အချိန်မှာ ၂၄ဝ နဲ့ ပြန်ရောင်းထွက်သွားတယ်တဲ့။

အဲဒီတော့ ၁၇၅ နဲ့ ကျွန်တော်ဝယ်ခဲ့မယ်ဆိုရင် ကျွန်တော် ဘယ်လောက်မြတ်မလဲ။ အများကြီး ကျွန်တော်မြတ်သွားမယ်။ အဲတော့အနည်းဆုံး သိန်း ၅ဝ လောက် ကျွန်တော်ဖြစ်သွားမယ်။ ဒီအချိန်ကပွဲစားခတွေ ကျွန်တော်နုတ်ပြီးတာတောင်မှ သိန်း ၅ဝ လောက် ကျွန်တော်ရနိုင်တယ်ဆိုတဲ့ အနေအထား ရှိသွားတယ်။ အဲဒီတော့ တစ်နည်းအားဖြင့်တော့ ဒါဘာလဲဆိုတော့ ကျွန်တော် ရှုံးနိမ့်သွားတဲ့ ကျွန်တော် မလုပ်ဖြစ်လိုက်တဲ့ Investment တစ်ခုပေါ့နော်။ ဒီ Investment သည် ဘာကြောင့် ဖြစ်တာလဲဆိုရင် အဲဒီမှာ ကျွန်တော် ပြန်ပြီးတော့ စဉ်းစားမိတယ်၊သုံးသပ်မိတယ်။

ကျွန်တော်က ပြန်ပြီးစဉ်းစားဖြစ်တယ်။ ဘာကြောင့် ဒီ Investment ကို မလုပ်ဖြစ်တာလဲ။ ဒီတိုက်ခန်းလေးကို ကျွန်တော် မဝယ်ဖြစ်တာလဲပေါ့။ အဲဒီလိုပြန်စဉ်းစားမိတဲ့အချိန်မှာ ခုနက ကျွန်တော့် အကျိုးဆောင်ပြောသလိုပဲ အရာအားလုံးသည် ဝယ်သင့်တဲ့အချက်တွေချည်းပဲ။ အရမ်းစည်ကားတဲ့နေရာမှာ ရှိတယ်။ နေရာကလည်းကောင်းတယ်။ ကျွန်တော်လိုချင်တဲ့ဈေးနှုန်းနဲ့လည်းကိုက်ညီတယ်။ အလွယ်တကူ ပြန်ရောင်းထွက်နိုင်မယ်။

ဒါပေမဲ့ ဘာ့ကြောင့် မဝယ်ဖြစ်ဘူးလဲ၊ ဘာ့ကြောင့် မဝယ်ဖြစ်ခဲ့တာလဲဆိုတဲ့ အခြေအနေကို ကျွန်တော် ပြန်စဉ်းစားကြည့်တဲ့ အချိန်မှာ ဘာသွားတွေ့ရလဲဆိုတော့ အဲဒီတိုက်ခန်းကို ကျွန်တော်ဝယ်ဖို့သွားလိုက်တဲ့အချိန်မှာ တိုက်ခန်းရဲ့ လှေကားခွင်မှာ စပြီးတော့တက်တဲ့ မြေပြင်ကနေ အပေါ်တက်တဲ့နေရာအထိ အဲဒီနေရာ လှေကားခွင်ကြီးတစ်ခုလုံးဟာ ဘာဖြစ်နေလဲဆိုတော့ အရမ်းညစ်ပတ်နေတာကိုသွားတွေ့ရတယ်။ ညစ်ပတ်နေတယ်ဆိုတာက လုံးဝ ဖုန်တွေ သဲတွေနဲ့၊ နောက်တစ်ခါ ကွမ်းတံတွေးတွေနဲ့၊နောက်တစ်ခါ နံရံတွေကလည်း ဆေးတွေ မရှိတော့ဘူး။ လုံးဝ မည်းသည်းနေတယ်။ ပြီးတော့ လှေကားခွင်ကြီးက မှောင်မည်းနေတယ်။ ဒီလိုပေါ့။

အဲဒီတော့ တော်တော်လေးညစ်ပတ်နေတယ်၊ နောက်တစ်ခါ အမှိုက်တွေလည်း အများကြီးရှိနေတယ်။ တော်တော်ကို အဲလိုမျိုးကြီးဖြစ်နေတဲ့အခါကျတော့ တခြားအချက်အလက်တွေက ဘယ်လောက်ပဲ ကောင်းကောင်းပေါ့။ ဘယ်လောက်ပဲ ဝယ်ယူသင့်တယ်ပဲပြောပြော ကျွန်တော်တို့ရဲ့စိတ်ပေါ့။ တစ်နည်းအားဖြင့် ကျွန်တော့်ရဲ့ Emotion ပေါ့။ ဒီဟာကြီးကိုတော့ မဝယ်ချင်တော့ဘူး။ မဝယ်ဖြစ်တော့ဘူး၊ အခြေအနေ မကောင်းတော့ဘူးဆိုတဲ့ စိတ်တစ်ခုက ဝင်သွားတာကို သွားတွေ့ ရတယ်။

အဲဒီ ၂၄ဝ နဲ့ ပြန်ရောင်းထွက်သွားတယ်ဆိုတဲ့အချိန်ကျတော့မှကျွန်တော်က အဲဒီတိုက်ခန်းကို ပြန်သွားပြီးတော့ ကြည့် ဖြစ်တယ်။ ကြည့်ဖြစ်တော့ လှေကားခွင်ကို ပြန်ဝင်ကြည့်ဖြစ်လိုက်တဲ့အချိန်မှာ အရင်က ကျွန်တော်ကြည့်ဖြစ်ခဲ့တဲ့ အချိန်နဲ့ ဘာမှ မတူတော့ဘူး။ အဲဒီတော့ အပေါ်ဆုံးထပ်မှ တိုက်ခန်း ရောင်းဖို့လုပ်ထားတဲ့လူက တိုက်ခန်းရောင်းဖို့ ခုန ရောင်းထွက် သွားတဲ့လူက မြေညီထပ်ကစပြီး သူ့ တိုက်ခန်း ခြောက်လွှာအထိ လှေကားခွင်တစ်ခုလုံးကို သန့်ရှင်းရေးလုပ်ပစ်လိုက်တယ်။ လုံးဝသန့်ရှင်းရေးလုပ်ပစ်လိုက်တယ်။ ဒါ့အပြင် လှေကားခွင်မှာရှိသမျှ နံရံအားလုံးကို ဘာလုပ်ပစ်လိုက်လဲဆိုတော့ ဆေး အသစ် သုတ်ပစ်လိုက်တယ်။ဆေးအသစ်၊ လုံးဝ အစိမ်းရောင်၊ မျက်စိထဲမှာ ကြည်လင်နေတဲ့အရောင် လုပ်ပစ်လိုက် တယ်။ တချို့နေရာတွေမှာ မီးလုံးတွေလဲလိုက်တယ်။ သူကိုယ်တိုင်ပေါ့နော်။

အဲဒီတော့ ကျွန်တော်တွက်ကြည့်လိုက်တော့ ဒီလှေကားခွင်တစ်ခုလုံးကို ဆေးသုတ်မယ်၊ သန့်ရှင်းရေးလုပ်မယ်၊ မီးလုံးတွေလဲမယ်ဆိုတာသည်အလွန်ဆုံးကျလှရင် တစ်သိန်းခွဲ နှစ်သိန်းပေါ့ဗျာ။ ဒီလောက်ပဲ ကျွန်တော်တို့ ကျနိုင်မယ်။ အဲဒီအတွက် သူဘယ်လောက်အမြတ်ရသွားသလဲဆိုတော့၁၇၅ ကနေပြီးတော့ ၂၄ဝ အထိ သူ့တိုက်ခန်းသည် ဈေးရ သွားတယ်။ဘာ့ကြောင့်လဲဆိုတော့ ကျန်တဲ့အချက်တွေအားလုံးက ကောင်းနေပြီးသား။နေရာကောင်းတယ်။ တိုက်ခန်းသည် လူစည်ကားတယ်။ အငှားပေါတယ်။ငှားခ များများရမယ်။ အဲဒီတော့ လှေကားခွင်ထဲကို ဝင်လိုက်ကတည်းက Emotion ကို ထိခိုက်သွားစေမဲ့ ညစ်ပတ်နေတဲ့ အရာကြီးသာမရှိဘူးဆိုရင် ဒီတိုက်ခန်းသည် အရမ်းကောင်းမယ်ဆိုတာကို အကုန်လုံးက အဲဒီကျမှသွားပြီးသတိထားမိတာပေါ့ဗျာ။ ကျွန်တော်ကလည်း အဲဒီကျမှ သတိထားမိတယ်။ ဪ... ဟုတ်တာပဲ။

အဲဒီတော့ ဒါကြီးကိုပြင်ဆင်လိုက်ရင် တစ်သိန်းခွဲ နှစ်သိန်းလောက်ပဲကုန်မယ်။ ဒါပေမဲ့ သိန်းနှစ်ဆယ် သုံးဆယ်လောက် ပိုပြီး အမြတ်ရနိုင်တယ်။ ဒါကို မတွေးမိတော့ဘဲနဲ့ ကျွန်တော်တို့က ဘာကိုပဲ သွားတွေးသလဲဆိုတော့ ဟာ... ဒါကြီးက ညစ်ပတ် နေတယ်၊ အဆင်မပြေဘူး၊ ဒီလိုညစ်ညစ်ပတ်ပတ် တိုက်ခန်းကြီးတော့ ငါတို့ မလိုချင်ဘူး။ အဲဒီလိုနဲ့ပဲ ကျွန်တော်အပါအဝင် ရှေ့က ဒီတိုက်ခန်းကို လာပြီး ကြည့်သမျှလူမှန်သမျှလည်း ဘာဖြစ်သွားလဲ၊ ဒီတိုက်ခန်းကို ငြင်းပယ်သွားတယ်။

ဒါပေမဲ့ ခုန Emotion ကို ဖယ်ထုတ်နိုင်တဲ့လူကကျတော့ ဘာဖြစ်သွားလဲဆိုတော့ ကြီးမားတဲ့အကျိုးအမြတ်ကြီးကို ရသွားတယ်ဆိုတာကြီးကိုကျွန်တော်တို့ သွားတွေ့ရတယ်။

အဲဒီတော့ ကျွန်တော် အဓိက ဆိုလိုချင်တဲ့အချက်က လူတွေသည် Emotion နဲ့ အသက်ရှင်နေတာဖြစ်တယ်။ လူတွေမှာ Emotion ဆိုတာသည် အရမ်းကိုကြီးပါတယ်။ ဥပမာ ကျွန်တော်တို့လို ပုံမှန် စီးပွားရေးလုပ်နေတဲ့လူ၊ Investment လုပ်နေတဲ့လူတောင်မှ ကျွန်တော်တို့မှာ Rule ရှိတယ်။ Emotion နဲ့ မဆုံးဖြတ်နဲ့။ ဝေဒနာနဲ့ မပြောနဲ့၊ Dataနဲ့ပြော။ ကျွန်တော်တို့ ဆောင်ပုဒ် အနေနဲ့ရှိတယ်။ ဒီလိုမျိုး ကျွန်တော်တို့ဆုံးဖြတ်ထားပေမဲ့ ကျွန်တော်တို့ကို Emotion က တချို့နေရာတွေမှာလွှမ်းမိုးနေ နိုင်တုန်းပဲဖြစ်တယ်။

အဲဒီတော့ ကျွန်တော်တို့သည် လူတွေရဲ့ Emotion ကို ကိုင်လှုပ်နိုင်မယ်ဆိုရင် သို့မဟုတ် Emotion ကို လိုသလိုပြောင်းလဲနိုင်မယ်ဆိုရင်၊Emotion ကို လိုသလိုကစားနိုင်မယ်ဆိုရင် ကျွန်တော်တို့ရဲ့ Product တွေ Service တွေသည် အလိုလို အလွယ်တကူရောင်းထွက်သွားမှာဖြစ်ပါတယ်။ ဆက်ပြီးလေ့လာကြည့်ပါဦး။

ဒီဘက်ခေတ်မှာ စီးပွားရေးလုပ်ငန်းတော်တော်များများက Customer Service အလွန်ကောင်းဖို့လိုတယ်။ Customer service ကောင်းအောင်လုပ်မယ်။ Customer Service Trainingတွေ ပေးကြတယ် ဝန်ထမ်းတွေကို၊ဒီလိုတွေဖြစ်လာတယ်။ 

အဲဒီတော့ ဘာ့ကြောင့်Customer Service ကို ဦးစားပေးလာတာလဲဆိုတော့ Customer Service သည် ကျွန်တော်တို့ ဆိုင်ကိုရောက်လာတဲ့လူရဲ့ Customerရဲ့ Emotion ကို ချက်ချင်းသက်ရောက်မှုရှိစေတယ်။ ဒါကြောင့် ကျွန်တော်တို့ Customer Service ကို အဓိကလုပ်လာကြတာဖြစ်တယ်။

ဥပမာ ကျွန်တော်တို့က စားသောက်ဆိုင်တစ်ဆိုင်ထဲကို ဝင်လိုက်မယ်။ ခရီးဦးကြိုပြုမှုမရှိဘူး၊ ကိုယ့်ကို နှုတ်မဆက်ဘူး၊ ရုပ်တည်ကြီးတွေနဲ့ နေတယ်ဆိုတဲ့ဆိုင်နဲ့ သေချာတယ်နော် .. ကျွန်တော်တို့ကို ဝင်လာလိုက်တာနဲ့ မင်္ဂလာပါလို့ နှုတ်ဆက်မယ်။ လုံးဝ အကောင်းဆုံးစကားတွေပြောမယ်။ ဒီလိုအနေအထားမျိုးရှိတဲ့ဆိုင်နဲ့ဆိုရင် သေချာတယ်၊ ကျွန်တော်တို့ဘယ်ဆိုင်ကို ပိုပြီးနှစ်သက်မလဲ၊ ဘယ်ဆိုင်ကို ပိုပြီးပျော်ရွှင်မလဲ။ သေချာပြီ။ Customer Service ကောင်းတဲ့ဆိုင်ပေါ့။

ဒီဘက်ခေတ်မှာ Customer Service ကို လုပ်ငန်းတွေသည်ဘာ့ကြောင့် အကောင်းဆုံးလုပ်လာသလဲဆိုတော့ လူတွေရဲ့ Emotionကို ကျွန်တော်တို့က ပြုပြင်ပြောင်းလဲချင်တဲ့အတွက် ဖြစ်တယ်။ ဘုရင်တစ်ပါးလို ခံစားရစေမယ်။ Luxury စစ်စစ် ခံစားရစေမယ်။ လူတိုင်းကိုcare လုပ်တယ်ဆိုတဲ့ ကိုယ့်ကို ဂရုစိုက်တယ်ဆိုတဲ့ ခံစားမှုမျိုးကို ခံစားရစေချင်တယ်။ဒါကြောင့် Customer Care ကို Customer Service ကို လုပ်လာကြတယ်။

အဲဒီတော့ Customer Service တစ်ခုတည်းနဲ့မဟုတ်ဘူး။ ကျွန်တော်တို့သည် ကျွန်တော်တို့ရဲ့ စီးပွားရေးလုပ်ငန်းတွေ၊ ကျွန်တော်တို့ရဲ့product တွေ၊ Service တွေ ကိုယ်၌မှာလည်း လူတွေရဲ့ Emotionကို ပြောင်းလဲစေမယ့် ပိုပြီးတော့ Emotion ကောင်းစေမယ့် ကျွန်တော်တို့နည်းလမ်းတွေကို ထပ်ပေါင်းထည့်ပြီးတော့ လုပ်ဆောင်လို့ရတယ်။ဒါကို ကျွန်တော်တို့ သိဖို့လိုပါတယ်။

အဲဒီတော့ Customer Service တော့ အရမ်းကောင်းတယ်။ ဒါပေမဲ့ Customer Service သည် မဖြစ်မနေ လိုအပ်တဲ့အထဲမှာတော့ပါတယ်၊ ခုန ကျွန်တော်ပြောသလိုပဲ။ လူတွေရဲ့ Customer တွေရဲ့ Emotion ကို ချက်ချင်း ပြောင်းလဲပေးနိုင်တယ်။ ဒါပေမဲ့ ကျွန်တော်တို့ကMain Offer ပေးနေတဲ့၊ Customer တွေကို အဓိက ရောင်းချပေးနေတဲ့Product သို့မဟုတ် Service မှာ Emotion တစ်ခုခု မပေးနိုင်ဘူးဆိုရင် ကျွန်တော်တို့ရဲ့ Service ဘယ်လောက်ကောင်း ကောင်း ကျွန်တော်တို့ဆီကို နောက်တစ်ခါ Customer တွေသည် ထပ်လာဖို့ ခဲယဉ်းလေ့ရှိပါတယ်။

ဥပမာပြောရအောင်။ ဥပမာအားဖြင့် ကျွန်တော်ပြောရမယ်ဆိုရင် ဒီနေ့မနက်မှာ ကျွန်တော်က မုတ်ဆိတ်ရိတ်ဖို့ လုပ်တယ်ပေါ့နော်။ အဲတော့မုတ်ဆိတ်ရိတ်ဖို့ ကျွန်တော်လုပ်တယ်။ မုတ်ဆိတ်ရိတ်ဖို့လုပ်တော့ ကျွန်တော်တို့ လမ်းဘေးကနေဝယ်လာတဲ့ ဂျုတ်ကလေးရှိတယ်။ ဂျုတ်ပေါ့နော်။အဲဒီတော့ ဂျုတ်က ဓားသွားလေးနှစ်ခုပါတယ်။ ဒီဂျုတ်လေးနဲ့ ကျွန်တော်ရိတ်ဖို့ လုပ်ကြည့်တယ်။ အဲဒီတော့ ဆပ်ပြာတွေဘာတွေမတိုက်ဘူးပေါ့နော်။ ကျွန်တော့်အကျင့်က ဒီအတိုင်းရိတ်လေ့ရှိတယ်။ နည်းနည်း အရေးတကြီး သွားစရာ လာစရာရှိပြီဆိုရင် ချက်ချင်းကောက်ရိတ်လေ့ရှိတယ်။

အဲဒီတော့ ဒီနေ့က အဲဒီလမ်းဘေးကဝယ်လာတဲ့ Brand မသိတဲ့နာမည်မသိတဲ့ ဒီဂျုတ်ကလေးကို ကျွန်တော်က ဒီနေ့မနက်မှာ သွားစရာရှိတဲ့အချိန်မှာ ချက်ချင်းမှန်ရှေ့မှာ ကျွန်တော်ကြည့်ပြီးတော့ ရိတ်လိုက်တယ်။ရိတ်လိုက်တဲ့အခါ အရမ်းနာသွား တယ်။ လုံးဝမပြတ်ဘူး။ ဂျုတ်က မုတ်ဆိတ်မွေးတွေကို ဆွဲနုတ်သလိုဖြစ်သွားတယ်။ အရမ်းကိုနာသွားတယ်။ ဆက်ရိတ်လို့ မရတော့ဘူး။ ဒီအောက်တွေ ရိတ်လို့ မရတော့ဘူး။ ဒီလိုဖြစ်သွားတယ်ပေါ့နော်။

အဲဒီတော့ အဲဒီကျတော့မှ ဟာ... ငါအရင်တုန်းကသုံးတဲ့ဂျုတ်ကအရမ်းအဆင်ပြေပါလား။ ဒီလို မဖြစ်ပါလားဆိုတာကို ပြန်ပြီးတော့ သွားသတိရတယ်။ အရင်တုန်းကသုံးတဲ့ ကျွန်တော်သုံးတဲ့ဂျုတ်က ဘာလဲဆိုတော့Gillette ဆိုတဲ့ ဂျုတ်ပေါ့နော်။ ဒါ နိုင်ငံတကာမှာလည်း နာမည်ကြီးတဲ့မုတ်ဆိတ်ရိတ်တဲ့ ဓားသွားဖြစ်တယ်။ အဲဒီမှာ ဘာပါလဲဆိုတော့ ဓားသွား လေးနှစ်ခု အပြင် သူက အပြာရောင်ဖာ့စလေး တစ်ခုပါတယ်။ အတန်းလေးတစ်ခု ဖော့လေး။ အဲဒီဖော့တန်းလေးက ဘာပါလဲဆိုတော့ ဗီတာမင်အီးအဆီလေးတွေ သူကထုတ်ပေးတယ်။ အရင်တုန်းကဆို ကျွန်တော်တို့ကမုတ်ဆိတ်ရိတ်ရင် ဆပ်ပြာတွေ ဘာတွေ ဒီမှာ သုံးနေစရာမလိုတော့ဘဲဒီတိုင်း တန်းရိတ်လိုက်လို့ရသွားတယ်။ ဘာကြောင့်လဲဆိုတော့ အဲဒီဖော့ပြားလေးက ဗီတာမင် အီး အဆီလေးတွေထုတ်ပေးတဲ့အတွက် ရှောရှောရှူရှူလေးဖြစ်သွားတယ်။ ရေသုံးစရာလည်း မလိုဘူး။ မုတ်ဆိတ်မွေးတွေလည်း ပြောင်သွားတယ်။ ဗီတာမင်အီး အဆီဖြစ်တဲ့အတွက် အသားအရည်လည်းလှသွားတယ်။ အလွယ်တကူလည်း ရိတ်လို့ ရသွားတယ်။ အရမ်းလည်း မြန်သွားတယ်။

အဲဒီတော့ ဒါဘာလဲဆိုတော့ မုတ်ဆိတ်ရိတ်တာခြင်းအတူတူ သူက ကျွန်တော့်ကို Emotion ကောင်းကောင်းတစ်ခု ပေးတယ်။ ဘယ်လိုEmotion လည်းဆိုတော့ ငါကြိုက်တဲ့အချိန် အလွယ်တကူ မြန်မြန်ရိတ်လို့ရတယ်။ ငါ့ကို အဆင်ပြေစေတယ်။ ငါ့ကို နာကျင်မှုမရှိစေဘူး။ ဒီလိုခံစားမှု Emotion တစ်ခုကို ကောင်းကောင်းပေးတဲ့ Product တစ်ခုကိုသွားတွေ့ရတယ်။

အဲဒီတော့ အရေးကြီးတာက ကျွန်တော်တို့သည် ကျွန်တော်တို့ရဲ့Product, Main Product, Main Serviceကြီးမှာလည်း လူတွေရဲ့ Emotion ကို ကောင်းကောင်း ဖန်တီးပေးနိုင်တဲ့ Emotion ကို ကောင်းစေတဲ့အရာတွေကို ထပ်ပြီး ပေါင်းထား ပေးဖို့လိုပါတယ်။

အဲဒီတော့ ကျွန်တော်တို့သည် လူတွေရဲ့ Emotion ကို ပိုကောင်းအောင် နည်းလမ်းတစ်ခုခုနဲ့ လုပ်ပေးနိုင်တယ်ဆိုရင် လူတွေမှာ ဒါနဲ့ပတ်သက်ပြီးတော့ တန်ဖိုးထားမှုတစ်ခု ဖြစ်လာလေ့ရှိတယ်။ တစ်နည်းအားဖြင့်တော့ Value တစ်ခုပေါ့နော်။ အဲဒီတော့ ပိုကောင်းအောင် ကျွန်တော်တို့က Emotion ကို လုပ်ပေးနိုင်တယ်ဆိုရင် Value တွေ ဖြစ်ပေါ်လာလေ့ရှိတယ်။

ဥပမာ ထားပါတော့ဗျာ... ကျွန်တော့်အဖေဆိုရင် ဆုံးပါးသွားပြီ။ဒါပေမဲ့ အဖေရှိတုန်းကဆိုရင် အဖေက ကျွန်တော်တို့ ငယ်ငယ်တုန်းက ကျွန်တော်တို့ကို ကျောင်းထားတယ်၊ ရှာဖွေကျွေးမွေးတယ်။ လိုအပ်တာတွေဖြည့်ဆည်း
ပေးတယ်။ ဒါတွေလုပ်ပေးတယ်။ ဒါသူက Functionalပေါ့နော်။ မိဘတစ်ယောက်ရဲ့ ဝတ္တရားပဲဆိုပါတော့။ ဒါပေမဲ့ အဲဒါတွေကိုကောင်းကောင်းလုပ်ပေးတဲ့အတွက် ကျွန်တော်တို့ရဲ့ Emotion က အဖေ့ကိုဆိုရင် ချစ်ခင်လေးစားတယ်။ 

အဲဒီကနေ တန်ဖိုးထားမှုတစ်ခုဖြစ်လာတယ်။ ဆိုလိုတာကဗျာ အဖေရှိရင် လုံခြုံတယ်လို့ ခံစားရတယ်။ အဖေရှိရင်
ဘာကိုမှ မကြောက်ဘူး။ ဒါ မျိုးပေါ့နော်။ ဒီလိုခံစားရတယ်။ ဒီလိုပဲ။စီးပွားရေးလုပ်ငန်းနဲ့ Customer တွေ ကြားထဲမှာလည်း Emotionတစ်ခုဖြစ်ပေါ်လာအောင်လုပ်ပေးနိုင်တယ်ဆိုရင်လည်း Customer တွေက ကျွန်တော်တို့အပေါ်မှာ Value တွေ တန်ဖိုးထားမှုတွေ ဖြစ်ပေါ်လာတယ်။

ဥပမာ ထားပါတော့... ကျွန်တော်တို့က ဖုန်းပြင်ဆိုင်တစ်ဆိုင်ဖွင့်တယ်။ ဒါဆိုရင် Customer တွေသည် ဖုန်းနဲ့ပတ်သက်ရင် ဘာမှစိတ်ပူစရာမလိုဘူးလို့ ခံစားရတာမျိုးရှိမယ်။ ဒါမှမဟုတ် တိုယိုတာ မော်တော်ကားကို ကျွန်တော်တို့ ဝယ်စီးမယ်။ တိုယိုတာဆိုရင် Safetyကောင်းမယ်။ စိတ်ချရမယ်။ ဒါမျိုး တစ်ခုခု ခံစားရတာမျိုးရှိရင်ရှိမယ်။

ဒါမှမဟုတ် ကျွန်တော်တို့က မာစီဒီးကားကြီးတစ်စီး ဝယ်စီးမယ်။ မာစီဒီးကားဆိုရင် ဒါသည် ဥပမာ ထားပါတော့ဗျာ... Luxury ကားဖြစ်တဲ့အတွက် လူတွေကြားထဲမှာ သူငယ်ချင်းတွေကြားထဲမှာ ကိုယ်က ဂုဏ်ယူဝံ့ကြွားရတဲ့ တန်ဖိုးထား မှုတစ်ခုဖြစ်မယ်။ ဒါမျိုးပေါ့နော်။

အဲဒီတော့ Brand တွေ ကုန်ပစ္စည်းတွေ Product တွေဟာ Customer တွေကို Value တွေ ဖန်ဆင်းပေးလေ့ရှိတယ်။ ဖန်တီးပေးလေ့ရှိတယ်။ အဲဒီ Value တွေကို ဘယ်လိုဖန်တီးပေးရလဲဆိုတော့ သူတို့ရဲ့ Emotion ကို ပိုကောင်းတဲ့အရာတစ်ခု ခုဖြစ်လာအောင် လုပ်ပေးရလေ့ရှိတယ်။ လူတွေမှာ Emotion တွေ အများကြီးရှိတယ်ပေါ့ဗျာ။ ဘာနဲ့ပတ်သက်တဲ့ Emotion ကို ကျွန်တော်တို့က ကျွန်တော်တို့ Product Service နဲ့ ပြုပြင်ပေးမလဲ။ ပြုပြင်ပေးနိုင်ရင် Customer တွေမှာ Value တွေ ဖြစ်လာမယ်။ ဒီ Value တွေဖြစ်လာရင် ကျွန်တော်တို့နဲ့ Customer တွေကြားမှာ နှောင်ကြိုးတစ်ခုဖြစ်လာ ပြီးတော့ ကျွန်တော်တို့ရဲ့ Product တွေသည် အမြဲတမ်း ဒီ Customer တွေက ဝယ်ယူသုံးစွဲနေတော့မှာ ဖြစ်ပါတယ်။

အဓိအားဖြင့် ကျွန်တော်တို့က သိရမှာက ကျွန်တော်တို့သည်Product Service တွေသည် သူနဲ့သက်ဆိုင်ရာ Funtional အသုံးဝင်မှုတစ်ခုခုကို ပေးရုံသာမကဘဲနဲ့ ကျွန်တော်တို့ Customer ရဲ့ Emotion ကိုပါ ပြောင်းလဲပြီးတော့ သူတို့အတွက် Value တစ်ခုဖန်တီးပေးနိုင်ဖို့လိုတယ်လို့ ဆိုလိုတာဖြစ်ပါတယ်။ ဒါကို ကျွန်တော်တို့က သီအိုရီအရ ဖော်ထုတ်တွေ့ရှိထားတာ လည်း ရှိပါတယ်။ ဒါကို ကျွန်တော်တို့ကMeans-End Chain Theoryလို့လည်းခေါ်ပါတယ်။ Means-End Chain Theory ဆိုတာ လုံးဝ အဆုံးအထိ ပြီးပြည့်စုံတဲ့အဓိပ္ပာယ်တစ်ခု Value တစ်ခုဖန်တီးပေးမဲ့ ကွင်းဆက်သီအိုရီပေါ့ဗျာ။ ကျွန်တော်တို့က ဒီလိုပြောလို့ ရပါတယ်။

အဲဒီတော့ Means-End Chain Theory က ဘာပြောသလဲဆိုတော့ Product တွေမှာ Attributed တွေရှိတယ်။ Customerတွေနဲ့ ထိတွေ့ခံစားမှုတွေရှိမယ်။ ဒါက Attributed တွေရှိမယ်။ဒါတွေကို Physical ထိတွေ့ခံစားပြီး အသုံးပြုလိုက်တယ်၊ ဝယ်ယူအသုံးပြုလိုက်တယ်ဆိုရင် ဒုတိယအဆင့်မှာ ဘာတွေရမလဲဆိုတော့ Functional Benefitတွေရမယ်။ Functional Benefitဆိုတာ ဥပမာ ထားပါတော့... မော်တော်ကားတစ်စီးဝယ်လိုက်ရင် မော်တော်ကား မောင်းလို့ရမယ်။ လိုရာသွား လို့ရမယ်။ ဒါမျိုးပေါ့နော်။

အဲဒီကနေပြီးတော့ ကျွန်တော်တို့က နောက်တစ်ဆင့် ဘာရမလဲဆိုတော့ Emotion တစ်ခုရမယ်။ ဒီမော်တော်ကာကို စီးလိုက်တဲ့အတွက်လိုရာခရီးရောက်ရုံတင်မကဘဲနဲ့ Customer သည် ဘယ်လောက်ထိစိတ်ကျေနပ်မှုဖြစ်မလဲ၊ Save ဖြစ်တယ်လို့ခံစားရမလဲ၊ ဂုဏ်ယူမှုဖြစ်မလဲ၊ဒါမျိုး Emotion ကို သွားပြီးထိရမယ်။ အဲဒီ Emotion ကနေ နောက်တစ်ဆင့် Value တစ်ခု Create လုပ်နိုင်ရမယ်။ တန်ဖိုးထားမှု Create တစ်ခုလုပ်နိုင်ရမယ်။
အဲဒီတော့ ဒီကားကြီးစီးလာတဲ့အတွက် လူတွေကြားထဲမှာ သူငယ်ချင်းတွေကြားထဲမှာ အထင်ကြီးမှု၊ ဂုဏ်ယူမှု၊ ချီးကျူးမှု၊ ကိုယ့်ကိုယ်ကိုယ် Confident တစ်ခုမြင့်မားမှု ခံစားရမယ်။ ဒါသည် Value ပေါ့။

အဲဒီတော့ မော်တော်ကားသီးသန့်မဟုတ်ဘဲနဲ့ မော်တော်ကား၊ သူ့ရဲ့ ကျွန်တော်တို့ ခုနက Functional Benefit တွေပေးမယ်။ အဲဒီ FunctionalBenefit တွေအပြင် လူတွေရဲ့ Emotion လည်း ထိရမယ်။ အဲဒီEmotion က Value တစ်ခု။ တန်ဖိုးထားမှုတစ်ခုကိုလည်း ဖန်တီးပေးနိုင်ရမယ်။ ဒီလို အနေအထားဖြစ်ပါတယ်။

ခုနကျွန်တော်ပြောတဲ့ Gillette မုတ်ဆိတ်ရိတ်တဲ့ဟာဆိုပါတော့။သူ့ရဲ့ မုတ်ဆိတ်ရိတ်တဲ့ ဂျုတ်ကလေးသည် ကျွန်တော်တို့ Attributedပေါ့။ ဒါ ကျွန်တော်တို့ ကိုင်တွယ်ထိတွေ့လိုရတဲ့ Product အဲဒီ Productရဲ့ Functional Benefitက ဘာပေး သလဲ။ ကျွန်တော် မုတ်ဆိတ်ရိတ်လို့ရတယ်။ ကျွန်တော် ဆပ်ပြာတွေ ဘာတွေသုံးစရာမလိုဘူး။ အချိန်ကုန်သက်သာတယ်။ ပေါ့ပါးသွက်လက်တယ်။ ဒါတွေ ကျွန်တော်တို့ရတယ်။ Emotion က ဘာဖြစ်လဲ။ ကျွန်တော့်အတွက် အချိန်မကုန်ဘူးလို့ကျွန်တော် ခံစားရတယ်။ ကျွန်တော် အလွယ်တကူ မနာကျင်တေ့ာဘူး။ကျွန်တော် အလွယ်တကူသုံးလို့ရတယ်။ အချိန်မရွေး သုံးလို့ရတယ်။ ဒီလိုEmotion က ကျွန်တော့်မှာ Save ဖြစ်တယ်လို့ ခံစားနေရတယ်။

အဲဒီတော့ Value က ဘာဖြစ်လဲ။ ဒါသည် ငါ့အတွက် မရှိမဖြစ်အရေးကြီးတယ်ဆိုတဲ့ တန်ဖိုးထားမှုတစ်ခုဖြစ်လာတယ်။ အမြဲတမ်း ခရီးသွားတိုင်း၊ အိမ်မှာ ဘယ်လိုအခြေအနေမှာပဲဖြစ်ဖြစ် ဒီမုတ်ဆိတ်ရိတ်တဲ့ဂျုတ်ကလေးကို အမြဲတမ်း ဝယ်ထားရတော့တယ်။ ဒါဘာလဲဆိုတော့တန်ဖိုးထားမှုတစ်ခုကို ဖန်တီးပေးတာဖြစ်တယ်။

နိဂုံးချုပ်ပြောချင်တာကတော့ ကျွန်တော်တို့လူတွေသည် လူဖြစ်နေတဲ့အတွက် ကျွန်တော်တို့မှာ Emotion ဆိုတဲ့ စိတ်ခံစား ချက်တွေရှိတယ်။အဲဒီစိတ်ခံစားချက်တွေသည် အရာအားလုံးရဲ့ အဆုံးအဖြတ်ပဲ။ စိတ်ခံစားချက်ကို လွန်ဆန်နိုင်တဲ့ လူဆိုတာသည် အင်မတန်ရှားပါတယ်။ အဲဒီတော့ လူတိုင်းလူတိုင်းမှာ စိတ်ခံစားချက်တွေ မျိုးစုံရှိတယ်။ ကျွန်တော်တို့လုပ်ငန်းတွေက ထုတ်ပေးနေတဲ့ Product တွေ Service တွေသည် Customer တွေကို Functional Benefit တွေသာမက ဘဲနဲ့ ကျွန်တော်တို့သည် ဘာတွေပါပေးနိုင်ရမလဲ။ သူတို့ရဲ့ ဘယ်လို Emotionတွေကိုပါ ကျွန်တော်တို့က ပေးနိုင်မလဲ။ ဘယ်လို Emotion တွေကိုပါပိုကောင်း အောင်လုပ်ပေးနိုင်မလဲဆိုတာကို စဉ်းစားပြီးတော့ ကျွန်တော်တို့ Emotion ကိုပါ ပြောင်းလဲနိုင်တယ်ဆိုရင် Customer တွေနဲ့ ကျွန်တော်တို့ ကြားထဲမှာ တန်ဖိုးထားမှုတွေဖြစ်လာမယ်။ ကျွန်တော်တို့ရဲ့ Product Service တွေသည် ပိုပြီးတော့ရောင်းရမှာဖြစ်ပါတယ်။

အိုကေပါ... ဒါဆို ကျွန်တော်တို့ မျှဝေမှုလေးကို ဒီနေရာမှာရပ်နားပါမယ်။ကျေးဇူးအများကြီးတင်ပါတယ်။
ကျွန်တော် ကောင်းဟိန်းစိုးပါ ။