ထိုင်းနိုင်ငံမှာ ကျောင်းတတ်ချင်တဲ့ လူငယ်များအတွက် Child Dream ပညာသင်ဆု။

ဒီနေ့တော့ မြန်မာနိုင်ငံရဲ့ အိမ်နီးချင်းနိုင်ငံတွေထဲက တစ်ခုဖြစ်တဲ့ ထိုင်းနိုင်ငံရဲ့ နာမည်ကြီး တက္ကသိုလ်တွေမှာ ပညာသင်ကြားလိုသူတွေအတွက် Child's Dream ပညာသင်ဆုအကြောင်းကို မျှဝေပေးချင်ပါတယ်။

Child's Dream ဆိုတာ ဘာလဲ?

Child's Dream ဆိုတာ မြန်မာနိုင်ငံလူငယ်တွေ ထိုင်းနိုင်ငံက တက္ကသိုလ်​တွေမှာ အဆင့်မြင့် ပညာရေးကို ဆက်လက်သင်ကြားနိုင်ဖို့ Undergraduate Degree အတွက် ပညာသင်ဆု အပြည့်အဝ (100% Fully-funded) ထောက်ပံ့ပေးတဲ့ အဖွဲ့အစည်းတစ်ခုဖြစ်ပါတယ်။

Child's Dream ပညာသင်ဆုရဲ့ ရည်ရွယ်ချက်ကတော့ နိုင်ငံခြားမှာ ပညာသင်ပြီး တတ်မြောက်လာတဲ့ ပညာရပ်တွေကို မိမိနိုင်ငံဖွံ့ဖြိုးတိုးတက်ရေးအတွက် လုပ်ဆောင်လိုသူများအတွက် ရွေးချယ်ပေးအပ်တဲ့ Need-based Program တစ်ခုဖြစ်ပါတယ်။

Child's Dream ပညာသင်ဆုက Grant သဘောမျိုးဖြစ်တာကြောင့် ငွေကြေးပိုင်းသာ ထောက်ပံ့ပေးမှာဖြစ်ပြီး ကျောင်းဝင်ခွင့်ရရှိဖို့ကတော့ မိမိကိုယ်တိုင် လုပ်ဆောင်ရမှာဖြစ်ပါတယ်။

တက်ရောက်နိုင်တဲ့ တက္ကသိုလ်များနှင့် ဘာသာရပ်များ။

- Asia-Pacific International University
Education in Teaching
- King Mongkut
Software Engineering
- Mahidol University
Environmental Science
- Rangsit University
International Relations and Development
- Mae Fah Luang University
Public Health, Environmental Health
- Bangkok University
Communication strategy and Ideation, Innovative Media Production
- Chiang Mai University
Social Science, Economics, Environmental Science
- Thammasat University
Civil Engineering, Mechanical Engineering, Social Policy and Development, Global Studies and Social Entrepreneurship အစရှိတဲ့ဘာသာရပ်တွေကို ရွေးချယ်လျှောက်ထားနိုင်ပါတယ်။

ပညာသင်ဆုရဲ့ အကျိုးကျေးဇူးများ။

- Tuition Fees
- Rental Expense, Food, Transportation Fees
- Uniform Fees, Lab Fees, Books and etc
- Health Insurance and Other Fees
- Visa Fees, Passport Fees, Air Ticket Fees

ပညာသင်ဆုလျှောက်ဖို့ ဘာတွေသတ်မှတ်ထားလဲ?

- လျှောက်ထားမဲ့သူဟာ အသက် (၃၀) နှစ်အောက် မြန်မာနိုင်ငံသားဖြစ်ရပါမယ်။
- ပညာဆက်လက်သင်ကြားနိုင်ဖို့အတွက် Financial Aid အမှန်တကယ် လိုအပ်နေသူဖြစ်ရပါမယ်။
- မိမိလျှောက်မယ့် Program အပေါ်မူတည်ပြီး ဘာသာစကား English Language or Thai Language ကျွမ်းကျင်ရပါမယ်။
- တစ်ခြားမည်သည့်အဖွဲ့စည်းများမှ ငွေကြေးထောက်ပံ့မှုရရှိထားသူ မဖြစ်ရပါဘူး။
- UNHCR မှတ်ပုံတင် ကိုင်ဆောင်ထားသူတွေမဖြစ်ရပါဘူး။

လိုအပ်တဲ့ Documents များ။

- ၆ လအတွင်း ရိုက်ထားတဲ့ Passport-sized ဓာတ်ပုံ။
- မှတ်ပုံတင်။
- အိမ်ထောင်စုဇယား။
- မိမိရဲ့လက်မှတ် Scan။
- Passport ( လျှောက်ထားချိန်မှာ Passport မရှိသေးလဲ ရပါတယ်။)
- တက်ရောက်ခဲ့တဲ့ ကျောင်းမှ (Academic Transcripts)။
- English Proficiency Test ( IELTS/ TOEFL,GED)။
- Recommendation Letters ၂စောင် ( Academics and Work)။
- မိမိတက်ရောက်ထားသောသင်တန်းများမှ Certificates များ။
- Essay 3 ပုဒ်ကို ရေးသားပြီး Application Form ကိုတင်သွင်းနိုင်ပါတယ်။
(Character 3000 ရှိတဲ့ Essay 3 ပုဒ်ကို ရေးသားရမှာဖြစ်ပါတယ်။ တစ်ခုရှိတာက Character 3000 နှင့် Words 3000 မတူတာကို သတိထားစေချင်ပါတယ်။)

ပညာသင်ဆု Apply Process ကြာချိန်။

- Deadline (28th February)
- December to February (Application Form Opens)
- March (Shortlist Candidates)
- April (Interview Process)
- May (Selected Applicants)
- June to August (Start to Attend Universities)

အသေးစိတ် ထပ်မံသိရှိလိုပါက Child’s Dream ရဲ့ Official Website မှာ ဝင်ရောက်ကြည့်ရှုနိုင်သလို Email address ဖြစ်တဲ့ [email protected] သို့လည်း ဆက်သွယ်မေးမြန်းနိုင်ပါတယ်။

ဒါဆိုရင်တော့ Child Dream ပညာသင်ဆုအကြောင်းကို သေချာလေးသိရှိသွားမယ်လို့ ထင်ပါတယ်။ လူငယ်တွေအနေနဲ့လည်း ကိုယ်ရည်မှန်းထားတဲ့ တက္ကသိုလ်ကို အောင်မြင်စွာ လျှောက်လှမ်းနိုင်ပါစေလို့ ဆုမွန်ကောင်း တောင်းလိုက်ပါတယ်။