အစ်ကို Dee Dee ညွှန်းထားတဲ့စာအုပ်တွေ (၁)

ဘဝမှာစိတ်ရောကိုယ်ပါ ကြံ့ခိုင်သန်မာစေဖို့နဲ့ ကြီးမားတဲ့အပြောင်းအလဲတွေကို ရင်ဆိုင်လျှောက်လှမ်းနိုင်ဖို့က စိတ်ပိုင်းဆိုင်ရာ ရင့်ကျက်ဖို့ လိုအပ်ပါတယ်။

ဒီလို စိတ်ဓာတ်ပိုင်းဆိုင်ရာကို ခွန်အားဖြည့်ပေးနိုင်မယ့် စာအုပ် (၂၀) အုပ်ကို ShweNote မှာဖတ်ရှုလေ့လာဖို့ ကိုဒီးဒီးအကြံပြုပေးထားပါတယ် ခင်ဗျာ။

ကျွန်တော်ကနေပြီးတော့ စာအုပ်လင့်တွေနဲ့အတူပြန်လည်စုစည်းမျှဝေပေးလိုက်ပါတယ်။

၁။ အမည် - Think and Grow Rich

PDF - https://t.me/black_white_Library/17015/17206

Think and Grow Rich စာအုပ်ဟာ ဒုတိယကမ္ဘာစစ် ပြီးကာလ 1937 ခုနှစ်တည်းကတည်းက ထုတ်ဝေခဲ့တဲ့ စာအုပ်တစ်အုပ်ပါ။ စစ်ဒဏ်ကြောင့် စိတ်ထောင်းကိုယ် ကျေဖြစ်ပြီး အားငယ်နေကြတဲ့ ကမ္ဘာကြီးကို ဒီစာအုပ်က စိတ်ဓာတ်ခွန်အားတွေ အများကြီးပေးနိုင်ခဲ့တာကို တွေ့ရ ပါတယ်။

ဒီစာအုပ်ဟာ ပိုက်ဆံများများရှာချင်သူတွေ, ကြီးပွားချမ်းသာချင်သူတွေ, အောင်မြင်တိုးတက်လိုသူ တွေအတွက် အသုံးဝင်မယ့် စာအုပ်ကောင်းတစ်အုပ်ပါပဲ။

၂။ အမည် - 21 Lessons for the 21st Century

PDF - https://t.me/black_white_Library/17242

ဒီစာအုပ်ဟာ ကမ္ဘာတစ်ဝှမ်း စာအုပ်သန်းပေါင်းများစွာ ရောင်းချခဲ့ရပြီး၊ ဘာသာစကား ၅ဝ ခန့်နဲ့ ဘာသာပြန်ဆို ခြင်း ခံခဲ့ရတဲ့စာအုပ်ဖြစ်ပါတယ်။ New York Time ရဲ့ ရောင်းအားအကောင်းဆုံး စာအုပ်စာရင်းမှာပါဝင်ပြီး၊ Bill Gates တို့လို ပုဂ္ဂိုလ်မျိုးတွေကပါ ဖတ်သင့်တဲ့ စာအုပ် တစ်အုပ်အဖြစ် သတ်မှတ်ပေးထားတဲ့ စာအုပ်ဖြစ်ပါ တယ်။

ဒီစာအုပ်မှာ ၂၁-ရာစုမှာ တွေ့ကြုံရမဲ့ နိုင်ငံရေး, စီးပွားရေး, အလုပ်အကိုင်, ပညာရေး, လူမှုရေး, ဘာသာ ရေး စတဲ့ အရေးကိစ္စပေါင်းစုံကို ထက်မြက်တဲ့ အတွေးအခေါ်တွေနဲ့ ချဉ်းကပ်ထားတာကြောင့် ၂၁ရာစုရဲ့ လူသားတိုင်း မဖတ်မဖြစ်တဲ့ စာအုပ်တစ်အုပ်ဖြစ်ပါတယ်။

၃။ အမည် - The 7 Habits of Highly Effective People

PDF - https://t.me/black_white_Library/17213

ကမ္ဘာတစ်ဝှမ်း စာအုပ်ပေါင်း ၂၅ သန်းခန့် ရောင်းချခဲ့ရတဲ့ ဒီစာအုပ်ဟာ ထိရောက်အောင်မြင်စွာ အလုပ်လုပ်နိုင်သူ တွေရဲ့အမူအကျင့်ကောင်း ၇ ခုကို အသေးစိတ် ဖော်ပြ ပေးထားတဲ့ စာအုပ်ဖြစ်ပါတယ်။

ဒီစာအုပ်မှာ ပါဝင်တဲ့ အမူအကျင့်တွေကို ကိုယ့်ရဲ့ ကိုယ်ပိုင်အမူအကျင့်တွေ ဖြစ်အောင် လေ့ကျင့်ပျိုးထောင်နိုင်ပြီဆိုရင် သင့်ဘဝရဲ့ အလုပ်ခွင်မှာရော, လူမှုဘဝမှာပါ ထိရောက်အောင်မြင် ပြီး၊ ပိုမိုကောင်းမွန်တဲ့ ဘဝတစ်ခုကို တည်ဆောက်နိုင်မှာ ဖြစ်ပါတယ်။

၄။ အမည် - Rich Dad Poor Dad

PDF - https://t.me/black_white_Library/17015/17244

Rich Dad Poor Dad စာအုပ်ဟာ ဆင်းရဲတဲ့သူတွေနဲ့ ချမ်းသာတဲ့သူတွေရဲ့ မတူညီတဲ့ စိတ်ဓာတ်နဲ့ ခံယူချက်တွေကို ဖော်ပြထားတဲ့ စာအုပ်ဖြစ်ပါတယ်။

ဒီစာအုပ်မှာ ကြွယ်ဝချမ်းသာသူတစ်ယောက် ဖြစ်လာဖို့အတွက် ရင်းနှီး မြုပ်နှံမှု ပြုလုပ်နည်းတွေကိုလဲ လေ့လာရမှာ ဖြစ်ပါတယ်။

၅။ အမည် - So Good They Can't Ignore You

PDF - https://t.me/black_white_Library/7127/12105

အသက်မွေးဝမ်းကျောင်းနဲ့ ပက်သက်လာရင် "ဝါသနာပါ တာကို လုပ်ပါ"၊ "ကိုယ်မြတ်နိုးတဲ့ အလုပ်ကိုလုပ်ပါ" လို့ လူတော်တော်များများက အကြံပေးတတ်ကြပါတယ်။ ဒါပေမဲ့ ကိုယ်ကြိုက်တာ ကိုယ်လုပ်ရုံနဲ့ပဲ ဘဝမှာ အောင်မြင်မှု ရမယ်ဆိုတာ တစ်ကယ်ဖြစ်နိုင်ပါ့မလား? အောင်မြင်မှုရဖို့ အဲ့လောက် ရိုးရှင်းရဲ့လား?

ဒီစာအုပ်မှာ Cal Newport ဟာ အလုပ်ခွင် နယ်ပယ် များစွာက လူပေါင်းများစွာကို လေ့လာဆန်းစစ်ပြီး၊ ကိုယ် ဝါသနာပါတာကို လုပ်ရုံနဲ့ အောင်မြင်ဖို့ မသေချာကြောင်း ကို ဖောက်ထွက်တွေးခေါ်ပြထားတာကို တွေ့ရမှာ ဖြစ်ပါ တယ်။

ဒါတင်မက အလုပ်ခွင်မှာ အရေးပါတဲ့ လူတစ် ယောက်ဖြစ်ဖို့ ဘယ်လိုလုပ်သင့်တယ်၊ တန်ဖိုးရှိတဲ့ အလုပ်တစ်ခုကို ဘယ်လိုဖန်တီးရမယ် စတဲ့အချက်တွေ ကိုလဲ ပြည့်ပြည့်စုံစုံ ရှင်းလင်းတင်ပြထားတာကြောင့် လူငယ်တွေသာမက၊ professional ဘဝကို ဖြတ်သန်း နေကြတဲ့ လူလတ်ပိုင်းတွေပါ ဖတ်ရှုသင့်တဲ့ စာအုပ်တစ် အုပ် ဖြစ်ပါတယ်။

၆။ အမည် - Awaken the Giant Within

PDF - https://t.me/black_white_Library/17222

လူတိုင်းမှာ သူတို့ကိုယ်တိုင် သတိမထားမိတဲ့ စွမ်းအား တွေရှိနေကြပါတယ်။ ဒါပေမယ့် လူအများစုဟာ အဲဒီ စွမ်းအားတွေကို ဖော်ထုတ်နိုင်စွမ်း မရှိကြပါဘူး။

Awaken the Giant Within စာအုပ်မှာ လူတိုင်းလူ တိုင်း ကိုယ့်မှာရှိတဲ့ စွမ်းအားတွေကို ဖော်ထုတ်နိုင်အောင် ကူညီပေးရန် နည်းလမ်းများဖော်ပြထားပါတယ်။ဒီ စွမ်းအားတွေကိုသာ ကိုယ့်ဘက်က နည်းလမ်းတကျ ထုတ်ဖော်ပေးနိုင်ရင် မဖြစ်နိုင်တဲ့ စိတ်ကူးအိပ်မက်ဆိုတာ မရှိဘူးလို့လဲ ဆိုထားပါတယ်။

၇။ အမည် - Atomic habits

PDF - https://t.me/black_white_Library/17015/17050

လူတိုင်းဟာ ကိုယ့်ဘဝကိုယ် ထိန်းချုပ်နိုင်စွမ်း ရှိချင်ကြ ပြီး၊ မကောင်းတဲ့ အကျင့်ဆိုးတွေက ကိုယ့်ဘဝကို ထိန်းချုပ်ဦးဆောင်သွားမှာကို မလိုလားကြပါဘူး။

လူအများစုဟာ နှစ်ဟောင်းကုန်လို့ နှစ်သစ်ကူးပြီဆိုတာနဲ့ နောက်တစ်နှစ်အတွက် အစီအစဉ်တွေ, ပန်းတိုင်တွေကို ရေးဆွဲချမှတ်လေ့ ရှိကြပါတယ်။ ဒါပေမယ့် ဒီအစီအစဉ်တွေဟာ များသောအားဖြင့် အကောင်အထည်မပေါ်ပဲ အချည်းနှီး ဖြစ်ကုန်ကြတာပဲ များပါတယ်။ Atomic Habit စာအုပ်မှာ အလေ့အထ (habit) တစ်ခုကို ပြုစု ပျိုးထောင်ဖို့အတွက် လိုအပ်တဲ့ ဥပဒေသတွေကို အကျယ်တဝင့် လေ့လာရမှာ ဖြစ်ပါတယ်။

၈။ အမည် - You Are a Badass

PDF - https://t.me/black_white_Library/17238

ဒီစာအုပ်ရဲ့စာရေးဆရာမ Jen Sincero ဟာ တစ်ချိန် တုန်းက သူ့ဘဝသူ မကျေမနပ်ဖြစ်ခဲ့ဖူးပါတယ်။ နောက်ပိုင်းမှာတော့ Sincero ဟာ ပိုကောင်းတဲ့ဘဝကို ရအောင်ကြိုးစားမယ်လို့ဆုံးဖြတ်ပြီး ပြုပြင်ပြောင်းလဲမှု တွေ ဆက်တိုက်လုပ်ခဲ့ပါတယ်။

သူမဟာ အောင်မြင် တိုးတက်ရေးဆိုင်ရာ ဟောပြောပွဲပေါင်းစုံတက်ခဲ့ပြီး ကောင်းနိုးရာရာ self-help နည်းလမ်းပေါင်းများစွာကို လဲ လိုက်နာကျင့်သုံးကြည့်ခဲ့ပါတယ်။

You Are a Badass စာအုပ်မှာ Sincero က သူ့ဘဝ အတွက် လက်တွေ့အသုံးကျခဲ့တဲ့ self-help နည်းစနစ် တွေကို ပြန်လည်မျှဝေပေးထားတာ ဖြစ်ပါတယ်။

ဒီစာအုပ် ရဲ့ရည်ရွယ်ချက်က ဘဝကိုအားမရတာ၊ စိတ်ပျက် အားငယ်တာ၊ မပျော်မရွှင်ဖြစ်နေတာတွေကိုဖယ်ရှားပြီး ပို ကောင်းတဲ့ဘဝနဲ့ အတောက်ပဆုံးအနာဂတ်တွေကို ဖန်တီးပုံဖော်နိုင်ဖို့ပဲဖြစ်ပါတယ်။

၉။ အမည် - The Power of Now

PDF - https://t.me/black_white_Library/17015/17179

မျက်မှောက်ခေတ်မှာ လူသားတိုင်းဟာ အရင်တုန်းက ထက် ပိုမိုလျင်မြန်တဲ့ အရှိန်အဟုန်နဲ့ နေ့စဉ်ဘဝတွေကို ဖြတ်သန်းနေကြရသလို၊ ပိုမိုပြင်းထန်တဲ့ ပြိုင်ဆိုင်မှုတွေ ကိုလဲ ရင်ဆိုင်နေကြရပါတယ်။ ဒါကြောင့် စိတ်ဓာတ်ကျ မှု၊ စိုးရိမ်သောကဖြစ်မှုနဲ့ စိတ်ကစဉ့်ကလျားဖြစ်မှုတွေကို ခံစားနေရသူတွေဆ တစ်နေ့တစ်ခြား ပိုများလာတာကို တွေ့ရမှာဖြစ်ပါတယ်။

နိုင်ငံတကာမှာကောက်ယူခဲ့တဲ့ ခံစားချက်ဆိုင်ရာ စစ်တမ်းတွေအရ ကမ္ဘာတစ်ဝှမ်းက လူသားတွေရဲ့ မကောင်းတဲ့ခံစားချက်တွေဟာ တစ်နှစ် ထက်တစ်နှစ် မြင့်တက်နေတယ်လို့ သိရပါတယ်။ The Power of Now ဆိုတဲ့ စာအုပ်မှာတော့ အဲဒီ နာကျင်မှု တွေကနေ ဘယ်လိုရုန်းထွက်ရမလဲဆိုတာကို အဖြေရှာ နိုင်မှာ ဖြစ်ပါတယ်။

၁၀။ အမည် - Outliers

PDF - https://t.me/black_white_Library/17220

ဒီစာအုပ်ရဲ့ နာမည်ဖြစ်တဲ့ "Outliers" ဆိုတာက သူများ တွေနဲ့မတူဘဲ ထူးချွန်ထက်မြက်နေသူတွေကို ဆိုလိုတာပါ။ ခေတ်စနစ်တိုင်းမှာ တခြားလူတွေ လိုက်မမှီအောင် ချွန်ထွက်နေတဲ့ outliers တွေ ရှိတတ်ကြစမြဲပါပဲ။

လူအများစုဟာ အောင်မြင်ကြီးပွားနေတဲ့လူတွေကို "ပါရမီကောင်းတယ်", "အလုပ်ကြိုးစားတယ်", "အမျှော်အမြင်ရှိတယ်" လို့ သတ်မှတ်ကြပြီး၊ ဆင်းရဲတဲ့လူ တွေကိုတော့ "အလုပ်မကြိုးစားလို့", "ပျင်းလို့", "ဉာဏ်မ ကောင်းလို့" ဆင်းရဲရခြင်းဖြစ်တယ်လို့ သတ်မှတ်တတ်ကြပါတယ်။

ဒါပေမယ့် ဒီစာအုပ်မှာတော့ outliers တွေရဲ့ အောင်မြင် မှုဟာ ပါရမီနဲ့ အလုပ်ကြိုးစားမှုတို့သာမက "မွေးရာပါ အားသာချက်", "အခွင့်အလမ်းရရှိမှု", "ယဉ်ကျေးမှု ဓလေ့စရိုက်" အစရှိတဲ့ အချက်တွေပေါ်မှာပါ မူတည်နေ တယ်လို့ ဖော်ပြထားပါတယ်။

ရောင်နီ ( Book Review Sharing )