ထပ်ကာထပ်ကာလေ့ကျင့်ခြင်းက ကျွမ်းကျင်စေတယ် ◾

လူတိုင်း တိုးတက်ချင်ကြတယ်။ ဒါပေမဲ့ လူတိုင်းကတော့ တိုးတက်မှုအတွက် စိတ်မရှည်ကြဘူး။ အများစုက အခုရေတွင်းတူး၊ အခုရေကြည်သောက်ချင်ကြတတ်ကြတယ်။

အင်္ဂလိပ်စာကို သုံးလလောက်သင်ပြီး ပြောနိုင်ချင်ကြတယ်။ တစ်လလောက်နဲ့ စန္ဒရားတီးတတ်ချင်ကြတယ်။ နယ်ပယ်တစ်ခုမှာ ကျွမ်းကျင်ဖို့အတွက်က အချိန်ပေးရတယ်။ အချိန်ပေးတယ်ဆိုတာတောင် ရိုးရိုးပေးလို့မရဘူး၊ တစိုက်မတ်မတ် စိတ်နှစ်ပြီး လေ့ကျင့်ဖို့လိုပါတယ်။

Malcolm Gladwell က နယ်ပယ်တစ်ခုမှာ တစ်ဖက်ကမ်းခပ်ကျွမ်းကျင်ဖို့အတွက် နာရီ ၁၀၀၀၀ လေ့ကျင့်ဖို့လိုတယ်လို့ သူ့လေ့လာတွေ့ရှိချက်ကို ပြောတယ်။ Jim Rohn ကတော့ “Repetition is the mother of the skills.” တဲ့။ ထပ်ကာထပ်ကာလေ့ကျင့်ခြင်းဟာ ကျွမ်းကျင်မှုရဖို့ အကြောင်းရင်းပဲလို့ ဆိုလိုတာဖြစ်ပါတယ်။

ဆိုတော့ ခင်ဗျား နယ်ပယ်တစ်ခုမှာ၊ ပညာရပ်တစ်ခုမှာ ကျွမ်းကျင်အဆင့်ရောက်ချင်တယ်ဆိုရင် နာရီ ၁၀၀၀၀ မဟုတ်ရင်တောင် နာရီပေါင်းများစွာတော့ အဆက်မပြတ်လေ့ကျင့်နေဖို့လိုတယ်။ ငယ်ငယ်က စာကျက