YSEALI Academic Fellowship အကြောင်း သိကောင်းစရာ။

ဒီနေ့မှာတော့ နိုင်ငံတကာအတွေ့အကြုံများအကြား အမေရိကန်မှာ Scholarship လျှောက်ချင်တဲ့ Academic လူငယ်များအတွက် အထောက်အကူဖြစ်စေမဲ့ YSEALI အကြောင်းကို မျှဝေပေးလိုက်ပါတယ်ခင်ဗျာ။ လူငယ်လေးတွေ ငယ်တုန်းရွယ်တုန်း၊ လျှောက်သင့်ကြိုးစားကြည့်သင့်ပါတယ်။ အတွေ့အကြုံတစ်ခုရတာပေါ့။ ကြိုးစားကြည့်တာမမှားပါဘူး။ အဆုံးထိ လေ့လာကြည့်ရအောင်နော်။

YSEALI ဆိုတာ ဘာလဲ?

Young Southeast Asia Leaders Initiative (YSEALI) ဆိုတာ အရှေ့တောင်အာရှလူငယ်များရဲ့ ခေါင်းဆောင် မှုပိုင်းဆိုင်ရာအရည်အသွေးကို တိုးတက်မြင့်မားလာစေဖို့နှင့် အာဆီယံလူငယ်တွေကြား ပူးပေါင်းဆောင်ရွက်မှုစွမ်းရည်ကို ပိုမိုအားကောင်းလာစေဖို့အတွက် အမေရိကန်အစိုးရမှ ပြုလုပ်ပေးတဲ့ Fully Funded US Exchange Program တစ်ခုဖြစ်ပါတယ်။

ဘယ်သူတွေ လျှောက်လို့ရလဲ?

အသက် 18 နှစ် မှ 23 နှစ်အတွင်းမှ English Language ကို အရေး၊ အဖတ်ကျွမ်းကျင်စွာဖြင့် ကောင်းမွန်စွာ ဆက်သွယ်ပြောဆိုနိုင်မဲ့ လူငယ်တွေအနေနဲ့ Civic Engagement၊ Environmental Issues & Natural Resources Management နှင့် Economic Development တို့မှာ စိတ်ပါဝင်စားပြီး အာဆီယံနဲ့ ဆက်နွယ်တဲ့ ကိစ္စရပ်တွေကို စိတ်ပါဝင်စားသူတွေ လျှောက်လို့ရပါတယ်။

ဘယ်အချိန်မှာ လျှောက်ရမှာလဲ?

YSEALI Academic Fellowship အတွက် လျှောက်ရမဲ့ အချိန်အတိအကျနှင့်အတူ Application Form ကိုတော့ U.S. Embassy ရဲ့ Website မှာ ဖော်ပြပေးထားပါတယ်။ 2024 Program အတွက် Application Form ကို September 8 - October 9, 2023 မှာ ပြီးဆုံးသွားပြီဖြစ်ပါတယ်။

ဘယ်ကျောင်းတွေမှာ တက်ရမှာလဲ?

ကျောင်းအနေနဲ့ကတော့ (၂) ကျောင်း ဖော်ပြထားပြီး ကိုယ်တက်ရမဲ့ ကျောင်းကို ပြန်ရွေးချယ်ပေးမှာဖြစ်ပါတယ်။
- YSEALI Academic Fellowship on Civic Engagement

• (i) The University of Nebraska - Omaha
• (ii) Arizona State University

- YSEALI Academic Fellowship on Environmental Issues & Natural Resources Management

• (i) University of Montana
• (ii) The East-West Center Hawaii

- YSEALI Academic Fellowship on Economic Development

• (i) The University of Connecticut
• (ii) The University of Texas - Austin

YSEALI လျှောက်ဖို့ ဘာတွေလိုအပ်လဲ?

• - Matriculation Exam Certificate ( Including marks/score )
• - Complete Application Form
• - Two Letter of Recommendation
• - Personal Essay (maximum 500 words)
• - University Transcripts
• - English Proficiency Test Sore ( IELTS/ TOEFL)

Application ကြာချိန်ကရော?

YSEALI ရဲ့ Application ကြာချိန်ကတော့ (၃) လခန့်လောက် ကြာပါတယ်။ Application Form Deadline ပြီးရင် သူတို့ဘက်ကနေ Essay Review ကို တစ်လခန့်လောက် လုပ်ပါတယ်။ Essay အဆင့်မှာ အောင်သွားရင် Interview ခေါ်ပါတယ်။ Interview Result ကလည်း တစ်လခန့် ကြာပါတယ်။ Interview မှာ အောင်ရင်တော့ နှစ်ပတ်လောက်အတွင်း US Education & Cultural Department ကနေ ပြန် Review ပြီးမှ Finalist ကို ပြန်ရွေးတာပါ။ (မှတ်ချက် - Interview အောင်သွားလည်း အရွေးမခံရနိုင်တဲ့ အခြေအနေရှိပါတယ်။)

Full Scholarship လား?

US Government က မေးတဲ့ Fully Funded Program ဖြစ်တာကြောင့် Virtual အတွက် Technical Fee တွေနှင့် In Person အတွက်ရော အစစအရာရာ အကုန်လုံး အခမဲ့ ဖြစ်ပါတယ်။

YSEALI အတွက် သိထားသင့်တဲ့အချက်များ။

• YSEALI ကို လျှောက်မဲ့သူတွေအနေနဲ့ ဒီအချိန်မှာ Recommendation Letter ကို ဘယ်သူ့ဆီကနေ တောင်းရမလဲဆိုတဲ့ပြဿနာပါ။ အဲ့ဒီအတွက် ကျောင်းကဆရာမဆီကပဲ တောင်းရမယ်လို့ မပါတာကြောင့် ကိုယ့်အကြောင်းကို သေချာသိပြီး ကောင်းကောင်း Recommend လုပ်နိုင်မဲ့ သူဆီကနေ တောင်းလို့ရပါတယ်။ ကိုယ်ရဲ့ အလုပ်က Head ဆီက တောင်းလည်းရပါတယ်။ (နှစ်စောင်တော့ ပြည့်ဖို့လိုပါတယ်)
• High School Marks နဲ့ Certificate ကတော့ ရှိရပါမယ်။ အဲ့တာကို Notary ပြန်ပေးဖို့လည်း လိုပါတယ်။
• Uni Transcripts မရှိတဲ့သူတွေကတော့ Mail ထဲမှာ Current Situation လို့ ထည့်ရေးပြီး အဆင်မပြေကြောင်း ထည့်ပေးရမယ်လို့မြင်ပါတယ်။
• English Proficiency Test Score ကို တောင်းတာဖြစ်လို့ မဖြေရသေးရင်တော့ Recommendation နဲ့ သွားရမယ်လို့ ထင်ပါတယ်။
• Personal Essay Tips ကတော့ ကိုယ်ရဲ့ Experiences တွေနှင့် နောက်တစ်ချိန်မှာ ကိုယ်ရဲ့ Community အတွက် လုပ်ဖို့စီစဥ်ထားတဲ့ Effective Action Plan ကို ထည့်ရေးပေးသင့်ပါတယ်။ ဒါ့အပြင် Personal Essay မှာပါတဲ့ မေးခွန်း (၄) ခုကို Cover ဖြစ်ဖို့လိုပါတယ်။
• US မှာ နေရမှာမဟုတ်ပဲ 5 weeks (တစ်လခွဲ) Program ဖြစ်တာကြောင့် US မှာ စာသင်ပြီး ကိုယ့်နိုင်ငံ ကိုယ်ပြန်လာပြီး Project တွေလုပ်ရမှာဖြစ်ပါတယ်။
• YSEALI လိုအပ်လား? ဆိုရင်တော့ ကိုယ့်အပေါ်မှာပဲ မူတည်ပါတယ်။ ဘာကြောင့်လဲဆိုတော့ သူက သွားရရင် J1 Visa ပေးလို့ ပြန်လာရင် US ကို (၂) နှစ်အတွင်း ပြန်ဝင်လို့မရပါဘူး။ ကိုယ်က Master အတွက် Fullbright တို့ Lincoln တို့ လျှောက်ဖို့စဥ်းစားထားရင်တော့ အားမပေးပါဘူး။ US Exchange Experience ရချင်သူတွေအတွက်တော့ လိုအပ်ပါတယ်လို့ ပြောချင်ပါတယ်။

ဒါဆိုရင်တော့ YSEALI Academic Fellowship Program အကြောင်းကို နားလည်သွားမယ်လို့ မျှော်လင့်ပါတယ်။