ဘ၀က ပိုလွယ်ကူလာတာမဟုတ်ဘူး၊ ကျွန်တော်တို့က ခံနိုင်ရည်ပိုရှိလာတာ ◾

လူတွေဟာ ဘ၀မှာ ငယ်ငယ်တုန်းက လူကြီးဖြစ်ချင်ခဲ့ကြသလို ကြီးလာတဲ့အခါ ပြန်ငယ်ချင်ကြပြန်တယ်။ ငယ်ငယ်တုန်းက လူကြီးဖြစ်ချင်တာကတော့ လူကြီးဖြစ်ရင် လူကြီးတွေလုပ်တာတွေလုပ်ခွင့်ရမယ်၊ လူကြီးတစ်ယောက်ရဲ့ ပါဝါရှိမယ်၊ မလုပ်ဖူးသေးတာတွေ လုပ်ခွင့်ရမယ်ဆိုတဲ့စိတ်ကြောင့်ပေါ့။ လူကြီးဖြစ်တဲ့အခါ ပြန်ငယ်ချင်တာကတော့ နုပျိုတဲ့ဘ၀ကို ပြန်လိုချင်တာ၊ ကျန်းမာတဲ့ဘ၀ကို ပြန်ရောက်ချင်တာ၊ စိတ်ပူပန်စရာနည်းတဲ့ဘ၀ကို ပြန်ပိုင်ဆိုင်ချင်တာ စသဖြင့်ပေါ့။ အဲဒီထဲမှာ စိတ်ပူပန်မှု၊ စိတ်ဖိစီးမှုနည်းတဲ့ဘ၀ကို ပြန်လိုချင်တာကတော့ ပိုပြီးအဓိကကျတယ်လို့ပြောလို့ရမယ်။

လူဟာ အသက်ကြီးလာလေ လောက်အတွေ့အကြုံ၊ လောကဒဏ်ရိုက်ခတ်မှုဒဏ် ပိုခံလာရတဲ့အတွက် စိတ်ပူစရာ၊ စိတ်ဖိစီးစရာ ပိုများလာတယ်။ ငွေကြေးပြဿနာ၊ မိသားစုပြဿနာ၊ ကျန်းမာရေးပြဿနာ၊ လူမှုရေးပြဿနာ စသဖြင့် ပြဿနာမျိုးစုံရှိနိုင်တယ်။ Steve Maraboli ပြောတဲ့စကားလေးရှိတယ်။ “ဘ၀က ပိုလွယ်ကူလာတာမဟုတ်ဘူး၊ ကျွန်တော်တို့က ပိုသန်မာလာပြီး ခံနိုင်ရည်ပိုရှိလာတာ” တဲ့။

ဘ၀က ခံနိုင်ရည် (Resilience) မရှိရင် မလွယ်ဘူး။ လက်ရှိမြန်မာပြည်မှာ လူဖြစ်နေသူတွေ ဒါကို ပိုသ