ပိုက်ဆံမစုပါနဲ့ ပိုက်ဆံကို ခိုင်းပါ ◾

ငွေကြေးနဲ့ပတ်သက်ရင် လူအများစုက စုဖို့အားသန်ကြတယ်။ ငွေရှိအောင် စုဖို့လိုအပ်တာမှန်တယ်။ ဒါပေမဲ့ ငွေကို ဒီအတိုင်းစုနေရုံနဲ့မရဘဲ ငွေကိုတိုးပွားအောင်လုပ်ဖို့လိုတယ်။ အဲဒီအတွက် ငွေကို ရှင်သန်နေအောင် ခိုင်းတတ်ဖို့လိုတယ်။

“Savers are losers” လို့ဆိုတယ်။ ငွေစုရင် ရှုံးတယ်တဲ့။ ဘာလို့လဲဆိုတော့ ကိုယ်စုထား၊ ကိုင်ထားတဲ့ငွေက မလျော့သွားဘူးဆိုပေမဲ့ ငွေကြေးဖောင်းပွမှု(Inflation) ကြောင့် တဖြည်းဖြည်း တန်ဖိုးလျော့သွားပါတယ်။

မြန်မာပြည်ရဲ့ ငွေကြေးဖောင်းပွမှုနှုန်းက ယခင်ပုံမှန်အခြေအနေမှာဆိုရင်တောင် ၆-၇ ရာခိုင်နှုန်းဝန်းကျင်ရှိခဲ့တယ်။ လက်ရှိအခြေအနေအရ Inflation Rate က ပိုများလာတယ်။ ADB တို့လို နိုင်ငံတကာအဖွဲ့အစည်းတွေရဲ့ ထုတ်ပြန်ချက်အရတော့ ၁၆ ရာခိုင်နှုန်းလို့ဆိုတယ်။ တကယ့်မြေပြင်အခြေအနေတွေအရတော့ ဒီထက်မကပါဘူးလို့လည်း သုံးသပ်ကြတာရှိတယ်။ ကုန်စျေးနှုန်းက အရင်ထက် နှစ်ဆလောက်တက်သွားတာကိုကြည့်ရင် မှန်းလို့ရပါတယ်။ ဒီလိုအခြေအနေမှာ