စဉ်းစားဖို့ တွန့်ဆုတ်ခြင်း ◾

သာမန်လူတွေနဲ့ ကြီးပွားတိုးတက်သူတွေကြား ခြားနားစေတဲ့အဓိကအချက်တစ်ချက်က စဉ်းစားခြင်း (Thinking) ပဲ။ စဉ်းစားတယ်ဆိုတာ စိတ်ကူးယဉ်တာ၊ တွေးချင်ရာတွေးပြီး မျောနေတာမျိုးမဟုတ်ဘဲ စဉ်းစားသင့်၊ တွေးသင့်တာကို စဉ်းစားတွေးခေါ်တာကို ဆိုလိုတာပါ။ ကိုယ်ဘာဖြစ်ချင်လဲဆိုတဲ့ Self-awareness ကနေ ကိုယ်ဖြစ်ချင်တာကိုရအောင် ဘယ်လိုလုပ်မလဲဆိုတာအထိပါတယ်။ အသက်မွေးဝမ်းကျောင်း၊ စီးပွားရေး၊ လူမှုရေး စသဖြင့် နယ်ပယ်အစုံဖြစ်နိုင်တယ်။

စဉ်းစားတွေးတောခြင်းက အဲဒီလောက်အထိ အရေးပါပေမဲ့ လူအများစုကတော့ ဒါကို သိပ်အချိန်ပေးလေ့မရှိကြဘူး။ တချို့ကလည်း ကိုယ့်ကိုယ်ကိုယ် စဉ်းစားတယ်လို့ထင်ကြတယ်။ သောမတ်စ်အက်ဒီဆင်ပြောတဲ့ စကားတစ်ခွန်းရှိတယ်။

“လူတွေထဲမှာ ၅ ရာခိုင်နှုန်းက စဉ်းစားတွေးခေါ်ကြပါတယ်။ ၁၀ ရာခိုင်နှုန်းက သူတို့ကိုယ်သူတို့ စဉ်းစားတွေးခေါ်တယ်ထင်ကြတယ်။ တခြား ၈၅ ရာခိုင်နှုန်းကတော့ စဉ်းစားတွေးခေါ်ဖို့ထက် အသက်သာအသေခံသွားချင်ကြတဲ့သူတွေဖြစ်တယ်”။

ကျွန်တော့်ငယ်သူငယ်ချင်းတစ်ယောက် ပြောဖူးတာလေးတောင် သတိရတယ်။ “ငါ အလုပ်တစ်ခုလောက်လိုချင်လို့။ ခေါင်းမစားရတဲ့အလုပ်လေးရှိရင် လုပ်ချင်တယ်” တဲ့။ စဉ်းစားတယ်ဆိုတာ ဦးနှောက်က အလုပ်လုပ်ရတော့ ပင်ပန်းတာကိုး။ ဒီလို စဉ်းစားတွေးတောဖို့ တွန့်ဆုတ်တဲ့စိတ်ကြောင့်ပဲ တချို့ အသက်သာတဖြည်းဖြ