စာဖတ်ဖို့ အချိန်မပေးနိုင်ဘူးဆိုတာ ဆင်ခြေ (ဆောင်းပါးတို)

စာဖတ်ဖို့ အချိန်မပေးနိုင်ဘူးဆိုတာ ဆင်ခြေ

မင်းမှာ စာဖတ်ဖို့ကို အချိန်ကလေးနည်းနည်းဝောာ့ ပေးသင့်တယ်လို့ မထင်ဘူးလား။ လူတစ်ယောက်က ကိုယ်လုပ်တဲ့အလုပ်နဲ့ ကိုယ့်ဝါသနာပေါ်မူတည်ပြီး စားဝတ်နေရေးအတွက် ကြိုးစားရုန်းကန်ကြရပါတယ်။ ဒါပေမဲ့ ကိုယ်လုပ်တဲ့ အလုပ်အပေါ်မူတည်ပြီး စာဖတ်သူနဲ့၊ စာမဖတ်သူတို့ရဲ့ အပြုအမူ အပြောအဆို၊ အနေအထိုင်တို့က အနည်းငယ် ကွာခြားနေနိုင်ပါတယ်။

လူတစ်ယောက်ကပြောတယ် "ဟေ့ကောင် မင်းတို့ဖတ်နေတဲ့ စာအုပ်တွေလောက်တော့ ငါ့ဘဝက မင်းတို့ကို သနားလိုက်တာလို့ ပြောပြီး ထိုင်တောင်ရယ်နေလိုက်ချင်သေး။ ငါ့အတွက် ဘာစာမှ ဖတ်စရာမလိုဘူး။ အပြင်လောကမှာ ဖြစ်နေတာတွေကိုပဲ စာအုပ်ထဲမှာ ပြန်ရေးထားကြတာကွ။ ဘာစာအုပ်မှ ဖတ်မနေနဲ့"

ဒါပေမဲ့လည်း စာဖတ်တဲ့သူနဲ့ စာမဖတ်တဲ့သူ အသိပညာခြင်း ယှဉ်လို့ရတယ်။ စာဖတ်သူက ဉာဏ်ရည်နဲ့ စဉ်းစားဆင်ခြင်နိုင်စွမ်း ကွာတယ်။

ငါက စာဖတ်ဖို့ အချိန်မပေးနိုင်ဘူး

ဒီလိုစကားမျိုး သူငယ်ချင်းတွေဆီကနေလည်း ကြားရတယ်။ ဒါဟာ ဆင်ခြေသက်သက်ပါ။ စာဖတ်ဖို့ ဘယ်လိုဆွယ်ဆွယ် မရဘူး။ ဒီတော့ ကျနော် စိတ်ခံစားချက် ပြင်းထန်လာပြီး စာဖတ်ဖို့ အချိန်မပေးနိုင်တဲ့သူတွေနဲ့ စာဖတ်ဖို့ စိတ်မပါ (တနည်းပြောရရင် ပျင်းနေတဲ့)၊ ဆင်ခြေအမျိုးမျိုးပေးနေတဲ့ သူတွေအတွက် ဒီစာလေးမှာ ပြောပြပါမယ်။

1. စာဖတ်ဖို့ပျင်းနေတဲ့ မင်းသူငယ်ချင်းက ဘာဝါသနာပါလဲဆိုတာ မြင်အောင်ကြည့်ပါ။ ရုပ်ရှင်၊ သဘင်၊ ဂီတ၊ အနုပညာရှင်တွေရဲ့အကြောင်း၊ မျက်လှည့်၊ ဗေဒင်၊ နည်းပညာ... စသဖြင့် အဲ့လို တခုခု ဝါသနာပါရင် သက်ဆိုင်ရာ ပညာရပ်တွေအတွက် စာအုပ်တွေရှိပါတယ်။ (ပထမဦးဆုံး ဝါသနာကို သိရပြီဆိုရင် စာအုပ်ဝယ်ပါ)
2. ပြီးရင် သူစာဖတ်ဖို့ကို ပညာသားပါပါနဲ့ ပြောပါ။ (အနုပညာသတင်းတွေ၊ အနုပညာရှင်အကြောင်းတွေ ဝါသနာပါပါက ဥပမာ_ "ဒီဂျက်ကီချန်းဆိုတဲ့ စာအုပ်ကလေးက ဘယ်လိုကွ။ သူအောင်မြင်ဖို့ သူ့ဘဝဘယ်လိုကြိုးစားခဲ့တာကွ။) စသဖြင့် သူဖတ်ချင်လာအောင် ဖြည်းဖြည်းချင်း ပြောပြပါ။
3. စာဖတ်ပျင်းတဲ့ သူဆိုပါက (သူ့မှာစာဖတ်ချင်စိတ်လည်း ဖြစ်ပေါ်လာပြီဆိုရင်) "အေးကွာ၊ ဒါဆို ဒီစာအုပ်ကလေး မင်းဖတ်သင့်တယ်။ မင်းသိချင်တဲ့အကြောင်း (သို့မဟုတ်) မင်းဝါသနာပါတဲ့ အကြောင်းဒီစာအုပ်ထဲမှာ ပါတယ်ကွ။ မင်းအချိန်မပေးနိုင်ဘူး ဆိုရင်တောင်မှ တနေ့ကို တစ်မျက်နှာပဲဖြစ်ဖြစ်၊ ၁၅ မိနစ်၊ နာရီဝက် ပဲ ဖြစ်ဖြစ် ဖတ်ကြည့်ပါ။ မင်းအတွက် တကယ်အကျိုးရှိလို့ ပြောနေတာနော်။

လို့ ပြောပြီးတိုက်တွန်းကြည့်ပါ။ ကျောက်တိုင်များလို နှဲ့ပါများရင် နဲ့လာတာပါပဲ။

ဒါကြောင့် စာဖတ်ပျင်းနေတဲ့ သူတွေကို ဒီလိုမျိုး လုပ်ကြည့်ကြပါလို့ အကြံပြုရင်း.....

ကိုမျိုး ✍️

9.6.2024 (5:00 pm)