အရမ်းရှက်တတ်သူလေးဆီသို့

အရမ်းရှက်တတ်သူတစ်ယောက်အတွက် အသုံးဝင်စေမယ့် အကြံပြုချက် (၆) ချက်

အလွန်အမင်းရှက်တတ်တဲ့ သူတစ်ယောက်အနေနဲ့ သူစိမ်းတစ်ယောက်နဲ့စကားစပြောဖို့တောင် မတွန့်မရဲဖြစ်နေချိန်မှာ လူအများကြီးနဲ့ ဒါမှမဟုတ် တဖက်သား (အမျိုးသား/အမျိုးသမီး) ဆိုရင်တော့ သူ့အတွက်အခက်အခဲ တစ်ခုပါဖြစ်သွားပါပြီ။

စကားပြောဖို့တောင် ခက်နေတယ်ဆိုရင် အဆင်ပြေမှာမဟုတ်ပါဘူး။ ဒါဆို ကိုယ့်ရဲ့ရှက်ကြောက်မှုက လူတွေနဲ့ပြောဆိုဆက်ဆံဖို့ အတားအဆီးလိုဖြစ်နေတယ်ဆိုရင် ဒီအချက်လေးတွေကို စမ်းကြည့်လိုက်ပါခင်ဗျာ။

(၁) အလွယ်ဆုံးက စပါ

နေ့ချင်းညချင်းကြီးပြောင်းလဲစရာမလိုပါဘူး။ ကိုယ်အပြင်သွားတဲ့အခါ လူစိမ်း ၂ယောက် ၃ယောက်နဲ့ စကားပြောဖြစ်ဖို့ ကိုယ့်ကိုယ်ကို တွန်းအားပေးကြည့်ပါ။

အပြန်အလှန်ပြောဆိုရင်း တစိမ်းတွေနဲ့စကားပြောရတာ သက်တောင့်သက်သာရှိလာပါလိမ့်မယ်။ ကိုယ့်ရဲ့စကားလုံးတွေက လေးနက်ပြီး အဓိပ္ပါယ်ပြည့်ဝနေစရာမလိုပါဘူး။ အပြန်အလှန်ပြောလို့ကောင်းရုံဆို ရပါပြီ။

(၂) သတ္တိရှိပါ

ရှက်ကြောက်ခြင်းကို မောင်းထုတ်ဖို့ဆိုတာ အချိန်ယူရတယ်ဆိုပေမယ့် စာဖတ်သူလေးဒါကိုလုပ်နိုင်ပါတယ်။ ဒါကြောင့် တခါတရံ မသက် မသာဖြစ်နိုင်တယ်ဆိုပေမယ့် လက်ခံရပါမယ်။ ကြောက်စိတ်ကို လက်ခံပါ ပြီးရင်ဆက်လုပ်ပါ။ ဒါကသာ စာဖတ်သူလေးကိုပြောင်းလဲဖို့ တခုတည်းသော နည်လမ်းဖြစ်ပါတယ်။

(၃) ကိုယ့်ရဲ့ကိုယ်ဟန်အပြုအမူကို တိုးတက်ပါစေ

စာဖတ်သူလေးလမ်းလျှောက်တဲ့အခါ ပျင်းရိပျင်းတွဲလျှောက်လား။ မြေကြီးကိုပဲကြည့်နေလား။ ဒါမှမဟုတ် လက်နှစ်ဖက်ကို အိတ်ထဲမှာပဲထည့်ထားတာလား။ တကယ်တော့ အင်အားပြည့်ဝပြီး ယုံကြည်မှုရှိတဲ့ ကိုယ်ဟန်အပြုအမူကိုသာ အာရုံစိုက်သင့်တာဖြစ်ပါတယ်။

ဒါဆိုရင် ကိုယ့်ကိုယ်ကို ယုံကြည်မှုရှိလာတယ်လို့ ခံစားရလာပါလိမ့်မယ်။ ပြုံးဖို့လည်းမမေ့ပါနဲ့။ ဘာဖြစ်လို့လဲဆိုတော့ ကိုယ့်ကိုယ်ကို အသေးစိတ်ပြုမူဖို့ခိုင်းတဲ့အခါ ဦးနှောက်ကသင့်လျော်တဲ့ ဓာတုပစ္စည်းတွေထုတ်လွှတ်ပေးပြီး ခံစားချက်တွေကတကယ်လိုဖြစ်လာလို့ပါ။

(၄) ပေါင်းသင်းဆက်ဆံရေးကောင်းတဲ့ သူငယ်ချင်းတွေကို ရှာပါ

ရိုးရိုးလေးပါပဲ။ ယုံကြည်ရတဲ့ ပေါင်းသင်းဆက်ဆံရေးကောင်းပြီး ဖော်ရွေမှုရှိတဲ့ သူငယ်ချင်းမိတ်ဆွေတွေနဲ့ အပြင်သွားပေးတာက စာဖတ်သူလေးရဲ့ရှက်ကြောက်တတ်တဲ့ ဘောင်ထဲကနေရုန်းထွက်ဖို့ ပိုလွယ်လာပါလိမ့်မယ်။

အဲ့လိုမကြာခဏလုပ်ပေးခြင်းက ကိုယ့်ရဲ့အပေါင်းအသင်းတွေနဲ့ ကိုယ့်ကို သဘာဝကျကျတူလာစေပြီး စကားအပြောအဆို လှုပ်ရှားမှု ဟန်ပန်တွေတိုးတက်လာစေမှာပါ။

(၅) ကတိကိုထိန်းပါ

စိတ်မသက်မသာဖြစ်ရင်တောင် ကိုယ့်ကိုယ်ကိုယ် ကတိပေးထားတဲ့အတိုင်းဆက်ထိန်းထားပါ ဘယ်တော့မှစကားစမဖြတ်လိုက်နဲ့။ ဒါပေမယ့် ကိုယ့်ကိုယ်ကို အတင်းဖိအားမပေးမိအောင်တော့ လေ့ကျင့်ပါ။ စကားသွားပြောတိုင်း အဆင်ပြေချင်မှပြေပါလိမ့်မယ်။

ဒါပေမယ့် လုပ်မယ်လို့ဆုံးဖြတ်ပြီးရင် တဝက်တပျက်နဲ့တော့ မရပ်လိုက်ပါနဲ့။ ခန္ဓာကိုယ်ကိုမတ်မတ်ရပ်ပြီး သူ့ဘက်က ဘယ်လိုပဲ တုံ့ပြန်တုံ့ပြန် အကောင်းမြင်စိတ်ကိုသာထိန်းထားပါ။

(၆) ကိုယ်နှစ်သက်တဲ့အရာကိုလုပ်ပါ

စာဖတ်သူလေးက ရော့ခ်ဖျော်ဖြေပွဲတွေကို နှစ်သက်တာလား။ တောင်တက်ရတာကြိုက်တာလား။ အားကစားလုပ်ရတာကြိုက်တာလား။ ဒါဆို ဒီအရာတွေကို မျှဝေလုပ်ဆောင်မယ့်သူတွေကိုရှာပြီး သူတို့နဲ့ပူးပေါင်းပါ။

ကိုယ်တကယ်ပျော်ရွှင်နှစ်သက်တဲ့ အရာကိုလုပ်ဆောင်နေတဲ့အခါ ရှက်တဲ့စိတ်တွေမေ့နေပါလိမ့်မယ်။ စာဖတ်သူလေးအကောင်းဆုံးလုပ်ဆောင်နေရင် သူများတွေက သတိထားမိလာမှာ သေချာပါတယ်ခင်ဗျာ။

? - https://t.me/Life_Explored_Channel

နွေဦးအက္ခရာ