လမ်းပျောက်နေတဲ့ လူငယ်တစ်ဉီးလား။

ကျွန်မတို့ လူငယ်တွေဆိုတာ တခါတလေမှာ လုပ်ချင်တာတွေ၊ လုပ်သင့်တာတွေ ရှိပေမဲ့ လုပ်ရဖို့အတွက် အ‌ခြေအနေ ပေးမလာတဲ့အခါ ကိုယ့်ကိုယ်ကိုယ် အပြစ်တင်မိကြတယ်။ “ဘာကြောင့် မဖြစ်နိုင်တာလဲ။” ဘာလို့ ငါက မလုပ်နိုင်တာလဲ။” “ငါ ဒီလိုချိန်မှာ ဘာလုပ်သင့်လဲ။” စသည်ဖြင့် အမျိုးမျိုးသော အတွေးတွေနဲ့ ဘဝကို တစ်နေ့ပြီး တစ်နေ့ ြဖတ်သန်းလာရတဲ့အခါ နေ့တွေကို စိတ်ကုန်လာပြီး စိတ်ထွက်ပေါက် ရှာချင်ကြတယ်။ လုပ်ချင်တဲ့ အလုပ်တွေ၊ စိတ်ကူးထဲက အရာတွေကို အမှန်တကယ်ဖြစ်အောင် လုပ်ချင်လာကြတယ်။ ဒါတွေ ြဖစ်မလာတဲ့အခါ၊ ဘယ်လိုမျိုး အကောင်အထည်ဖော်ရမှန်း မသိတော့တဲ့အခါမှာတော့ ကိုယ့်ကိုယ်ကိုယ် လမ်းပျောက်နေတဲ့ လူငယ်တစ်ဉီးဆိုပြီး သတ်မှတ်လိုက်ကြတယ်။

တကယ်လို့ ကိုယ် ကိုယ်တိုင်က လမ်းပျောက်နေတဲ့ လူငယ်တစ်ဉီးဆိုရင်......

1.ပထမဆုံးအနေနဲ့ ကိုယ်လုပ်ချင်တဲ့ အရာကို စတင်လိုက်ပါ။

အ‌‌ခြေခံကနေဖြစ်ဖြစ် ကိုယ်လုပ်ချင်တဲ့အရာကို စတင်ပြီး ကြိုးစားကြည့်ရမယ်။ အစပိုင်းမှာတော့ ကျွန်မတို့အားလုံး အခက်အခဲဆိုတာ ရင်ဆိုင်ရမှာပဲ။ ကျွန်မတို့ ငယ်ငယ်တုန်းက စက်ဘီးစီး စသင်သလိုပါပဲ။ အစပိုင်းမှာ မစီးတတ်သေးတော့ စက်ဘီးလဲတာတွေ၊ ပွန်းပဲ့တာတွေ ဖြစ်မယ်။ ဒါကို ကျွန်မတို့ အနာခံပြီး ဆက်ကြိုးစားကြတဲ့ အခါမှာ စက်ဘီး စီးတတ်သွားသလိုပေါ့။ ကျွန်မတို့ဟာလည်း ကျွန်မတို့ လုပ်ချင်တဲ့ အရာမှန်သမျှကို အခက်အခဲရှိပါစေ..မရပ်ပစ်လိုက်ဘဲ ရှေ့ဆက်သွားမယ်ဆိုရင် အရာရာဟာ တစ်နေ့မှာတော့ ကောင်းမွန်တဲ့ ရလဒ် ထွက်လာမှာပဲ ဖြစ်ပါတယ်။

2.ကိုယ်ဘာကို လုပ်ချင်နေမှန်း မသိသေးရင်တော့ တစ်ခုခုကို စမ်းလုပ်ကြည့်ပါ။

ဒါဟာ ကိုယ်နဲ့ ကိုက်ညီမယ့် အလုပ်လား ဆိုတာ သိရအောင် တစ်ခုခုကို စမ်းလုပ်ကြည့်သင့်ပါတယ်။ အကုန်လုံးကို လိုက်စမ်းလုပ်ကြည့်ပါလို့ ပြောချင်တာမဟုတ်ပဲ ကျွန်မတို့နဲ့ ကိုက်ညီမယ်ထင်တဲ့ အရာ တစ်ခုကို စမ်းလုပ် ကြည့်ဖို့ ပြောတာပဲ ဖြစ်ပါတယ်။ ဉပမာ အနေနဲ့ ဘယ်လိုစတင်ရမလဲ‌ဆိုတော့...
ကျွန်မတို့တွေ ကိုယ်စိတ်ဝင်စားတဲ့ Organization တစ်ခုခုမှာ Volunteer လုပ်ပြီး ကိုယ်နဲ့ ကိုက်ညီမယ့် အလုပ်ကို ရှာဖွေနိုင်ပါတယ်။ Volunteer လုပ်ရင်းကနေ ကျွန်မတို့နဲ့ ကိုက်ညီမယ့် အလုပ်တွေကို တွေ့ရှိသွားမှာ ဖြစ်ပြီး ကိုယ် ဘာကို စိတ်ဝင်စားတယ်ဆိုတာလည်း သိရှိသွားမှာ ဖြစ်ပါတယ်။ ပြီးတော့ Volunteer လုပ်တာကနေ ကျွန်မတို့ အတွက် လိုအပ်တဲ့ skill တွေ ရရှိသွားမှာ ြဖစ်ပြီး ပေါင်းသင်းဆက်ဆံရေး နယ်ပယ်လည်း ကျယ်ပျံ့ သွားမှာဖြစ်ပါတယ်။ ဒီလို ပေါင်းသင်းဆက်ဆံရေး နယ်ပယ် ကျယ်ပျံ့သွားတဲ့ အတွက်ကြောင့်မို့ အလားအလာကောင်းတဲ့ အခွင့်အလမ်းတွေကိုလည်း ကျွန်မတို့ တွေ့ရှိသွားမှာ ြဖစ်ပါတယ်။ Volunteer လုပ်ပြီး လုပ်ငန်း‌ဆိုင်ရာ အတွေ့အကြုံတွေ ရယူနိုင်ပါတယ်။ဒါကြောင့် ကိုယ်ဘာကိုလုပ်ချင်မှန်း မသိသေးရင် Volunteer လုပ်ကြည့်သင့်ပါတယ်။

3.ဘာသာစကား တစ်မျိုးမျိုးကို လေ့လာကြည့်ပါ။

ကျွန်မတို့ လုပ်သင့်လုပ်ထိုက်တဲ့အထဲမှာ ဘာသာစကား တစ်မျိုးမျိုးကို လေ့လာတယ် ဆိုတာ ပါပါတယ်။ ဘာသာစကား တစ်မျိုးမျိုးကို လေ့လာတယ်ဆိုတာ လုံးဝမှားနိုင်ဖွယ် မရှိတဲ့ အလုပ်တစ်ခုပါ။ ဘာသာစကားတစ်ခုကို တတ်ကျွမ်းသွားတဲ့ လူတစ်ယောက်အဖို့ လုပ်‌ဆောင်နိုင်မယ့် အလုပ်တွေ ၊ အခွင့်အရေး‌ေတွ၊ အကျိုးကျေးဇူးတွေဟာ နေရာတိုင်းမှာ ရှိနေပါတယ်။ ကိုယ်စိတ်ဝင်စားတဲ့ ဘာသာစကား တစ်မျိုးမျိုးကို လေ့လာတာဟာ အချိန်ကို အကျိုးရှိရှိ အသုံးချတာ ြဖစ်ပြီး ကျွန်မတို့ဘဝအတွက် သင့်တော်မယ့်လမ်းကြောင်းမှန်ပေါ်ရောက်စေနိုင်ပါတယ်။ ဒါကြောင့်မို့ လမ်းပျောက်နေတယ်ဆိုရင် ဘာသာစကားတစ်မျိုးမျိုး လေ့လာကြည့်ပါ။

ဒါဟာ လမ်းပျောက်နေတဲ့ လူငယ်တွေအတွက် လုပ်ဖို့ ဖြစ်နိုင်‌ေြခ ရှိတဲ့ နည်းလမ်းလေးတွေပဲ ဖြစ်ပါတယ်။ ကိုယ်က ဘာကိုမှ မလုပ်နိုင်ရင်တောင် အခု ကျွန်မပြောပြပေးသွားတဲ့ ရိုးရှင်းတဲ့ နည်းလမ်းလေး သုံးမျိုးကို‌‌ လုပ်ဖို့ အကြံပြုချင်ပါတယ်။

ကြိုးစားနေသ၍ နောက်ကျတယ်ဆိုတာ မရှိပါဘူး။ ရပ်မနေဘဲ ရှေ့ဆက်သွားမယ်ဆိုရင် တစ်နေ့နေ့တော့ ကျွန်မတို့ရဲ့ လမ်းကြောင်းကို တွေ့ရှိသွားမှာ ြဖစ်ပါတယ်။