ကိုယ်ကရော ဘယ်လိုကျောင်းသားလဲ? ( ကျောင်းတက်နေတဲ့သူတွေ, စာသင်နေတဲ့ ဆရာတွေ သိကိုသိထားသင့်တဲ့ အကြောင်း ၁)

ဒီနေ့မှာတော့ မတူညီတဲ့ ကျောင်းသားပုံစံ လေးတွေ သင်ယူတဲ့ စတိုင်အကြောင်းကို အကြောင်းကိုပြောပြသွားပါမယ်။

လူတစ်ယောက်ချင်းစီမှာ သူ့ရဲ့ လေ့လာသင်ယူတဲ့ပုံစံ, အလေ့အကျင့်, စိတ်နေသဘောထား, အကြိုက် နဲ့ အတွေ့အကြုံပေါ်ကိုလိုက်လိုက်ပြီးတော့ သူယူတတ်မြောက်တဲ့ပုံစံချင်း မတူညီကြပါဘူး။
ကဲ..ဒီတော့ ဖတ်နေရင်းနဲ့ ဒါတော့ ငါ..ဟုတ်တယ်, ဒါတော့ ငါ…မဟုတ်ဘူး ဆိုတာကို အဖြေတိုက်ကြည့်လိုက်ရအောင်။

?The Diver

စရိုက်လက္ခဏာ

• ချက်ချင်းကောက်ခါငင်ခါ ထလုပ်တတ်တယ်
• လုပ်စရာရှိတာတွေ ပြီးအောင်အရင်လုပ်ချင်တယ်
• ကိုယ်လုပ်လိုက်တာ အဆင်ပြေ မပြေသိချင်တယ်
• တစ်ခုပြီးရင် နောက်တစ်ခုကို‌ မြန်မြန် ဆက်လုပ်တယ်
• အချိန်အကြာကြီးမလိုတဲ့ အလုပ်တွေဆိုပိုပြီး ကောင်းကောင်းလုပ်နိုင်တယ်

အားသာသည့်အရာများ

• စိုးရိမ်ပူပန်နေပြီး အချိန်မဖြုန်းဘူး
• လုပ်စရာရှိတာတွေကို စောစောစီးစီးစလုပ်တယ်
• သူများတွေကိုလည်း စိတ်အားတက်ကြွအောင်အားပေးတတ်တယ်
• Role play လုပ်ရတာမျိုးတွေ, အခက်အခဲတွေကြုံလာတဲ့အခါ ပြဿနာကို ဖြေရှင်းတဲ့နေရာတွေမှာတော်တယ်

အားစိုက်ပြုပြင်သင့်သည့်အရာများ

• မိမိကိုယ်ကိုယ်ကို ပြန်လည်ဆင်ခြင် သုံသပ်ခြင်း, အစီအစဉ်ဆွဲခြင်း
• မတူညီ ဆန်းသစ်တဲ့ တွေးခေါ်မှု
• မတူညီတဲ့ ရှုထောင့်တွေကနေ စဉ်းစားခြင်း
• သူများတွေအမြင်ကို နားထောင်ပြီး အတူလက်တွဲ အလုပ်လုပ်တတ်ခြင်း
• အချိန်ကြာကြာ ဇွဲရှိရှိနဲ့ လုပ်နိုင်ဖို့ အလုပ်တစ်ခုလုပ်တဲ့အခါ စိတ်ဝင်စားဖို့ကောင်းအောင် ဖန်တီးပြီး လုပ်ဆောင်ခြင်း

?The Dreamer

စရိုက်လက္ခဏာ

• အကြောင်းအရာ တစ်ခုနဲ့ပက်သက်လို့ အရမ်းတွေးတယ်
• အသေးစိတ် ရှာဖွေလေ့လာတယ်
• လက်တွေ့ထလုပ်ဖို့ အချိန်ဆွဲတယ်
• လုပ်နေရင်းနဲ့ အချိန်ဘယ်လို ကုန်သွားမှန်းမသိဘူး
• အချိန်ဇယားကို ခနခန ပြန်ပြင်ရတယ် ( သတ်မှတ်ထားတဲ့အချိန်တွေမှာ မပြီးလို့)

အားသာသည့်အရာများ

• ကိုယ့်ကိုယ်ကို ကောင်းကောင်း ပြန်လှန်သုံးသပ်နိုင်တယ် (လုပ်ဆောင်ချက်တွေနဲ့ပက်သက်လို့)
• တီထွင်ဖန်တီးမှုရှိတယ်, စိတ်ကူး အတွေးတွေ အများကြီး ရှိတယ်
• တစ်ခုခုဆိုရင် အရင်းထိ သေချာ ရေရေလည်လည်နားလည်အောင်လုပ်တယ်
• သူများပြောတာတွေကို နားထောင်ပေးပြီး ကြင်ကြင်နာနာနဲ့ နှစ်သိမ့်ပြောဆိုတတ်တယ်

အားစိုက်ပြုပြင်သင့်သည့်အရာများ

• ထိရောက်မှုရှိတဲ့ သင်ယူမှု နည်းလမ်းတွေ လိုအပ်တယ်
• အချိန်သတ်မှတ်ပြီး အလုပ်လုပ်တာနဲ့ အချိန်ကို သေချာ စီမံခံ့ခွဲနိုင်တဲ့အရည်အချင်း
• သူများနဲ့ မိမိကိုယ်ကိုယ်အတွက် တာဝန်ယူနိုင်ခြင်း
• အများနဲ့ ပါဝင်လုပ်ဆောင်ခြင်း
• အဓိက အရေးကြီးတဲ့ အရာတွေ သတ်မှတ်ထားပြီး ဆုံဖြတ်ချက်အတိုင်း လိုက်လုပ်ခြင်း
• ပွင့်ပွင့်လင်းလင်း ထုတ်ဖော်ပြောဆိုခြင်းနဲ့ စွန့်စားခြင်း

အပိုင်း ၂ ဆက်လက်ဖတ်ရှုရန် :)

Reference
The Study skills handbook ( Stella Cottrell )