အိုဖီးလီယာ

အိုဖီးလီယာ...ငါလေ
ကောင်းကင်ပေါ်က လမင်းကြီးဖြစ်ချင်တယ်။
လူတွေက နေ့ဖက်မှာဆို မငိုကြဘူးတဲ့
ညဖက်ဆို လမင်းကြီးကိုငေးရင်း ရင်ဖွင့်ကြတယ်ဆိုဘဲ
လူတိုင်းကို နှစ်သိမ့်မှုပေးနိုင်တဲ့သူဖြစ်ချင်တယ်။
ငါလေ...ငါနာကျင်ရမှာ ကြောက်သလို
အခြားသူကို နာကျင်အောင်လုပ်မိမှာကိုလည်း
ငါအရမ်းကြောက်တယ်...အိုဖီးလီယာ
ငါ့ခံစားချက်တွေကိုပဲ ရှေ့တန်းတင်ချင်တယ်။
ငါ့ကိုယ်ငါပဲ ဦးစားပေးချင်တယ်။
ကိုယ့်အတွက်ကိုယ် ကြည့်တော့လည်းနာကျင်ရတယ်။
သူများအတွက် ကြည့်ပေးပြန်တော့လည်း
နာကျင်နေရတယ်။
ဒါပေမဲ့ ငါ လမင်းဖြစ်ချင်သေးတယ် အိုဖီးလီယာ...