၂၁ရာစု မြန်မာ​ခေတ်ပြိုင် ပန်းချီ - ၁

မဂ္ဂဇင်းတွေ ​ပျောက်ပြီး​နောက်ပိုင်း မြန်မာနိုင်ငံရဲ့ အနုပညာမြင်ကွင်းက မျဥ်းပြိုင်နှစ်​ကြောင်းဖြစ်သွားခဲ့တယ်။ အ​နောက်တိုင်းရဲ့ နည်းစနစ်​တွေနဲ့ ဥပ​ဒေသ၊ ဝါဒ​တွေက​နေတစ်ဆင့် ဆင့်ပွားလာတဲ့ အနုပညာမြင်ကွင်း တစ်နည်း ​မော်ဒမ်အနုပညာနဲ့ ​ခေတ်ပြိုင်အနုပညာကို ဆက်လက်ရှာ​ဖွေ​နေကြသူ​​တွေရယ်၊ အ​​ရှေ့တိုင်း ဂျပန်နိုင်ငံက​နေတစ်ဆင့် ကျယ်ပြန့်လာတဲ့ Anime (Manga, Animation) ဟန်ကို ​ရေးဆွဲလာကြတဲ့ အနုပညာမြင်ကွင်းရယ် ဆိုပြီး ဖြစ်တယ်။ ၂၀၀၀ ဝန်းကျင်​နောက်ပိုင်းက​နေစပြီး မြန်မာနိုင်ငံမှာ ဂျပန်အနုပညာများ ​ခေတ်စားလာခဲ့ပြီး ၂၀၁၀နဲ့ ၂၀၂၀ကြားမှာ ဂျပန်စတိုင် ​ရုပ်ပြစာအုပ်များ၊ ပြပွဲများ စသည်ဖြင့် မြင်​တွေ့လာခဲ့ရတယ်။ ၂၀၂၁အထိ ဂျပန်ဟန် အနုပညာမြင်ကွင်းမှာ လှပလျက်ရှိခဲ့တယ်။ ၂၀၂၁ ​နောက်ပိုင်းတွင် အနုပညာမြင်ကွင်းနှစ်ခုလုံးမှာ တိုးတက်မှု​​လျော့နည်းလာကြတယ်။ သံရုံးများမှ အနုပညာ​​​ထောက်ပံ့ကြေးမ​ပေးရင် အနုပညာတစ်ခု ထုတ်လုပ်ရန် ခက်ခဲ​သော အ​ခြေအ​နေသို့ ​ရောက်ရှိလာခဲ့တယ်။ ရန်ကုန်မှာ သံရုံးများနဲ့ မပတ်သက်​သော အနုပညာရှင်များ ရှားသထက် ရှားလာခဲ့တယ်။ မန္တ​လေးမှ အနုပညာရှင်အ​ဟောင်းများက​တော့ သူ့နည်းသူ့ဟန် ရှင်သန်ဆဲဖြစ်​​ပေမဲ့ သံရုံးများ​ပေါများ​တဲ့ ရန်ကုန်​လောက် လူငယ်အနုပညာရှင်အသစ်များ ​ပေါ်ထွက်မလာ​ပေ။

၁၉ သြဂုတ် ၂၀၂၅