စီးပွားရေးလုပ်ငန်းတွေအတွက်မရှိမဖြစ် ရှိသင့်သော Strategy

အားလုံးပဲ မင်္ဂလာပါ။
ဒီနေ့မှာတော့ ကျွန်တော်က စီးပွားရေးလုပ်ငန်းတွေအတွက် မရှိမဖြစ်ရှိသင့်တဲ့ Strategy လေးတစ်ခုအကြောင်းကို ကျွန်တော်က ပြောပြချင်ပါတယ်။ ဒီ Strategy နာမည်ကတော့ Lock in Strategy လို့ခေါ်ပါတယ်။ ဆက်ပြီးလေ့လာကြည့်ကြရအောင်။

ကျွန်တော်တို့က စီးပွားရေးလုပ်ငန်းတစ်ခုလုပ်ပြီဆိုလို့ရှိရင် ကျွန်တော်တို့ဆီမှာ Customer တွေ များသထက်များလာအောင် လုပ်ရလေ့ရှိပါတယ်။ Customer တွေ များသထက်များအောင်လုပ်ဖို့အတွက် ကျွန်တော်တို့က နည်းလမ်းနှစ်ခု သုံးလေ့ ရှိတယ်ပေါ့ဗျာ။

ပထမတစ်ခုက Customer အသစ်တွေ ထပ်ပြီးတော့ ရအောင်ရှာလေ့ရှိတယ်။ New Customer ပေ့ါ။ အဲဒီတော့ နောက်တစ်ခုကတော့ကျွန်တော်တို့မှာရှိနေပြီးသား Customer တွေကိုထပ်ပြီးတော့ ထိန်းသိမ်းထားတဲ့နည်းလမ်းပေါ့။ ဒါကိုကျွန်တော်တို့က Customer Retentionနည်းလမ်းလို့ ခေါ်ပါတယ်။

အဲဒီတော့ Customer အသစ်ရှာတာထက် ရှိပြီးသား Customerကို ပြန်ပြီးတော့ ထိန်းသိမ်းတာ တစ်နည်း အားဖြင့် Retention လုပ်တာပေါ့။ အဲဒီတော့ ဒီနှစ်ခုမှာ ဘယ်ဟာက ပိုပြီးတော့ ကောင်းသလဲ၊ဘယ်ဟာက ပိုပြီး သက်သာစေ သလဲဆိုရင် ရှိပြီးသား Customer ကိုထိန်းသိမ်းတဲ့ Customer Retention Technique က ပိုပြီးတော့ ကုန်ကျစရိတ် သက်သာတယ်။ ပိုပြီးတော့ ထိရောက်လေ့ရှိပါတယ်။

ဒါပေမဲ့ ဒီလိုပြောလို့ New Customer မရှာရဘူးလားလို့ ဆိုလိုတာ မဟုတ်ပါဘူး။ ပိုပြီးတော့ ကုန်ကျစရိတ်သက်သာတဲ့ ကျွန်တော်တို့လုပ်ဖို့သင့်တဲ့ Strategy တစ်ခုကို ကျွန်တော်က ဆိုလိုတာ ဖြစ်ပါတယ်။အဲဒီတော့ စီးပွားရေးလုပ်ငန်းတစ် ခုဖြစ်လာရင် Customer Retention ဖြစ်ဖို့အတွက် တစ်နည်းအားဖြင့် ရှိရင်းစွဲ Customerတွေကို ထိန်းသိမ်းထားဖို့အတွက် Strategy တွေ၊ Program တွေချရလေ့ ရှိပါတယ်။ အဲဒီထဲမှာမှ Customer Retention ကို အဓိက ကောင်းမွန်စေတဲ့ Strategy တစ်ခုက Lock in Strategy လို့ ခေါ်ပါတယ်။
Lock in Strategy ဆိုတာ တိုက်ရိုက် ဘာသာပြန်ရရင်တော့ Lock in ဆိုတာ သော့ခတ်ထားလိုက်တာပေါ့ဗျာ။ အဲဒီတော့ ကိုယ်ရဲ့Customer ကို ကိုယ်ဆီက ပြန်ထွက်မသွားဘဲနဲ့ တခြားပြိုင်ဘက် Competitor ဆီကို ရောက်မသွားအောင် ကျွန်တော်တို့က သော့ခတ်ထားလိုက်တဲ့ Strategy ကို Lock in Strategy လို့ ခေါ်ပါတယ်။ တစ်နည်းအားဖြင့်တော့ Customer ကို Retention Strategy တစ်ခုဖြစ်ပါတယ်။

အဲဒီတော့ ဥပမာအားဖြင့်ပြောရမယ်ဆိုရင် ခုခေတ် ဒီဘက်ခေတ်နောက်ပိုင်းမှာဆိုရင် မော်တော်ကားတွေပေါ့။ အဲဒီတော့ မော်တော်ကားတွေမှာဆိုရင် ကျွန်တော်တို့က Spare Part ပစ္စည်းတွေ အများအပြား သူ့အချိန်နဲ့သူ၊ သူ့ Running Hour နဲ့အတူ ထည့်ပြီးတော့ သုံးစွဲရလေ့ရှိတယ်။ ဟိုအရင်တစ်ချိန်တုန်းကတော့ ကားတစ်စီးရဲ့ ကားအင်ဂျင်ရဲ့ ဥပမာ ထားပါတော့Spark Plug လိုမျိုး။ Spark Plug လိုမျိုးပစ္စည်းဆိုရင် ကျွန်တော်တို့က ကြိုက်တဲ့ပစ္စည်းရွေးထည့်လို့ရတယ်။ ဒီလို အနေအ ထားပေါ့။

ဒါပေမဲ့ နောက်ပိုင်းမှာ မော်ဒယ်မြင့်ကားတွေမှာ သူ့ရဲ့ Original Generally Part : . Computer Systemက လက်ခံပြီးတော့ ဒီ Part ကို အသုံးပြုလို့ရတယ်ဆိုတဲ့ အနေအထားမျိုး ကျွန်တော်တို့ သုံးလာကြလေ့ရှိတယ်။ ဒါက ဘာလဲဆိုတော့ ကားကုမ္ပဏီတွေကနေပြီးတော့ Lock in Strategy တစ်ခုကို သူတို့ စတင်အသုံးပြုထားတဲ့အနေအထားဖြစ်ပါတယ်။ ဆိုလိုတာက တခြား အတုအပလုပ်ထားတဲ့ပစ္စည်းတွေကို ဒီအင်ဂျင်မှာထည့်သုံးရင် အင်ဂျင်ရဲ့ Computer System က အသိအမှတ်မပြု ဘူး။ လက်မခံဘူး။ သူ့ရဲ့ တကယ့် စစ်မှန်တဲ့ပစ္စည်းကိုသုံးမှသာရတဲ့အနေအထားကို ဖန်တီးထားတာဖြစ် ပါတယ်။ ဒါ တစ်နည်းအားဖြင့် Lock in Strategy ဖြစ်ပါတယ်။

Lock in Strategy ကို ကျွန်တော်တို့က ဖော်ထုတ်တဲ့နေရာမှာခုနကလို မော်တော်ကားကုမ္ပဏီလို နည်းပညာကို အသုံးပြုပြီးတော့ ဖော်ထုတ်တာမျိုးလည်းရှိသလို တခြားပုံစံမျိုးစုံပေါ့နော်။ နည်းပညာ မဟုတ်ဘဲနဲ့ သုံးစွဲလေ့ရှိပါတယ်။

ဥပမာ နည်းပညာကိုသုံးစွဲပြီးတော့ ကျွန်တော်တို့ ပတ်ဝန်းကျင်မှာအလွယ်တကူတွေ့လို့ရတဲ့ Lock in Strategy ဆိုရင် City Mart လိုမျိုးပေါ့။ ကျွန်တော်တို့ City Mart မှာ ကုန်ပစ္စည်းတွေ သွားဝယ်မယ်။

ဒါဆိုရင် City Reward သုံးလားလို့မေးမယ်။ ကျွန်တော်တို့ ဝယ်လိုက်တဲ့ပမာဏကို ပွိုင့်အနေနဲ့ သူတို့က ကျွန်တော်တို့ရဲ့ City Rewardအကောင့်ထဲကို ထည့်ပေးထားမယ်။ အဲဒီတော့ ဒီပွိုင့်တွေများလာလို့ရှိရင်ကျွန်တော်တို့ ဘယ်လောက် Discount ရမယ်။ သို့မဟုတ် ဘယ်ပစ္စည်းတွေကို Free ရမယ်။ ဘယ်ပစ္စည်းတွေကို ဘယ်လောက်လျှော့ဈေးရမယ်ဆိုပြီးတော့ ကျွန်တော်တို့ ပြန်သုံးလို့ရတယ်။

အဲဒီတော့ လူရဲ့စိတ်က ဘယ်လိုဖြစ်သလဲဆိုတော့ ဒီအထဲမှာ ကျွန်တော်တို့ Free ရနေတဲ့ပစ္စည်း တစ်ခုကို တွေ့သွားတဲ့အချိန်မှာ အဲဒီပစ္စည်းရဖို့ ပွိုင့်တွေကိုစုဖို့ ကျွန်တော်တို့က လိုလာတယ်။ ဒီပွိုင့်ကိုစုဖို့ အတွက်
ဒီမှာပဲ အမြဲတမ်းလာပြီး ဈေးဝယ်တယ်ဆိုတဲ့အနေအထားတစ်ခုကို အလွယ်တကူရောက်လာတာ ဖြစ်ပါတယ်။ တစ်နည်းအားဖြင့်တော့ ကျွန်တော်တို့ဟာ Business ထဲမှာ ကိုယ့်ရဲ့ Customer ကို ထွက်မသွားဘဲနဲ့အမြဲတမ်း ပြန်လာနေအောင် Lock လုပ်ထားတဲ့ဒီဇိုင်းဖြစ်ပါတယ်။

ကျွန်တော်က ရန်ကုန်မြို့ရဲ့ ကျောင်းတစ်ကျောင်းမှာ ကျွန်တော်စာသင်ဖို့ ဖိတ်ကြားခံရတယ်။ အဲဒီတော့ အဲဒီမှာ ကျွန်တော် တစ်ပတ်ကိုတစ်ရက် စာသွားပြီးသင်တယ်။ စာသင်တော့ သူက အဲဒီစာသင်ခန်းရဲ့အနီးအနားမှာ ကိုရီးယားစားသောက် ဆိုင်တစ်ဆိုင်ရှိတယ်။ အဲဒီ ကိုရီးယားစားသောက်ဆိုင်က ကျွန်တော် စမ်းပြီးတော့ ပထမတစ်ခေါက် သွားစားကြည့်လိုက်တယ်။ သွားစားကြည့်တော့ သူက ဘာလုပ်ပေးထားသလဲဆိုတော့ သူ့မှာ Member ကတ်ကလေးပေးထားတယ်။ Member ကတ်ဆိုပေမဲ့ သူက Percentage လျှော့ပေးတာမျိုးပေါ့။ Gift ကတ်လိုမျိုးပေါ့။ တစ်ခါလာစားရင် အတုံးလေး တစ်တုံး တံဆိပ်တုံးထုပေးတယ်။ငါးတုံးပြည့်သွားရင် သူက ဟင်းပွဲတစ်ပွဲ လက်ဆောင်ပေးတယ်။ ဆယ်တုံးပြည့်သွားရင် ကိုယ်ကြိုက်နှစ်သက်တဲ့ Menu တစ်ခုကို စားလို့ရတယ်။ဒီလိုမျိုးပေါ့။

အဲဒီတော့ ဒါကလည်း ဘယ်ထဲမှာပါလဲဆိုတော့ Lock in Strategy ထဲမှာပါတယ်။ တစ်နည်းအားဖြင့်တော့ Lock in Strategyလို့ ပြောလိုက်တဲ့အခါမှာ ဘယ်လောက်ထိ ထိရောက်မှုရှိသလဲဆိုတော့ သက်ရောက်မှုကတော့ ကွဲပြားသွား နိုင်တာပေါ့ဗျာ။ ဥပမာ ခုနက မော်တော်ကားတွေက Spark Plug တွေ၊ Spare Parts ကို ထုတ်လုပ်တဲ့နည်းပညာသုံးတဲ့ Lock in Strategy ကတော့ ဘယ်လိုမှ ဒီကားဝယ်ပြီးသွားရင် တခြား Spare Part ကို ဝယ်သုံးလို့မရတော့ဘူး။ ဒါပေမဲ့ခုနကလို တံဆိပ်တုံးလေး ထုပေးတာ၊ Member ကတ်တွေပေးတာဒါကတော့ တခြား Competitor တွေဆီသွားသုံးလို့ ရနိုင်သေးတယ်။အထိုက်အလျောက် Effect တစ်ခုတော့ရှိတယ်။ ဒီလို အနေအထားတော့ကျွန်တော်တို့က ရှိတာဖြစ်ပါတယ်။

အဲဒီတော့ ကိုယ့်ရဲ့ Business Nature ပေါ်မှာ မူတည်ပြီးတော့ကျွန်တော်တို့သည် Lock in Strategy ကို စဉ်းစားဖို့လိုတယ်။ Lock in Strategy ဆိုတာ Customer က ကိုယ့်ရဲ့ Business အဝန်းအဝိုင်းထဲမှာပဲ ဘာဖြစ်နေမှာလဲ၊ လည်ပတ်ပြီးတော့ ကျွန်တော်တို့ဆီမှာပဲ လာပြီးတော့ ဝယ်ယူအားပေးနေဖို့ ဆောင်ရွက်ရတဲ့ မဟာဗျူဟာဖြစ်ပါတယ်။

Lock in Strategyကို ကျွန်တော်တို့က တကူးတက Strategyတွေ Activityတွေ၊Programတွေ၊ Eventတွေအကောင်အထည်ဖော်ပြီးတော့ လုပ်ကြတာမျိုးရှိသလို Business Group နဲ့လည်းတချို့က ချိတ်ဆက်ပြီးတော့ အသုံးကြတာရှိတယ်။

ဥပမာ ထားပါတော့ . . ကျွန်တော်က စိုက်ပျိုးရေးပစ္စည်းရောင်းမယ်ဆိုပါတော့။ စိုက်ပျိုးရေးပစ္စည်း ရောင်းမယ်၊ ဒါ့အပြင် စိုက်ပျိုးရေးစက်ပစ္စည်းတွေကိုလည်း အငှားလုပ်မယ်။ ဒါ့အပြင် ကျွန်တော်က ပွဲရုံလည်းထောင်ထားမယ်။ ဒါ့အပြင် ကျွန်တော်က ထားပါတော့ ... ဓာတ်မြေသြဇာလိုမျိုး၊ သြဂဲနစ်မြေသြဇာ။ ဓာတ်မြေသြဇာ ဒါတွေလည်း ကျွန်တော်ကရောင်းမယ်။

နောက်တစ်ခါ ဥပမာ ထားပါတော့ .. တခြားစိုက်ပျိုးရေးနဲ့သက်ဆိုင်တဲ့ ပစ္စည်းကိရိယာ ဒါတွေလည်း ကျွန်တော်က ရောင်းမယ်။ နောက်တစ်ခါ စိုက်ပျိုးရေးအတွက် လိုအပ်တဲ့ မျိုးတွေ၊ မျိုးစေ့တွေ၊ မျိုးစပါးတွေ၊ ဒါတွေလည်း ရောင်းမယ် ဆိုပါတော့။ ဒါသည် သူက ဘာလဲဆိုတော့Vertical Group Strategy လို့ခေါ်တယ်။ တစ်နည်းအားဖြင့်တော့ ချိန်းကြီးတစ်ခုလုံးကို Business တစ်ခုလုံး ချဲ့ထွင် ထားလိုက်ကြတာပေါ့။

အဲဒီတော့ ဒီ Business နဲ့ပတ်သက်ပြီးတော့ ကျွန်တော်တို့ လိုအပ်တဲ့အရာအားလုံးကို Chain တစ်လျှောက်လုံး ပံ့ပိုးပေးနိုင်တဲ့အတွက်Customer တွေအားလုံးသည် ဒီ Product နဲ့ သက်ဆိုင်လာ ပြီဆိုရင်ကိုယ့်ဆီမှာပဲ အစကနေအဆုံး လာပြီးဝယ်ယူအားပေးကြတဲ့အနေအထားမျိုးလည်း ရောက်ရှိသွားတာဖြစ်တယ်။ ခုကအနေအထားတိုင်းဆိုရင် ကျွန်တော့်ဆီကနေပြီးတော့ လယ်သမားတွေက မျိုးစပါး ဝယ်ရမယ်၊ အဲဒီမျိုးစပါးနဲ့ ကျွန်တော်တို့စိုက်မယ်၊ စိုက်တဲ့အချိန်မှာ ဓာတ်မြေသြဇာ ကျွန်တော့်ဆီကပဲ ဝယ်ထည့်ရမယ်။ နောက်တစ်ခါ ထပ်ပြီးတော့ အဲဒီကနေပြီးတော့ လိုအပ်တဲ့ မြေဆွေးတွေ ကျွန်တော့်ဆီကပဲ ဝယ်ရမယ်။ နောက်တစ်ခါ တဖြည်းဖြည်း အပင်ကြီးလာပြီဆိုရင် ကျွန်တော့်ပွဲရုံကိုပဲ ပြန်လာသွင်းမယ်။ အဲလိုမျိုးပေါ့ ။ဆိုလိုတာက မှန်ကန်ကောင်းမွန်တဲ့ အကွက်ကျတဲ့ Business Group Strategy တစ်ခုနဲ့ Lock in Strategy ကို ချိတ် ဆက်ပြီးတော့ သုံးလို့ရပါတယ်။

အဲဒီတော့ Lock in Strategy ဆိုတာ ကျွန်တော်တို့ Eventတွေ ပါတယ်။ ကျွန်တော်တို့လုပ်တဲ့ Activities တွေပါတယ်။ နည်းပညာအသုံးပြုတဲ့ ကျွန်တော်တို့ရဲ့ Strategy တွေပါတယ်။ ဒါတွေကို Lock in Strategy လို့ ခေါ်ပါတယ်။ ဒါ့အပြင် Lock in Strategy ရဲတစ်စိတ်တစ်ပိုင်းအနေနဲ့ ကိုယ် Business က တခြားသူတွေရဲ့ ဘာတွေ ပိုသာအောင်၊ တခြား ပြိုင်ဘက်တွေထက် ဘာတွေပိုသာ အောင် ကျွန်တော်တို့ပေးမလဲ။ ဒါလည်း Lock in Strategy ရဲ့ တစ်စိတ်တစ်ပိုင်းဖြစ်ပါတယ်။

ဥပမာ Customer Service ကို အရမ်းကောင်းအောင် ပေးထားမယ်။ သို့မဟုတ် တခြားလူတွေက အခု ၁ဝဝ ယူတော့မှ လက်ကားဈေးနဲ့ပေးတယ်။ ကျွန်တော်တို့က အခု ၅ဝ နဲ့ လက်ကားဈေးပေးနိုင်တယ်။ဒါမှမဟုတ် Customer ကြိုက်တဲ့ဒီ ဇိုင်းကို Customized လုပ်ပေးနိုင်တယ် အစရှိတဲ့ တခြားပြိုင်ဘက်တွေထက် သာတဲ့အရာတွေသည် Lock in Strategy ရဲ့ တစ်စိတ်တစ်ပိုင်းတွေ ဖြစ်ပါတယ်။

တစ်နည်းအားဖြင့်တော့ ကျွန်တော်တို့ စီးပွားရေးပညာရပ်မှာ Switching Cost ဆိုတာ Customer တွေက ကျွန်တော်တို့ ဆီကနေပြီးတော့ ပြောင်းလဲပြီးတော့ ပြိုင်ဘက်ဆီကို သွားဝယ်မယ်၊ ပြောင်းလဲဝယ်ယူမယ်ဆိုရင် သူတို့အတွက် ဘာတွေ နစ်နာမလဲ။ ဒါကို ကျွန်တော်တို့ကSwitching Cost လို့ ခေါ်ပါတယ်။

ဥပမာ ထားပါတော့ …. ကျွန်တော်တို့ဆီကနေ တခြားကိုသွားဝယ်လိုက်ရင် သူ့အတွက် အချိန်ပိုကုန်မယ်၊ စိတ်ပိုညစ်ရမယ်၊ Customer Service ကောင်းကောင်းမရဘူး။ Process တွေကြာမယ်၊ ဈေးနှုန်းပိုကြီးမယ်၊ သွားရလာရ ခက်ခဲမယ်၊ ပစ္စည်း တင်ပို့မှုအပိုင်း ပြဿနာတွေရှိမယ်။ဒီလိုမျိုးအရာတွေ နစ်နာတဲ့အရာတွေကို ကျွန်တော်တို့က Switching Cost လို့ခေါ် ပါတယ်။

တစ်နည်းအားဖြင့်တော့ ကိုယ့်လုပ်ငန်းကနေပြီးတော့ တခြားပြိုင်ဘက်ဆီကို Customer တွေ ရောက်မသွားအောင် Switching Cost တွေကိုကျွန်တော်တို့က အမြင့်ဆုံးမြှင့်ထားပေးတဲ့ နည်းလမ်းမှန်သမျှကို Lock in Strategy လို့ ခေါ်ပါတယ်။

အိုကေ . . . ကျွန်တော်တို့သည် လုပ်ငန်းရှင်အတော်များများသည် စီးပွားရေးလုပ်ငန်းတစ်ခု စလုပ်ပြီဆိုရင် Customer အသစ်ရဖို့အတွက် နည်းလမ်းမျိုးစုံ ကျွန်တော်တို့က ကြိုးစားကြတယ်။ ဥပမာ Sale Plan တွေချတယ်၊ Marketing Strategy တွေ ချတယ်။ ဒါပေမဲ့ အများစုက ကိုယ့်မှာရှိတဲ့ Customer ကို ဘယ်လိုပြန် ထိန်းသိမ်းမလဲဆိုတဲ့ Lock in Strategy ချဖို့တော့ မေ့နေလေ့ရှိပါတယ်။

ဒီနေ့ကတော့ Customer တွေကို ထိန်းသိမ်းထားနိုင်မယ့် Lock in Strategy အကြောင်းကို မျှဝေပေးခဲ့တာဖြစ်ပါတယ်။ကျေးဇူးအများကြီးတင်ပါတယ်။ ကျွန်တော် ကောင်းဟိန်းစိုးပါ ။