ကိုယ့်အလှ ဘဝငွေလမင်း - တက္ကသိုလ် ဘုန်းနိုင်

Favorite ဝတ္ထုတွေထဲမှာ ဆရာဘုန်းနိုင်ဝတ္ထုတွေလည်းပါတယ်။ နိုင်ငံရေးအမြင်တွေဖယ်ထုတ်လိုက်ရင် ဆရာ့ဝတ္ထုတွေမှာ တရားသဘောတွေတွေ့ရတတ်သလို အနုပညာဂီတနဲ့ပတ်သက်ပြီး ဆရာ့ခံယူချက်၊အမြင်တွေ၊ဒဿနတွေ တပါတည်းမြင်ရတယ်။အခု ဒီ စာအုပ်ထဲမှာဆို ပုံပမာ ခိုင်းနှိုင်းတင်စားသွားတာတွေကို သဘောကျမိတယ်။ဂီတကိုကဗျာမှုပြုတယ်လို့ဆိုပဲ။

ဇာတ်လမ်းကတော့ “Beauty and the beast”။ အဘက်ဘက်က လိုအပ်ချက်ရှိရတဲ့အထဲ ကိုယ့်ကြောင့်နဲ့ ကိုယ်တစ်ဖက်သတ်ချစ်ရတဲ့သူ ပြဿနာတက်၊ဒုက္ခရောက်ရရှာတော့ ကျွန်တော်တို့ဇာတ်ကောင်ခမျာ ရင်ထဲမချိ ရက်စက်တဲ့ကြမ္မာကိုသာ အပြစ်တင်ရတော့တယ်။အဲ့ဒီမှာလာပါပြီ။ဒီအဖြစ်ပျက်ကလေးကို သူက ကဗျာစပ်လိုက်တယ်။ ကိုယ့်ကိုယ်ကို လမင်းလို့ဖော်ပြပြီး ကိုယ့်ချစ်ရသူကိုတော့ ပဒုမ္မာကြာလို့တင်စားလိုက်တယ်။ သူ့သီချင်း“လရောင်မချစ်သောပန်းနဲ့ ပန်းကို မသိသောလရယ်…” ကပေါက်သွားပြီး သူ့ဘဝတစ်ဆစ်ချိုးကို အပြောင်းအလဲပေးလိုက်တယ်။ နောက်တစ်နေရာမှာလည်း သဘောကျမိပြန်တယ်။ “လေရူးသည်စာမတတ်ပါ”တဲ့ ။အတိုချုပ်ပြန်ပြောရရင် တရားသဘောကို ဝှက်ထားတာ။ လေရူးနဲ့ ကြမ္မာကို ထပ်တူနှိုင်းသွားတာ။ ကြမ္မာက ကျောသားရင်သားမခွဲခြား၊ချစ်သူမုန်းသူမသိ၊မစာနာတတ်ပေ။မှန်ပေသည်၊ကြမ္မာသည်လည်း စာမတတ်ပါ။သူ့သီချင်းတွေက နိုင်ငံကျော်ဖြစ်သွားတာရဲ့ရလဒ်က ဘယ်လိုကြမ္မာဖန်လာလေဦးမလဲ။

အပေါ်ကပြောခဲ့တာတွေက Highlight တွေပေါ့။တစ်အုပ်လုံးမှာ စာပေဆိုင်ရာ ဂီတဆိုင်ရာ သုတတွေကတော့ စုံလင်ပါတယ်။မှတ်သားစရာတွေပါတယ်။တွေးစရာ၊ယူစရာတွေပါတယ်။ထုံးစံလိုဖြစ်တာကတော့ ကိုယ်ရည်ကိုယ်သွေးပိုင်းမှာ ဆရာဘုန်းနိုင် ဇာတ်ကောင်တွေဟာ မခေကြပါဘူး။သူ့နယ်ပယ်နဲ့သူမှာ ထိပ်ရောက်သူတွေဖြစ်တာပါပဲ။ဒါတွေကတော့ ကျွန်တော်တို့လိုစာဖတ်သူလူငယ်တွေ ရွေးချယ်အတုယူစရာများပေါ့။တချို့နေရာတွေဆို သင်ပါ သင်ပေးသွားသေးတာနော်။

“လရောင် မချစ်သော ပန်းနဲ့ . . . ပန်းကို မသိသော လရယ်... ကုမုဒြာလို ပွင့်မနိုးတော့ မျက်ရည်ခိုးကျတယ်... ဖြစ်ရချက် အသည်းနာဖွယ်... သစ္စာတစ်ခုပဲ ပြောပြမယ်၊ လမင်းပါကွယ် ပဒုမ္မာပန်းအလှရဲ့... မုန်းမုန်း ချစ်ချစ် ကိုယ်လင်းရတယ်... နေမင်းလို မပူ နေခြည်လိုမနွေး·…အေးအေးမြမြ ကိုယ်လင်းတော့မယ်... ငွေလမင်းပါကွယ်၊ မင်းအတွက် ထာဝရငွေလ ကိုယ်ပါကွယ်...”

https://www.facebook.com/share/v/168mTLrktZ/?mibextid=wwXIfr
(Googleကနေ ရှာရင်းတွေ့ထားတာလေးပါ၊အခုလိုခေတ်ရေစီးမှာကျ အလှမ်းဝေးနေတတ်လို့ ခံစားလို့ရအောင်ပါ)

‘ကျန်ရစ်မောင်’တဖြစ်လဲ ‘တင်အောင်
အူ’တဖြစ်လဲ ဘဝစုံနယ်စုံတဲ့ ကျွန်တော်တို့ဇာတ်ကောင် တင်အောင်ဦးအတွက် ဒီဘဝမှာ ‘ကုမုဒြာ’ နဲ့ရောဆုံစည်းနိုင်ခွင့်၊ပေါင်းဖက်ခွင့်ရှိပါလေဦးမလား။ ဖတ်ကြည့်ကြပါ စာဖတ်သူများခင်ဗျာ။ကျေးဇူးပါ။

“လူ့လောကမှာ ကြမ္မာငင်မှုတွေ ရှိတယ် ခက်တာက လူတွေဟာ မာနကြီးတတ်ကြတယ် တလောကလုံး၊ အနတ္တဖြစ်ရက်နဲ့ အတ္တလို့ ထင်တတ်ကြတယ်

အစိုးမရတဲ့ တရားတွေ ထင်ရှားပြနေလျက်က အစိုးတရ ထင်တတ်ကြတယ်

ကြမ္မာငင်လာတော့မှ ငိုတတ်ကြတယ်၊ ဒါပေမဲ့ ကြမ္မာဆိုတာဟာ ငိုခြင်းကိုလည်း မသိဘူး ရယ်ခြင်းကိုလည်း မသိဘူး ကြမ္မာဟာ စာမတတ်ပါဘူး သူငယ်ချင်း. . . .”

Read more reviews at Facebook page:
https://www.facebook.com/share/1967VRW172/?mibextid=wwXIfr

#တက္ကသိုလ်ဘုန်းနိုင်
#ကိုယ့်အလှဘဝငွေလမင်း
#bookreview
#Youths_book_reflections