Two Sisters

စာအုပ်ကို ပထမဆုံး လှပ်ကြည့်မိချိန် မိန်းမ နှစ်မျိုးနှစ်စားရှိတယ်၊ တမျိုးက မိခင်အမျိုးအစား၊ နောက်တမျိုးက ချစ်သူအမျိုးအစား ဖြစ်ကြောင်း စာအုပ်အစကို နိဒါန်းပျိုးထားတယ်။မိခင်အမျိုးအစားက မိုးရာသီနှင့်တူတယ်၊ ရေနှင့် သစ်သီးဝလံ လက်ဆောင်များ ဆောင်ကြဉ်းလာတတ်သလို အပူဒဏ်ကိုလည်း သက်သာစေတယ်။ချစ်သူအမျိုးအစားက နွေဦးပေါက်ရာသီနှင့် တူတယ်၊ နက်ရှိုင်းသော လျှို့ဝှက်ဆန်းကျယ်မှု ၊ နှစ်လိုဖွယ် ညှို့ဓာတ်ရှိတယ်။ တဖက်သားကို သွေးဆူ လှိုင်းထ ၊ ဂနာမငြိမ်အောင် စိတ်နှလုံးဘဏ္ဍာတိုက်ကို တုန်ခါအောင်လုပ်တတ်တယ်။

ဘာသာပြန်ပေးသူ ဆရာကြီးမင်းယုဝေက ဒီစာအုပ်ကို ဝတ္ထုရှည်လို့ သတ်မှတ်ထားသော်လည်း ကျွန်တော် ပုဂ္ဂလိကခံစားချက်က ပုံပြင် ဒါမှမဟုတ် ဝတ္ထုလက် (novella)တစ်ပုဒ်အဖြစ်သာ မြင်မိပါတယ်။တဂိုး ဝတ္ထုတိုများတွင် ပါလေ့ရှိတဲ့အဓိကအကြောင်းအရာဆိုရမည့် ကျေးလက်နေလူများ၏ အိမ်တွင်းရေးကိစ္စများကို အမြဲလွှမ်းမိုးထားကြောင်းတွေ့ရတယ်။ ပိုင်ဆိုင်မှုဆိုင်ရာ မိသားစုဝင်များအကြား အငြင်းပွားမှုများ၊ တစ်ဦးချင်း ရုန်းကန်မှုများအပြင် trolley problem လို့ ပြောနိုင်တဲ့အရာများနဲ့ ပိတ်မိနေတတ်တယ်။အထူးသဖြင့် ဘင်္ဂလီကျေးလက်ဒေသများ၏ လူမှုရေးပြဿနာများ၊ ခံပြင်းမှု၊သိပ္ပံနည်းကျ အတွေးအမြင်များ၊ မြို့ပြရှိ ဇာတ်ကောင်များ ကိုလည်း ခေတ်နောက်ခံ ဇာတ်လိုက်များဖြင့် ပုံဖော်ထားတယ်။တဂိုးရဲ့ပညာရေးဒဿနအခြေခံမူ လေးချက်ဖြစ်တဲ့ သဘာဝတရား၊ လူသားဝါဒ၊ နိုင်ငံတကာဝါဒနှင့် စိတ်ကူးယဉ်ဝါဒ များကိုလည်း ဒီဝတ္ထုတိုထဲတွင် ထည့်သွင်းတင်ပြထားတယ်။

ညီအစ်မနှစ်ယောက် ( Two Sisters) ဝတ္ထုတွင် ဗြိတိသျှ လက်အောက်ခံ အိန္ဒိယနိုင်ငံ၏ ဖိနှိပ်ခံရမှုကို နောက်ခံပြုပြီ