အဆင်မပြေတိုင်းဖတ်ဖို့(၁)

တချို့က သူတို့လိုအပ်ချိန်တွေဆို စကားတွေက
သိပ်ချိုတာ အပြုံးတွေက သိပ်လှကြတာ
မျှော်လင့်ချက်တွေကို သိပ်မများပါစေနဲ့
သူမရှိရင်မဖြစ်ဘူးလိုလဲ မတွေးပါနဲ့
တစ်ခါတလေမှာ ကိုယ်လိုအပ်တယ်ထင်တဲ့
သံယောဇဥ်တွေကြောင့် အခါခါနာကျင်ရတတ်တယ်။

ခံစားချက်တွေကို လူတိုင်းကိုမပြောပြပါနဲ့
မျိုသိပ်နိူင်အောင်ကြိုးစားပါ မွန်းကျပ်လာတဲ့အခါ
မျက်ရည်တွေအဖြစ်နဲ့ လူတွေမမြင်တဲ့နေရာမှာ
ငိုချလိုက်ပါ တချို့တွေက ကိုယ့်အပေါ်
ဖြေသိပ်ပေးမလိုနဲ့ အားနည်းချက်ကိုဖိပြီး
နှိမ့်ချပြောဆိုသွားတတ်ကြတယ်။

လူတိုင်းအပေါ် စာနာထောက်ထားမှုတွေအပြည့်နဲ့
စေတနာတွေနဲ့လိုက်လျောကူညီတာတွေကို
သိပ် မပေးဆပ်မိအောင်နေပါ
တချို့က သူတို့အမြင့်ကိုရောက်ဖို့ ကိုယ့်ရဲ့
မေတ္တာတွေ ငဲ့ညှာစိတ်တွေကို တက်နင်းပြီး
ကိုယ့်ကိုအသုံးချသွားတတ်ကြတယ်။

တစ်ခုခုဆို နာနာကျင်ကျင်ထိခိုက်တတ်တဲ့
စိတ်လေးကို အနားပေးပါ တချို့အရာတွေ
ကိုယ့်အနားက ပြန်ထွက်သွားတယ်ဆိုတာ
ကိုယ့်ရဲ့ဘဝထဲကို ပျော်ရွှင်ကြည်နူးခြင်းတွေ
လာရောက်နေထိုင်ဖို့ ပြန်သွားတယ်လို့တွေးပါ
ကိုယ့်အတွေးတွေကြောင့် ဘေးက အပြုံးတွေကို
ဖမ်းဆုတ်ဖို့ မမေ့ပါစေနဲ့ ပေါ့ပါးစွာရှင်သန်ပါ။

#မောင်ဖုန်း