ဖတ်သင့်သောစာအုပ်လေးတစ်အုပ်

ကျွန်မရဲ့စာပေခရီးလမ်းကို စတင်စေခဲ့သူက ဘယ်သူလဲလို့မေးရင် စာရေးဆရာအက္ခရာပါပဲ။စာ‌ရေးဆရာအက္ခရာဟာဆိုရင် မကြာခင်ကမှ "အဓိကကစိတ်ပါပဲ"စာအုပ်ကို ထွက်ရှိထားသူဖြစ်ပါတယ်။ ငယ်ငယ်ရွယ်ရွယ်နဲ့ မထင်မှတ်ထားလောက်အောင်တော်တဲ့သူပါပဲ။

"အဓိကကစိတ်ပါပဲ" ဒီစာအုပ်လေးထွက်ရှိတော့မယ်လို့ ကြားတဲ့ချိန်မှာ pre-order လေးမှာယူခဲ့ပါတယ်။ သိပ်မကြာခင်အချိန်တွင်းမှာပဲ စာအုပ်လေးရောက်ရှိလာပါတယ်။ စာအုပ်ကရောက်လာပေမယ့်လည်း မအားတာနဲ့မဖတ်ဖြစ်ဘဲတော်တော်ကြာလေးထားလိုက်မိတယ်။ မနေ့ကမှ အားတာနဲ့ထိုင်ဖတ်နေခဲ့ပါတယ်။

ဒီစာအုပ်လေးဟာ အဓိကအနေနဲ့ Motivation ပေးထားတဲ့စာအုပ်လေးပါ။ ဒါပေမယ့် ဥပမာပေးတွေ ပုံပြင်လေးတွေနဲ့ရေးသားထားတော့ လက်ကမချမိတဲ့အထိ ဖတ်နေမိခဲ့ပါတယ်။ ကျွန်မတို့တွေရဲ့ဘဝမှာဆို နေ့စဉ်အသေးစိတ်တွေကိုကအစ လိုက်ခံစားပြီးနေတတ်ကြပါတယ်။" သူက ငါ့ကို ဘယ်လိုဆက်ဆံတာ၊ ငါ့ရည်းစားကအရင်လိုမဟုတ်တော့ဘူး၊ ဒီကိစ္စကိုငါမဖြေရှင်းနိုင်လောက်ဘူး၊ ငါဒီလိုလုပ်ရင် သူတို့ဘယ်လိုထင်ကြမာလဲ" စသဖြင့် ခံစားချက်ပေါင်းများစွာနဲ့ လိုက်ခံစားပြီးရှင်သန်နေတတ်ကြပါတယ်။

ဒီလိုပင်ပန်းတဲ့ရှင်သန်မှုတွေအားလုံးဟာ ကိုယ်ခံယူထားတဲ့ကိုယ်ရဲ့" စိတ်"ပေါ်မှာပဲမူတည်တယ်ဆိုတာကို ဒီစာအုပ်လေးကနေ အသိသတိရရှိစေခဲ့ပါတယ်။

ဒီစာအုပ်လေးထဲက ကျွန်မရဲ့ အကြိုက်ဆုံးစာသားကတော့

"ထမင်းစားဖို့ အသက်ရှင်တာလား
အသက်ရှင်ဖို့ ထမင်းစားတာလား"ပါပဲ

ကျွန်မတို့ဟာ ကိုယ့်ကိုယ်ကိုယ်ချစ်ဖို့မေ့နေတတ်ကြတယ်။ကိုယ်အားသားချက်ကဘာလဲဆိုတာ ရှာဖွေနေတာတွေထက် အားနည်းချက်တွေကိုသာ ရှာဖွေပြီးအပြစ်တင် စိတ်ဓာတ်ကျနေတတ်ကြတယ်။ သူတပါးအောင်မြင်တာကိုပဲ အားကျနေတတ်ပြီး သူဘယ်လိုကြိုးစားခဲ့ရလဲဆိုတာ မစဉ်းစားမတွေးမိခဲ့ကြဘူး။ဒီစာအုပ်လေးကနေ ပျောက်ဆုံးနေတဲ့ ကိုယ့်ကိုယ်ကိုယ်ပြန်ရှာတွေ့နိုင်ပါလိမ့်မယ်။

စိတ်ဓာတ်အမြဲလိုလိုကျနေသူတွေ၊ ကိုယ့်ကိုယ်ကိုယ်ချစ်ဖို့မေ့နေသူတွေ၊ ကြုံလာသမျှလောကဓံတွေကို အံတုရင်ဆိုင်ဖြတ်ကျော်ဖို့ Motiလိုအပ်နေသူတွေ၊ နေ့စဉ်ကြုံလာသမျှအခက်ခဲတွေကိုရင်ဆိုင်ကျော်ဖြတ်ဖို့အားအင်လိုအပ်နေသူတွက်တော့ ဒီ "အဓိကကစိတ်ပါပဲ"ဆိုတဲ့ စာအုပ်ကောင်းလေးဟာအသင့်တော်ဆုံးပါပဲ။

နောက်ဆုံးအနေနဲ့ စာရေးဆရာအက္ခရာရဲ့ စာသားလေးနဲ့ဒီဆောင်းပါးလေးကို နိဂုံးချုပ်လိုက်ချင်ပါတယ်ရှင်

"Focus is the key
Try Try But Don't Cry
Don't follow the opinions of others
Your attitude makes you different"

သာယာသောနေ့လေးဖြစ်ပါစေရှင်❤️

စာချစ်သူလေးများအားအစဥ်‌ချစ်ခင်လေးစားကျေးဇူးတင်လျက်...

October.20.2024.Sun(15:23)
Maru(မာရု)