Nway Oo Maung
ဆရာမြသန်းတင့် ဘာသာပြန်ထားသောလူများသက္ကရာဇ်များ စာအုပ်ကိုဖတ်ပြီးသက္ကရာဇ်ကိုစိတ်ဝင်စားမိတာနဲ့ သက္ကရာဇ်နဲ့ဆိုင်ရာမျာကိုလက်လှမ်းမီသမျှ ရှာဖွေကြည့်မိတယ်။
သက္ကရာဇ်ဆိုသည်မှာ
သက္ကရာဇာ-သာကီနွယ်ဘုရင်ဆိုသည့်စကားလုံးမှဆင်းသက်လာပြီး၊ အချိန်ကာလကိုသတ်မှတ်ထားသောနာမည်ပေတည်း။
သက္ကရာဇ်၅မျိုး
၁-မဟာသက္ကရာဇ်
မြတ်စွာဘုရားဖွါးမြင်တော်မမူမှီ မြတ်စွာဘုရား၏ဘိုးတော် အဉ္စနမင်းကြီးသည် ရောက်ဆဲဖြစ်သော သက္ကရာဇ်(၈၆၄၅)ကို ဖြိုပြီးလျင် သက္ကရာဇ် တနှစ်ကနေစလေသည် ထိုနှစ်သည်မြတ်စွာဘုရား ဖွါးတော်မမူမှီ (၆၈)နှစ်အလိုတွင်ဖြစ်ပါသည် ။
ထို၆၈နှစ်ကို မြတ်စွာဘုရားဖွါးတော်မူသည်မှ ပရိနိဗ္ဗာန်စံဝင်တော်မူသည့်အထိ နှစ်ပေါင်း ၈၀နှင့်ပေါင်းလျင်(၁၄၈)ဖြစ်ပြီး ၊ထို၁၄၈နှစ်ကိုမဟာသက္ကရာဇ်ဟုခေါ်ပါသည်။
၂-သာသနာသက္ကရာဇ်
မြတ်စွာဘုရားပရိနိဗ္ဗာန်စံပြီးနောက် လေးလအကြာ အဇာတသတ်မင်းကြီးနှင့် အရှင်မဟာကဿပမထေရ်ထို့ကြီးမှု၍
ပထမသင်္ဂါယနာတင်လေသည်။
သင်္ဂါယနာတင်ပြီးနောက် မဟာသက္ကရာဇ် ၁၄၈နှစ်ကိုဖြိုပြီး တစ်မှစသောနှစ်ကို သာသနာသက္ကရာဇ်ဟုခေါ်လေသည်။
၃-ကောဇာသက္ကရာဇ်
ထိုသာသနာသက္ကရာဇ်ကိုသုံးစွဲလာရာ သာသနာသက္ကရာဇ် (၆၂၄)ခုနှစ်ရောက်သောအခါ သရေခေတ္တရာ ခေတ် သမုန္ဒရီမင်းလက်ထက်မှာ ၆၂၂ကိုဖြိုပြီး အကြွင်း၂ နှစ်စလေသည်။
ထိုမှတဖန် ၅၆၂ခုနှစ်ရောက်သောက်အခါ ပေါက္ကံပြည့်ရှင် ပုပ္ပါစောရဟန်းမင်းသည်း ၅၆၀နှစ်ကိုဖြို အကြွင်း၂ နှစ်စလာရာ ထိုနှစ်ကိုခုချိန်ထိသုံးစွဲနေသော မြန်မာကောဇာသက္ကရာဇ်ခေါ်လေသည်။
သမုန္ဒရီမင်းဖြိုသော ၆၂၂နှစ်ကို ပုပ္ပါးစောရဟန်းမင်းဖြိုသော ၅၆၀နှစ်နှင့်ပေါင်း ၁၁၈၂ရ၏ ထို၁၁၈၂ကိုလက်ရှိရောက်နေသော မြန်မာသက္ကရာဇ်ထပ်ပေါင်းလျင် သာသနာသက္ကရာဇ်ရ၏။
၄-ဘီစီ
ခရစ်တော်မပေါ်မှီရေတွက်သောနှစ်များကို ခရစ်နှစ်(ဘီစီ)ဟုခေါ်ပါသည်။
၅-အေဒီ
ခရစ်တော်ပေါ်ပြီးနောက် ရေတွက်သောနှစ်ကို ခရစ်နှစ် (အေဒီ)ဟုခေါ်ပါသည် လက်ရှိရောက်နေသော အင်္ဂလိပ်နှစ်ဖြစ်သည်။ အပေါ်က သက္ကရာဇ်နှင့်ပတ်သက်သောအကြောင်းရာများသည် wikipedia နှင့်googleမှာရှာကြည့်မိသမျှသာဖြစ်ပါသည်။
ဆက်စပ်တွေးမှုများ
လက်ရှိသောသုံးစွဲနေသော မြန်မာကောဇာသက္ကရာဇ်သည် သာသနာသက္ကရာဇ်ကို အခြေတည်၍သုံးစွဲလားခြင်းဖြစ်သည် ၊အဲ့ဒီမှာ ကျွန်တော်တွေးမိတာက သာသနာသည် အိန္ဒိယမှလာ၏ သာသနာသက္ကရာဇ်သည် မြတ်စွာဘုရားဘုရားပရိနိဗ္ဗာန်စံပြီး ပထပသင်္ဂါယနာမှ စတင်ရေတွက်ခြင်းဖြစ်သည်၊
သည်လိုဆိုရင် မြန်မာနိုင်ငံကို သာသနာမရောက်ခင်က ဘယ်သက္ကရာဇ်နဲ့သုံးနေသည်ကိုတွေးမိတယ်၊ ကျွန်တော်သိထားတာက အနော်ရထာမင်းကပထမမြန်မာနိုင်ငံတည်ထောင်ပြီး သာသနာသည်လည်း ပထမနိုင်မြန်မာနိုင်ငံနှင့်အတူပြန့်ပွါးလာသည်လို့ သာမန်အရပ်သားအသိလောက်သာ သိထား၏။
Keep Reading