ခေါင်းမော့လိုက်တော့မင်း ခေါင်းငုံ့လိုက်တော့သူ _ နုနုရည်(အင်းဝ)

"စီးပွားရေးတွေ မပြေလည်၊ အလုပ်အကိုင်အဆင်မပြေကြတိုင်း ချဲကို ဖိထိုးနေကြတော့တာပဲ။ ချဲဟာ စီးပွားရေးထွက်ပေါက်လို့ လူတွေက တလွဲ ယူဆကုန်ကြပြီ။ အလုပ်အကိုင်မရှိ စိတ်လေနေတဲ့သူတွေအတွက်ဆိုရင်တော့ အကိုက်ပေါ့။ အလုပ်အကိုင်ကြီးတစ်ခုလို တွက်ချက်၊ ချဲထိုးရင်း ဆယ့်ငါးရက်ပြည့် နောက်တစ်နေ့မှာ ဟိုဘက် နိုင်ငံက ချဲနံပါတ် အသံလွှင့်ကြေညာတာကို ရင်တဖိုဖိုနဲ့စောင့်၊ မတိုက်တော့ မပေါက်တော့ ဒီတစ်ပတ် သွားပြီကွာဆိုပြီး နောက်တစ်ပတ်အတွက် ဆက်တွက်၊ အလုပ်အကိုင်မရှိသူတွေအတွက် ဒါက အချိန်ကုန်တယ်လေ၊ ဒါကြောင့်မို့လည်း ချဲရောဂါဟာ ဘွဲ့ရအလုပ်လက်မဲ့များ အများဆုံး စုဝေးနေသော မြစိမ်းရောင်အဆောင်ဆီကို လျင်မြန်စွာ ရောက်ရှိလာတော့တာပဲ။"

၁၉၈၀တစ်ဝိုက်လောက်ကတည်းက ရှိနေခဲ့တဲ့ ဘွဲ့ရအလုပ်လက်မဲ့များရဲ့ ဘဝနဲ့ လေးဆယ့်လေးနှစ်ကြာအပြီး ၂၀၂၄ခုနှစ်မှာ ရှိတဲ့ ဘွဲ့ရအလုပ်လက်မဲ့များရဲ့ ဘဝဟာ ဒီပုံစံအတိုင်း ထပ်တူကျနေတယ်ဆိုတာ မြန်မာနိုင်ငံမှာ သိပ်ပြီးတော့လည်း အံ့ဩဖို