"မိန်းမတွေ ငွေမက်တယ်"

မိန်းမတွေ ငွေမက်တယ်လို့
ပြောတဲ့စကားကို ကြားတဲ့အခါ
ဆိုက်ကားနင်းနေတဲ့အမျိုးသားပြန်အလာကို
အိမ်မှာ ချက်ပြုတ်ပြီး စောင့်နေတဲ့
အမျိုးသမီးက ပြုံးနေတယ်...

မိန်းမတွေ ငွေမက်တယ်လို့
ပြောတဲ့စကားကို ကြားတဲ့အခါ...
ခင်ပွန်းဖြစ်သူ ဒုက္ခတိဖြစ်သွားလို့
လုပ်ကိုင်ကျွေးမွေးနေတဲ့ ဇနီးသည်က
ပြုံးနေတယ်...


ငွေရှိ​တဲ့သူကိုပဲ ရွေးချယ်ကြမှာတဲ့...
အဲ့တာက အပေါ်ယံသဘောတရားအရ
မှန်ကန်ပေမဲ့...
တကယ့်အချစ်စစ်နဲ့ တွေ့ရှိခဲ့တဲ့
မိန်းမကတော့ အချစ်ကိုပဲ ရွေးချယ်မှာပါ

ဒီနေရာမှာ တကယ့်အချစ်စစ်လို့ပါတယ်နော်
"ချစ်တယ်"ပြောရုံနဲ့၊ အပေါ်ယံဂရုစိုက်ပေးရုံနဲ့တော့ အချစ်စစ်လို့မခေါ်ဘူး

ငွေက ကိုယ်တိုင်ရှာလို့ရတယ်ဆိုတာ
တချို့မိန်းမတွေ သိတယ်
ငွေမက်တာခြင်းတူပေမဲ့
ရှာပုံခြင်းမတူဘူး.....

ငွေမက်တိုင်း
မကောင်းတဲ့မိန်းမ မဟုတ်ပါဘူး

မင်းကို မိန်းကလေးတစ်ယောက်က
တကယ့်အချစ်စစ်နဲ့ချစ်မိပြီး
မင်းသာ ယောကျ်ားတစ်ယောက်၊
အိမ်ထောင်ဦးစီးတစ်ယောက်ရဲ့
နွေးထွေးမှု၊ ကြင်နာမှု၊ စိတ်လုံခြုံမှုကို
ပေးနိုင်မယ်ဆိုရင် သူက သေချာပေါက်
မင်းကိုပဲ ရွေးချယ်မှာပါ

-ဖူးသစ္စာညို
(21.6.2024 Friday 2:15 p.m)