SarPhat Author
အမျိုးသမီးတွေရဲ့ဘဝမှာ အရွယ်ရောက်ပြီးသူတိုင်း လစဉ်လတိုင်းတွေ့ကြုံရတဲ့ကဏ္ဍတစ်ခုရှိပါတယ်။ဒါကတော့ "ဓမ္မတာပန်းပွင့်ခြင်း၊ ရာသီလာခြင်း"ဆိုတဲ့ ကဏ္ဍပဲဖြစ်ပါတယ်။
အမျိုးသမီးအများစုက ရာသီလာတဲ့အခါ ရှက်တတ်ကြပါတယ်။လစဉ်သုံးပစ္စည်းဝယ်တဲ့အခါ အနက်ရောင်အိတ်နဲ့ထည့်ယူတာမျိုး၊ လူသိမခံချင်တာမျိုးကြောင့် ကွယ်ဝှက်ယူတတ်ကြပါတယ်။ဒါကဘာကြောင့်လဲဆိုတော့ ငယ်စဉ်ကတည်းက လူကြီးသူမတွေရဲ့ စကားမှား ၊အတွေးမှားတစ်ချို့ကို နားရည်ဝခဲ့လို့ပဲဖြစ်ပါတယ်။တစ်နည်းအားဖြင့် "ကိုလိုနီပြုကျင့်ခံရခြင်း"ပဲဖြစ်ပါတယ်။
အရွယ်ရောက်ပြီးသူအမျိုးသမီးတိုင်း တွေ့ကြုံရတတ်တဲ့သဘောသဘာဝမို့ ရှက်စရာတစ်ခုလို့မမြင်စေချင်ပါဘူး။
ရှေးလူကြီးတွေပြောသလို "ရာသီသွေးဆင်းတယ်ဆိုတာ သွေးပုပ်၊သွေးညစ်တွေဆင်းခြင်း မဟုတ်ပါဘူး"။အမျိုးသမီးတွေရဲ့ သားအိမ်မှာ သန္ဓေသားအဖြစ်မရောက်ရှိတဲ့ သားဥလေးတွေကြွေခြင်းမျိုးပဲဖြစ်ပါတယ်။တစ်ချို့အမျိုးသမီးတွေဆိုရင် တစ်လတစ်ခါမဟုတ်ဘဲ တစ်လနှစ်ခါ ရာသီလာတတ်ကြပါတယ်။ရာသီလာစဉ်နာကျင်ကိုက်ခဲတတ်ကြသူတွေရှိသလို၊ လုံးဝနာကျင်မှုမရှိဘဲ ပေါ့ပေါ့ပါးပါးဖြတ်ကျော်နိုင်ကြသူတွေလည်းရှိပါတယ်။
နာကျင်ကိုက်ခဲမှုကို သက်သာစေဖို့အတွက် ရေနွေးအိတ်ကပ်ပေးတာမျိုး၊ ရေနွေးအဖြူသောက်ပေးတာမျိုးလုပ်လို့ရသလို သက်တောင့်သက်သာဖြစ်စေမယ့် ယောဂလေ့ကျင့်ခန်းမျိုးလုပ်ပေးလို့လည်းရပါတယ်။အကိုက်အခဲပျောက်ဆေးသောက်တာမျိုးလည်းရှိပေမယ့် ရေရှည်အတွက်မကောင်းနိုင်ဘူးလို့ အကြံပြုပါရစေ။
ကျွန်မ၏အမြင်နှင့် သိထားသောအကြောင်းအရာများအား မျှဝေပေးခြင်းဖြစ်ပါသည်။
ကျွန်မ၏ဆောင်းပါးနှင့်ပတ်သက်၍ အမှားတစ်စုံတစ်ရာရှိခဲ့ပါက လွတ်လပ်စွာအကြံပြုထောက်ပြနိုင်ပါသည်။
#T.Kyi
Keep Reading