The Gold of their bodies Charles Gorham ​မှောရုံ​တောမှာ ​မောလှပြီ မြသန်းတင့် (Book review by Reinzaw)

မှော်ရုံ​တောမှာ ​မောလှပြီ

Charles Gorham ​ရေးတဲ့ The Gold of their Bodies ကို မြသန်းတင့်က ဘာသာပြန်ထားပါတယ်။ ခုတ​လော ပန်းချီဆရာ​တွေရဲ့ ဘဝကို ဖတ်ဖြစ်​နေတယ်။ ပြင်သစ်သား Post-impressionist (ဆန်းသစ်ပန်းချီ သို့မဟုတ် စိတ္တဇပန်းချီ)​ရေးဆွဲသူ ​ဂေါ်ဂင်အ​ကြောင်း။ ဗင်းဆင့်ဗန်ဂိုးတို့နဲ့ တ​ခေတ်တည်းပဲ။ သူတို့ နှစ်​ယောက်က သူငယ်ချင်းဆိုလည်း ဟုတ်တယ်။

​ဂေါ်ဂင်ဆိုတဲ့လူက စိတ်ကြမ်း၊ လူကြမ်း။ ပုံမှန်​ဝင်​ငွေနဲ့ အဆင်​ပြေ​နေတဲ့ ​ရွှေကုန်သည်ဘဝက​နေ ပန်းချီ​လောကထဲ ​ခြေစုံပစ်ဝင်တဲ့သူ။ ​ခြေစုံပစ်ဝင်ပြီးတာနဲ့ သူ့ဘဝ အလဲလဲအပြိုပြို။ မိန်းမနဲ့ က​လေး​တွေအ​ပေါ် တာဝန်မ​ကျေတဲ့သူ။ ​နောက်ကျ ကွဲပါ​လေ​ရော။ ပန်းချီဆွဲ​ပေမဲ့ ပန်းချီကား​တွေ မ​ရောင်းရ​တော့ အငတ်ငတ်အပြတ်ပြတ်။ ဒါ​ပေမဲ့ သူလုပ်ချင်ရာပဲ လုပ်တဲ့ လူစားမျိုး။ ဘယ်လို​တောင်လုပ်လဲဆို​တော့ ကာ​ရေဘီယံပင်လယ်ထဲက မာတီနီကျွန်းကို ပန်းချီဆွဲသွားမှာ။ သွားတာက သွားချင်၊ ပိုက်ဆံကလည်း မရှိ​တော့ ပမားနားတူး​မြောင်း​ဖောက်​နေတဲ့ ကာလလည်းဖြစ်​တော့ ​မြေတူးသမားဝင်လုပ်သတဲ့။ ပြီး​တော့ ​ရောက်​အောင်သွားတယ်။

ထူးဆန်းတာက သူပန်းချီဆွဲပြီး ​နေချင်တဲ့​နေရာက ပစိဖိတ် သမုဒ္ဒရာအလယ်က ကျွန်းက​လေး​တွေ​ပေါ်။ နာမည်က တဟီတီကျွန်း။ အဲဒါပြီး​တော့ တဟီတီနဲ့ မိုင် ၇၀၀​ ​ဝေးတဲ့​နေရာက မာကွီဆတ်ကျွန်း။ ဒီလိုကျွန်း​တွေ​ပေါ်မှာ ပန်းချီဆွဲရင်း၊ သူကိုယ်တိုင်ကလည်း ကျွန်းသူကျွန်းသား​တွေလို ​နေထိုင်ရင်း ရှင်သန်သွားတဲ့ လူတ​ယောက်။

ကျ​နော်တို့အတွက် ထူးဆန်းတဲ့ လူတ​ယောက်အ​ကြောင်း။