မိမိကိုယ်ကို ပြုပြင်ခြင်း (၇)

အပိုင်း ၇ ဖြစ်ပါတယ်ခင်ဗျာ။ ဒီဆောင်းပါးလေးတွေဟာ စာဖတ်သူလေးကို ပြုပြင်ပြောင်းလဲဖို့ အင်မတန်အထောက်အကူဖြစ်လိမ့်မယ်ဆိုတာ ကျွန်တော်အာမခံပါတယ်။ အပိုင်း ၇ ဆောင်းပါးလေးကို စလိုက်ကြပါစို့....။

၁။ မမြဲတတ်တာကို အမြဲလို့ မထင်မိပါစေနဲ့

* ဘဝဆိုတာ အမြဲတမ်း တစ်နေရာတည်းမှာ တည်မြဲနေတဲ့ အရာမျိုး မဟုတ်ပါဘူး။

* အမြဲတမ်း အကောင်းချည်းပဲ ဖြစ်မနေသလို အမြဲတမ်း အဆိုးချည်းပဲလည်း မဖြစ်ပါဘူး။

* အမြဲတမ်း အဆင့်မြင့်နေမှာ မဟုတ်သလို အမြဲတမ်း အဆင့်နိမ့်နေမှာလည်း မဟုတ်ပါဘူး။

* အမြဲတမ်း အောင်မြင်နေမှာ မဟုတ်သလို အမြဲတမ်း ကျရှုံးနေမှာလည်း မဟုတ်ပါဘူး။

* အမြဲတမ်းအဆင်ပြေမှာ မဟုတ်သလို အမြဲတမ်း အခက်တွေ့မှာလည်း မဟုတ်ပါဘူး။

* အမြဲတမ်း ချမ်းသာနေမှာ မဟုတ်သလို အမြဲတမ်း ဆင်းရဲနေမှာလည်း မဟုတ်ပါဘူး။

* အမြဲတမ်း အားသာချက်ရှိနေမှာ မဟုတ်သလို အမြဲတမ်း အားနည်းချက်ရှိနေမှာလည်း မဟုတ်ပါဘူး။

* ဘဝဆိုတာ အတက် အကျ၊ အနိမ့် အမြင့် ရှိတတ်တဲ့သဘောမို့ မမြဲတတ်တဲ့ သဘောကို အမြဲလို့ မထင်မိပါစေနဲ့။

၂။ ဘယ်လိုတွေးမလဲ

* အတွေးဆိုတာ ကောင်းတဲ့အတွေးရှိသလို မကောင်းတဲ့အတွေးလည်းရှိပါတယ်။

* ကိုယ်တွေးမိတဲ့အတွေးက ကောင်းတဲ့အတွေးဆိုရင် ကိုယ်ပဲအစဆုံး စိတ်အေးချမ်းကာ ပျော်ရွှင်ရပါတယ်။ ကိုယ်တွေးမိတဲ့အတွေးက မကောင်းတဲ့အတွေးဆိုရင် ကိုယ်ပဲအစဆုံး စိတ်ဆင်းရဲကာ ပူလောင်ရပါတယ်။

* အကောင်းဘက်ကိုမတွေးသမျှ ပျော်ရွှင်မှုက ကိုယ်နဲ့ဝေးပါမယ်။ အကောင်းဘက်ကိုတွေးမှ ပျော်ရွှင်မှုက ကိုယ်နဲ့အတူရှိပါမယ်။

* အကောင်းတွေးတော့ ပျော်ရပါတယ်။ မကောင်းတွေးတော့ ပူရပါတယ်။ သင် ဘယ်လိုတွေးမလဲ။

၃။ ဆွေးနွေးတိုင်ပင်ကာ အဖြေရှာပါ

* တစ်ဦးနဲ့တစ်ဦး ဆွေးနွေးတိုင်ပင်တယ်ဆိုတာ သူ့အမြင် ကိုယ့်အမြင်တွေကို ရှင်းရှင်းလင်းလင်း ပြောခွင့်ရ သိခွင့်ရတဲ့အတွက် တကယ်ကောင်းတဲ့အလုပ်ပါ။

* များများဆွေးနွေးတိုင်ပင်လေ များများအကျိုးရှိလေပါပဲ။ ဒါပေမယ့် တစ်ခါတလေ ဆွေးနွေးတိုင်ပင်လို့မရတဲ့ အခြေနေတွေလည်း ရှိတတ်ပါတယ်။

* အတွေးအခေါ်ချင်း မတူညီတဲ့အခါ ဆွေးနွေးတိုင်ပင်လို့မရပါဘူး။

* အမြင်ချင်း မတူညီတဲ့အခါ ဆွေးနွေးတိုင်ပင်လို့မရပါဘူး။

* ဦးနှောက်ချင်း မတူညီတဲ့အခါ ဆွေးနွေးတိုင်ပင်လို့မရပါဘူး။

* အဆင့်အတန်းချင်း မတူညီတဲ့အခါ ဆွေးနွေးတိုင်ပင်လို့ မရပါဘူး။

* စိတ်သဘောထားချင်း မတူညီတဲ့အခါ ဆွေးနွေးတိုင်ပင်လို့ မရပါဘူး။

* ခံစားချက် မတူညီတဲ့အခါ ဆွေးနွေးတိုင်ပင်လို့ မရပါဘူး။

* ခံယူချက် မတူညီတဲ့အခါ ဆွေးနွေးတိုင်ပင်လို့ မရပါဘူး။

* ဘဝဖြတ်သန်းပုံချင်း မတူညီတဲ့အခါ ဆွေးနွေးတိုင်ပင်လို့ မရပါဘူး။

* ဆွေးနွေးတိုင်ပင်လို့မရသမျှ ကောင်းကျိုးမဖြစ်ထွန်းနိုင်ပါဘူး၊ ဆွေးနွေးတိုင်ပင်ကာ အဖြေရှာမှ ကောင်းကျိုးတွေဖြစ်ထွန်းတတ်ပါတယ်။

၄။ ခွဲခွဲခြားခြား မဆက်ဆံပါနဲ့

* ဆက်ဆံရေးမှာ အချင်းချင်း မေတ္တာတရားနဲ့ ကူညီအားပေးကာ နေထိုင်ဆက်ဆံတာ အကောင်းဆုံးပါ။

* အချင်းချင်း ခွဲခွဲခြားခြား ဆက်ဆံမှုတွေက ဘယ်နေရာ ဘယ်ပတ်ဝန်းကျင် ဘယ်အသိုင်းအဝိုင်းမှာမှ ရှိမနေသင့်တဲ့အရာပါပဲ။

* အချင်းချင်း ခွဲခွဲခြားခြား ဆက်ဆံမှုတွေရှိမနေရင် လောကကြီးဟာ ပျော်ရွှင်စရာ ငြိမ်းချမ်းစရာနဲ့ နေချင်စရာဖြစ်ပါမယ်။

* အချင်းချင်း ခွဲခွဲခြားခြား ဆက်ဆံမှုတွေရှိနေရင်တော့ လောကကြီးဟာ စက်ဆုပ်စရာ ပူလောင်စရာ မနေချင်စရာဖြစ်ပါမယ်။

* ချမ်းသာသူ ဆင်းရဲသူ၊ ပညာတတ်သူ ပညာမတတ်သူ၊ မြင့်သောသူ နိမ့်သောသူ၊ အားကြီးသူ အားနည်းသူအားလုံးဟာ အချင်းချင်း အမှီပြုပြီး လောကကြီးကို အလှဆင်ပြီးနေထိုင်ကြသူတွေမို့ ခွဲခွဲခြားခြား မဆက်ဆံကြပါနဲ့၊ ကူညီကြပါ၊ အားပေးကြပါ၊ မေတ္တာတရားထားကြပါ။

၅။ ကိုယ့်စိတ်ကို သိပြီလား

* ဘဝမှာ စိတ်အေးချမ်းသာစွာနေချင်ရင် ကိုယ့်စိတ်အကြောင်းကို ကိုယ်သိထားဖို့လိုအပ်ပါတယ်။

* ကိုယ့်စိတ်အကြောင်းကို ကိုယ်မသိရင် ကိုယ့်စိတ်က ကိုယ့်ဘဝကို ဆင်းရဲဒုက္ခ ဖြစ်စေတတ်ပါတယ်။

* ကိုယ့်စိတ်က လောဘကြီးတတ်ရင် လောဘနည်းအောင် လောဘမဖြစ်မိအောင် ပြုပြင်ရပါမယ်။

* ကိုယ့်စိတ်က ဒေါသကြီးတတ်ရင် ဒေါသနည်းအောင် ဒေါသမထွက်မိအောင် ပြုပြင်ရပါမယ်။

* ကိုယ့်စိတ်က မောဟကြီးတတ်ရင် မောဟနည်းအောင် မောဟမဖြစ်မိအောင် ပြုပြင်ရပါမယ်။

* ကိုယ့်စိတ်ကို ကိုယ်ကသိလို့ ပြုပြင်လေ ကိုယ့်ဘဝက အေးချမ်း ကောင်းမွန်တတ်လေမို့ ကိုယ့်စိတ်ကို ကိုယ်က သိအောင်လည်းလုပ်ပါ။ ပြုပြင်မှုလည်း လုပ်ပါ။

* ဒါဆိုရင် ကိုယ့်ဘဝကို ရှင်းရှင်းလင်းလင်းနဲ့ စိတ်အေးချမ်းစွာ နေထိုင်နိုင်ပါတယ်။

၆။ ကိုယ့်ကိုယ်ကိုယ် မလိမ်ညာပါနဲ့

* ကိုယ့်ကိုယ်ကိုယ် လိမ်ညာတယ်ဆိုတာ ကိုယ့်ကိုယ်ကိုယ် ဖျက်ဆီးရာရောက်ပါတယ်။

* ကိုယ့်ကိုယ်ကိုယ် ဖျက်ဆီးရာမရောက်အောင် ပညာသင်ယူဆည်းပူးတဲ့အခါ ကိုယ့်ကိုယ်ကိုယ် မလိမ်ညာပါနဲ့။

* စီးပွါးရေးလုပ်တဲ့အခါ ကိုယ့်ကိုယ်ကိုယ် မလိမ်ညာပါနဲ့။

* ကုသိုလ်ကောင်းမှုတွေပြုလုပ်တဲ့အခါ ကိုယ့်ကိုယ်ကိုယ် မလိမ်ညာပါနဲ့။

* အများအကျိုးတွေဆောင်ရွက်တဲ့အခါ ကိုယ့်ကိုယ်ကိုယ် မလိမ်ညာပါနဲ့။

* ကိုယ့်ဘဝမှာ ဘာပဲလုပ်လုပ် ကိုယ့်ကိုယ်ကိုယ် မလိမ်ညာပါနဲ့။

* ကိုယ့်ကိုယ်ကိုယ် လိမ်ညာရင် ကိုယ်ပဲ နစ်နာ ဆုံးရှုံး ပျက်စီးရပါတယ်။

* ကိုယ့်ကိုယ်ကိုယ် လိမ်ညာရင် ကိုယ်ပဲစိတ်ပင်ပန်း ဆင်းရဲရပါတယ်။

* ကိုယ့်ကိုယ်ကိုယ် လိမ်ညာရင် ကိုယ်ပဲ အကျိုးယုတ်ရပါတယ်။

၇။ သိတတ် ထုတ်ဖော်ကျေးဇူးတော်

* လူတိုင်းကိုယ်စီဘဝမှာ ကျေးဇူးရှိတဲ့ ကျေးဇူးရှင်တွေဆိုတာ ရှိတတ်ကြပါတယ်။

* အဲဒီ ကိုယ့်အပေါ်ကျေးဇူးရှိသူကို ကျေးဇူးသိတတ်ဖို့လိုပါတယ်။ ကျေးဇူးသိတတ်သူက ဘဝမှာ တိုးတက်အောင်မြင်ပါတယ်။ ကျေးဇူးမသိတတ်သူက ဘဝမှာ တိုးတက်အောင်မြင်ဖို့ ခက်ပါတယ်။

* ကိုယ့်အပေါ် ကျေးဇူးရှိသူကို ကျေးဇူးစကားထုတ်ဖော်ပြောဖို့လိုပါတယ်။ ကျေးဇူးစကားထုတ်ဖော်ပြောသူက ဘဝမှာ တိုးတက်အောင်မြင်ပါတယ်။ ကျေးဇူးစကားထုတ်ဖော်မပြောသူက ဘဝမှာ တိုးတက်အောင်မြင်ဖို့ခက်ပါတယ်။

* ကိုယ့်အပေါ်ကျေးဇူးရှိသူကို ကျေးဇူးဆပ်ဖို့လိုပါတယ်။ ကျေးဇူးဆပ်တဲ့သူက ဘဝမှာ တိုးတက်အောင်မြင် တတ်ပါတယ်။ ကျေးဇူးမဆပ်သူက ဘဝမှာ တိုးတက်အောင်မြင်ဖို့ ခက်ပါတယ်။

* ကျေးဇူးရှိသူကို ကျေးဇူးသိဖို့ မမေ့ပါနဲ့။ ကျေးဇူးရှိသူကို ကျေးဇူးစကား ထုတ်ဖော်ပြောဖို့ မမေ့ပါနဲ့။ ကျေးဇူးရှိသူကို ကျေးဇူးပေးဆပ်ဖို့မမေ့ပါနဲ့။

၈။ စတင်မလုပ်ရင် ဘာမှ ဖြစ်မလာပါဘူး

* ကိုယ်လုပ်ချင်တဲ့အရာတစ်ခု၊ လုပ်ဖို့လည်း အမှန်တကယ်လိုအပ်နေတဲ့အရာ တစ်ခုဆိုရင် အချိန်ဆွဲမထားဘဲ စတင်လုပ်ဆောင်ဖြစ်အောင်လုပ်ပါ။

* ဥပမာ - သင်တန်းတစ်ခုခု တက်ချင်နေတာလား။ခရီးတစ်ခုခု သွားချင်နေတာလား။ အစီစဉ်တစ်ခုခု ရေးဆွဲချင်တာလား။ စီးပွါးရေးတစ်ခုခု လုပ်ချင်တာလား။ ကုသိုလ်ကောင်းမှုတစ်ခုခု ပြုလုပ်ချင်တာလား။

* ဘယ်အရာမဆို စတင်မလုပ်ဆောင်ရင် ဘယ်တော့မှ မပြီးစီးနိုင် မဖြစ်နိုင်ပါဘူး။ စတင်လုပ်ဆောင်လိုက်မှ တစ်နေ့နေ့မှာ ပြီးစီးနိုင် ဖြစ်နိုင်ပါတယ်။ ခုပဲ စတင်ပြုလုပ်လိုက်ပါ။

၉။ ဘယ်သူတွေရှိဖို့ လိုအပ်သလဲ

* ကိုယ့်ဘဝ တိုးတက်အောင်မြင်ဖို့ မိတ်ဆွေကောင်း ရှိဖို့လိုအပ်ပါတယ်။ မိတ်ဆွေကောင်းမရှိရင် တိုးတက်အောင်မြင်ဖို့ ခက်ခဲပါတယ်။ မိတ်ဆွေကောင်းကို ချစ်ခင်ပါ၊ တန်ဖိုးထားပါ။

* ကိုယ့်ဘဝ တိုးတက်အောင်မြင်ဖို့ ဆရာသမားကောင်း ရှိဖို့လိုအပ်ပါတယ်။ ဆရာသမားကောင်းမရှိရင် တိုးတက်အောင်မြင်ဖို့ ခက်ခဲပါတယ်။ ဆရာသမားကောင်းကို ရိုသေလေးစားပါ။ တန်ဖိုးထားပါ။

* ကိုယ့်ဘဝ တိုးတက်အောင်မြင်ဖို့ ပတ်ဝန်းကျင်ကောင်း ရှိဖို့လိုအပ်ပါတယ်။ ပတ်ဝန်းကျင်ကောင်းမရှိရင် တိုးတက်အောင်မြင်ဖို့ခက်ခဲပါတယ်။ ပတ်ဝန်းကျင်ကောင်းကို မေတ္တာထားပါ။ တန်ဖိုးထားပါ။

၁၀။ များများလိုချင်ရင် ဘာလုပ်ရမလဲ

* များများအရင်းအနှီး မထားရင် များများ အကျိုးအမြတ် မရရှိနိုင်ပါဘူး။ များများအရင်းအနှီးထားမှ များများအကျိုးအမြတ်ရနိုင်ပါမယ်။

* များများ စိုက်ပျိုးမထားရင် များများ မရိတ်သိမ်းရနိုင်ပါဘူး။ များများစိုက်ပျိုးထားမှ များများ ရိတ်သိမ်းရနိုင်ပါမယ်။

* များများကြိုးစားမထားရင် များများအောင်မြင်မှု မရနိုင်ပါဘူး။ များများကြိုးစားထားမှ များများ အောင်မြင်မှုရနိုင်ပါမယ်။

* များများ သင်ယူလေ့လာမထားရင် များများပို့ချသင်ကြား မျှဝေမပေးနိုင်ပါဘူး။ များများသင်ယူ လေ့လာထားမှ များများပို့ချသင်ကြား မျှဝေနိုင်ပါမယ်။

* များများရှာဖွေ စုဆောင်းမထားရင် များများပြည့်ပြည့်စုံစုံ မရရှိနိုင်ပါဘူး။ များများ ရှာဖွေစုဆောင်းထားမှ ပြည့်ပြည့်စုံစုံ ရရှိနိုင်ပါမယ်။

* များများပေးဆပ်မှုမရှိရင် များများရချင်လို့မရပါဘူး။ များများပေးဆပ်ထားမှ များများရရှိနိုင်ပါတယ်။

* များများအနစ်နာမခံရင် များများအသာမစံရပါဘူး။ များများနစ်နာခံမှ များများအသာစံရပါမယ်။

မိမိကိုယ်ကိုတန်ဖိုးရှိစွာ ပြုပြင်ပြောင်းလဲနိုင်ပါစေခင်ဗျာ။

• မိမိကိုယ်ကို ပြုပြင်ခြင်း(၁)

https://sarphat.com/posts?id=2684

• မိမိကိုယ်ကို ပြုပြင်ခြင်း(၂)

https://sarphat.com/posts?id=2753

• မိမိကိုယ်ကို ပြုပြင်ခြင်း(၃)

https://sarphat.com/posts?id=2840

• မိမိကိုယ်ကို ပြုပြင်ခြင်း(၄)

https://sarphat.com/posts?id=2902

• မိမိကိုယ်ကို ပြုပြင်ခြင်း(၅)

https://sarphat.com/posts?id=2939

• မိမိကိုယ်ကို ပြုပြင်ခြင်း(၆)

https://www.sarphat.com/articles/2985

ᏂᏗᏒᏬᏦᎥ ( April 13, 9:00 PM )