အစောပိုင်းဝတ္ထုတိုများ

ဆရာဇော်ဇော်အောင်က အခုဝတ္ထုတိုတွေဖတ်ပြီး ဆရာအောင်ခင်မြင့်ကို ဝတ္ထုတိုသမားအဖြစ် အတော်မျှော်လင့်ခဲ့ဖူးတယ်။အဲ့ကာလက စာရေးသူက ဟဲမင်းဝေး ကို သဘောကျနေတဲ့အချိန်သာဖြစ်တယ်။

ကမ္ဘာထဲမှာ အရာရာဟာ ဝတ္ထုဇာတ်လမ်းဆန်ဆန်ဖြစ်ပျက်နေကြတာပါပဲ။ ယုတ်စွာအဆုံး သတင်းတွေတောင်မှ ဝတ္ထုဇာတ်လမ်းဆန်တာတွေရှိတယ်။ ကျွန်တော်တို့ကိုယ်တိုင်လည်း ဇာတ်လမ်းတွေထဲ စီးမျောနေကြတဲ့ ဇာတ်ကောင်တွေပါပဲ။ ကျွန်တော်တို့သာ ဝတ္ထုဇာတ်လမ်းရေးဆရာတွေဖြစ်ခဲ့ရင် ကိုယ်ဖန်တီးချင်တဲ့ဇာတ်လိုက်ကို ဘယ်အရပ်ကို တွန်းပို့ထားချင်လဲ ၊ ဘာတွေလုပ်ခိုင်းမလဲ။ ဒီစာအုပ်ကို ဖန်တီးသူဆရာအောင်ခင်မြင့်ကတော့ သူ့ဇာတ်လိုက်ကို ဘွာနိုဇာရက်မြို့ ၊အလွတ်တမ်းစုံထောက်တစ်ဦးအဖြစ် ဇာတ်လမ်းဆင်ထားတယ်။

"ဘဝဆိုတာ ဘာလဲ"
"ဘယ်ကိုသွားနေတာလဲ"
"ကျွန်တော်မှတ်မိတာ ဘာရှိလဲ"
"ဘဝမှာ ဘယ်လိုနေရမလဲ"

ထပ်ပြန်တလဲလဲဖြစ်နေတဲ့ နေ့စဉ်ဘဝရဲ့ တိတ်တဆိတ် မေးခွန်းတွေကို ဆင်ခြင်သုံးသပ်ထားတဲ့ အရေးအသားတစ်ခုပါပဲ။စာမျက်နှာ -၆၄ ၊ ဝတ္ထုတို ၈