ပင်ပန်းနေပြီလား..

-- မနေ့တနေ့ကလိုဘဲ အမေခွံ့ကျွေးတဲ့ထမင်းစားခဲ့တာ
-- မနေ့တနေ့ကလိုဘဲ အဖေနဲ့အတူဆိုင်ကယ်စီးရင်လေတွေတဖြူးဖြူးတိုက်တဲ့ အဖေ့အရှေ့ကနေဘဲစီးခဲ့တာ
-- မနေ့တနေ့ကလိုဘဲ အမေရိုက်လို့ မွေးရာပါအကျီလေးနဲ့ပတ်ပြေးခဲ့တာ
-- မနေ့ကပျော်ခဲ့ပေမယ့် ဒီနေ့ငိုနေရပြီ
လွမ်းတယ် ပြန်မရနိုင်တော့တဲ့အချိန်တွေ
လွမ်းတယ် အရင်ကပျော်ခဲ့ရတဲ့အချိန်တွေ

အခုချိန်မှာ ကိုယ်ခြေထောက်ပေါ်ကိုယ်ရပ်တည်ဖို့ ခြေလှမ်းစလှမ်းနေပြီဆိုပေမယ့် ဖြစ်နိုင်ရင်ဒီနေရာမှာရပ်လိုက်ချင်တယ် အရင်ကလိုဘဲ အမေ့နားမှာကလေးလေးလိုနေချင်တယ် အဖေ့ဆီကအားပေးစကားတွေအရမ်းလိုချင်တယ် ဟန်ဆောင်နေရတဲ့နေရာတခုမှာသမီးခံနိုင်ရည်ရှိပါ့မလားဖေဖေ အပြုံးတုတွေအောက်ကစိတ်ဓါတ်တွေကိုသမီးမြင်လာပြီ ဒါတောင်ခြေလှမ်းတခုပါ ခြေလှမ်းတလှမ်းနဲ့တင်သမီး ဆက်မလျှောက်ချင်တော့ဘူး........
သူများတွေအတွက်လွယ်တဲ့အရာဟာသမီးအတွက်ဘဲခက်နေတာလား လူတိုင်းကြုံတွေ့ရတဲ့ပြသနာတခုလား လောကဓံဆိုတဲ့စကားလုံးက ဒါကိုပြောတာလား မေးခွန်းတွေအတွက်အဖြေဟာတခုဘဲထွက်လာတယ် နင်ရွေးတဲ့လမ်းနင်သာဆက်လျှောက်တဲ့ သမီးဆက်လျှောက်ဖို့ အားမရှိရင်ရော ဒီနေရာမှာရပ်လိုက်ရင်ဘာဖြစ်သွားမှာလဲ
ဟုတ်တယ် ပြိုလဲသွားလိမ့်မယ် ကြိုးစားခဲ့တာတွေအလဟသဖြစ်ကုန်လိမ့်မယ် ဒါကိုလက်ခံနိုင်ရင်ရပ်လိုက်ပါတဲ့...........
ကြိုးစားခဲ့ရတဲ့အချိန်ဟာ မွေးကတည်းကပါ အမေကျွေးတဲ့ထမင်းအဖေဆင်တဲ့တန်ဆာတွေနဲ့နေခဲ့ပေမယ့် တကယ်တမ်းအကောင်းအဆိုးကိုလက်ခံရတာကိုယ်ကိုယ်တိုင်ဘဲမို့ ဒီအသက်ရွယ်ထိကြိုးစားခဲ့တာတွေလက်လျှော့လိုက်တော့မှာလား အောင်မြင်မှုတခုရဖို့ပေးဆပ်ရတာတွေမနဲပါဘူး ဒါတွေဟာကျွန်မရဲ့မသိစိတ်ကသိနှင့်နေပြီးသားအသိညဏ် ဒါကိုမှကျွန်မဘာလို့လက်လျှော့ချင်နေရတာလဲ မသိနိုင်ပါဘူး အခက်အခဲတွေများလွန်းတယ် အောင်မြင်မှုတခုရဖို့ပေးဆပ်လိုက်ရတာဘယ်လောက်လောက်လဲ ကျွန်မသိချင်တယ် စာဖတ်သူတို့ရောဘယ်လောက်ထိပေးဆပ်ခဲ့ပြီလဲ အောင်မြင်နေပြီလား အောင်မြင်တယ်ဆိုတာ ကိုယ်ဖြစ်ချင်တဲ့အတိုင်းတာတခုရောက်တာဘဲ ပင်ပန်းနေပြီလား ဒါဟာအောင်မြင်ဖို့အတွက်ပါ ကျွန်မအောင်မြင်နေပြီလားမေးရင်

ပေးဆပ်နေဆဲပါ..........

ချစ်သော စာဖတ်သူများအတွက်
ဆောင်း