‘သားယောကျာ်းလေးမရတာ မေမေ့ကြောင့်လား?’

ဟိုးအရင်က ကြားဖူးခဲ့တာ သားမွေးတဲ့ မိခင်နဲ့ သမီးမွေးတဲ့မိခင် ကြမ်းတပြေးတည်း မထိုင်ရဘူးတဲ့?

အခုဆိုရင်လည်း…. မိန်းကလေး၊ ယောကျာ်းလေး မွေးတာနဲ့ ပတ်သက်ပြီး မေမေတို့ အပြစ်မကင်းဘူးလို့ ယူဆနေတုန်းပါပဲ…. ?? ဆေးပညာအရ ပြောရမယ်ဆိုရင်တော့…သား ၊ သမီးဆိုတဲ့ ဖြစ်တည်မှုက မေမေတို့နဲ့ လုံးဝကို မဆိုင်တာပါ…?‍⚕️.

? သန္ဓေသားလေး စဖြစ်ဖို့ဆိုရင် ဖေဖေ့ရဲ့ sperm သုတ်ပိုးနဲ့ မေမေ့ရဲ့ ? egg (သားဥ) ကလေး နှစ်ခု အတူတူ ပေါင်းစပ်ဖို့ လိုပါတယ်။ ဒီလိုပေါင်းစပ်ဖို့ ဖေဖေရဲ့ sperm များစွာထဲက တစ်ခုထဲသော ရွေးချယ်ခံရတဲ့ သုတ်ပိုး sperm လေးကပဲ မေမေ့ရဲ့ မျိုးဥ (egg) လေးနဲ့ ပေါင်းဖက်ခွင့်ရတာပါ။

? တကယ်လို့…? ဂေါ်စွံသွားတဲ့ ?ဖေဖေ့ရဲ့ sperm လေးမှာ X ဆိုတဲ့ Chromosome လေးပါလာရင် ??‍♀️မေမေ့ရဲ့ X Chromosome လေးနဲ့ပေါင်းပြီး (XX) ဆိုတဲ့ သန္ဓေသားလေး ?(မီးမီးလေး) ဖြစ်လာပြီးတော့ ?ဖေဖေ့ဆီမှာ Y Chromosome လေးပါလာရင်တော့ ??‍♀️မေမေ့ရဲ့ သားဥလေးက သယ်ဆောင်ထားတဲ့ X Chromosome နဲ့ ပေါင်းစပ်ပြီး (XY) ဆိုတဲ့ သန္ဓေသားလေး? (သားသားလေး) ဖြစ်လာမှာပါ။

? သားယောကျာ်းလေးဖြစ်ဖို့ လိုအပ်တဲ့ Y Chromosome က ?‍♂️ဖေဖေ့ဆီမှာပဲ ရှိနေတာဖြစ်ပြီး ??‍♀️မေမေကနေ သား (သို့မဟုတ်) သမီး အတွက် X ဆိုတဲ့ Chromosome ကိုပဲ ပေးနိုင်တာပါ။ ဖေဖေ့ဆီကနေ X သို့မဟုတ် Y ကို ပေးနိုင်တဲ့ အခွင့်အရေးက ၅၀ ရာခိုင်နှုန်းပဲ ရှိတာဖြစ်လို့ ယောကျာ်းလေး ၊ မိန်းကလေး ဖြစ်နိုင်ချေက တစ်ဝက်စီလို့ အကြမ်းဖျဉ်း သတ်မှတ်လို့ ရပါတယ်။

? ဒါကတော့ ဆေးပညာအရ မပြောင်းလဲနိုင်တဲ့ အမှန်တရား တစ်ခုပဲ ဖြစ်ပါတယ်။ တခြားသော ရိုးရာနည်းလမ်းတွေ၊ ? ရက်လ တွက်ချက်တာတွေ ကတော့ အမျိုးမျိုးရှိနိုင်ပါတယ်။ ဒီတော့…. သားသားလေးလား? မီးမီးလေးလား? ဆိုတာ ဖေဖေ့ရဲ့ ? gene နဲ့ အဓိက သက်ဆိုင်တာဖြစ်ပြီး ဖေဖေရော မေမေပါ ရွေးချယ်ခွင့်မရှိတဲ့ အရာတစ်ခုပါ။

??‍♀️ ဒါကို ပတ်ဝန်းကျင်က ခွဲခြားပြောဆိုတာ၊ နှိမ့်ချတာတွေက မေမေ့ရဲ့ စိတ်ကျန်းမာရေးအပေါ်မှာ အများကြီး သက်ရောက်နိုင်ပါတယ်။ မေမေတွေဟာ ?ကိုယ်ဝန်ဆောင်ချိန်ကစလို့ မီးဖွားချိန်နဲ့ ကလေးကို ပြုစုစောင့်ရှောက်ရတဲ့ ကာလတွေမှာ စိတ်ဖိစီးမှု၊ ပင်ပန်းမှုတွေနဲ့ ခက်ခက်ခဲခဲ ဖြတ်သန်းရသူတွေပါ။ ဒါကို စာနာထောက်ထားသောအားဖြင့် မေမေတွေကို စိတ်သောကတွေ မပေးမိစေဖို့ အရေးကြီးပါတယ်။

? ဒီလိုပဲ မေမေတို့ ဖေဖေတို့ အနေနဲ့လည်း သားသားနဲ့ မီးမီးဆိုတာ ကြိုတင်ရွေးချယ်ပိုင်ခွင့် မရှိသလို ကိုယ့်ရဲ့ ရင်သွေးလေးက ဘာလေးဖြစ်ဖြစ် ကိုယ်ရင်ဝယ်ပိုက်ပြီး ကျွေးမွေးပြုစုရတဲ့ သွေးသားလေး ဖြစ်တာကြောင့် မလျှော့တဲ့ အချစ်တွေနဲ့ ချစ်ကြစေဖို့ ရည်ရွယ်ပြီး မျှဝေလိုက်ရပါတယ်။

#PharmacistNoble
#KnowlegeSharing
#SharingMyPassion
#BoyOrGirl&XYChromosome

Reference

https://utswmed.org/medblog/it-boy-or-girl-fathers-family-might-provide-clue/