စစ်ပွဲဟာ လူငယ်တစ်ယောက်ရဲ့ ဘဝကို ပြောင်းလဲစေသလား

“မင်းတို့ခေတ်က ကံကောင်းပါတယ်” လို့ ပြောခဲ့တဲ့ လူကြီးတွေရဲ့ စကားအတိုင်း အဖေ ဟာ “မင်းက အခုလို အေးအေးချမ်းချမ်း အခြေအနေမှာ မွေးဖွားလာရတာ ၊ မင်းကြိုက်သလောက် လေ့လာဆည်းပူးလို့ရတယ် ၊ ဘာတွေမှလဲ ကြားထဲဝင်လာစရာ အကြောင်းမရှိဘူး ၊ ဒီတော့ မင်းက ဘာလို့ ဒီထက်ပိုပြီး အားစိုက်ထုတ် မကြိုးစားတာလဲ” လို့ တွေးနေခဲ့မိမှာပဲ။ 

တကယ်တော့ အဖေဟာ စစ်ပွဲကြောင့် သူမလျှောက်နိုင်တဲ့ လမ်းကို သားဖြစ်သူကို လျှောက်စေချင်ပုံပါပဲ။ မတူညီတဲ့ မျိုးဆက်နှစ်ခု နဲ့ စစ်ပွဲရဲ့ သက်ရောက်မှုတွေဟာ စာရေးဆရာ မူရာကာမီ အပေါ် ဘယ်လောက်ထိ သက်ရောက်မှုရှိခဲ့သလဲ , သမိုင်းမှာ မေ့ပျောက်ခံ ဖြစ်ခဲ့ရတဲ့ လူသားတွေ ဘယ်လောက်တောင်မှ များပြားခဲ့သလဲ , အသက်ကြီးလာတော့ မိဘ နဲ့ သားသမီးကြား ဖြစ်တတ်တဲ့ သဘောထား ကွဲလွဲမှုတွေ အေးစက်မှုတွေ နဲ့ ဒုတိယ ကမ္ဘာစစ် အတွင်းမှာ ကြီးပြင်းခဲ့တဲ့ လူငယ်တစ်ယောက်ဖြစ်တဲ့ အဖေ့ရဲ့ အကြောင်းကို စာမျက်နှာ ၃၀ ကျော်လောက်ပဲ ရှိတဲ့ “ကြောင်ကိုစွန့်ပစ်ခြင်း” - “ Abandoning A Cat ” (Memories of my father) ဆိုတဲ့ စာအုပ်ထဲမှာ ဖော်ပြခဲ့ပါတယ်။

စစ်ပွဲ ကြောင့် အနာဂတ်ခရီးလမ်း ကို ဆက်မလျှောက်နိုင်တဲ့ အဖေ့ရဲ့ဘဝ ဟာ စစ်ပွဲအတွင်းက လူငယ်တွေရဲ့ ဘဝကို မြင်ယောင်လာစေခဲ့ပါတယ်။ ကဗျာ တွေ စာပေ တွေကနေ အေးချမ်းတယ်လို့ ထင်ရတဲ့ ကမ္ဘာကြီးရဲ့ တချိန်က ဖြစ်ပွားခဲ့တဲ့ မှေးမှိန်နေတဲ့ ပဋိပက္ခတွေ အဖြစ်အပျက်တွေ အငွေ့အသက်တွေကိုလည်း မြင်ယောင်နိုင်ပါတယ်လို့ ပြောခဲ့ပါတယ်။ 

တချို့ အခြေအနေ တွေမှာ ကျွန်မတို့ အားလုံးဟာလည်း ကိုယ်ပိုင် သမိုင်းကြောင်း ရှိကြတဲ့ မိုးစက်မိုးပေါက် လေးတွေလည်း ဖြစ်နေနိုင်ကြောင်း အဲ့ဒီ မိုးစက်မိုးပေါက်လေးတွေက ဘာ အဆက်အစပ်မှ မရှိဘဲ အစုအဝေး တစ်ခုစီကို သက်ဆင်းတဲ့ အခါ သူတို့ရဲ့ ကိုယ်ပိုင် သမိုင်းကြောင်းတွေဟာ မေ့ပျောက်ခံဖြစ်ခဲ့ရပြီး ဖျောက်ပစ်ခံခဲ့‌ကြောင်းပြောခဲ့ပါတယ် ။

ဒီတော့ သမိုင်းမှာလည်း ဒီလို မေ့ပျောက်ခံ လူသားတွေ နဲ့ အဖြစ်အပျက်‌ တွေ အများကြီး ရှိခဲ့မှာပဲလို့ ယူဆ လို့ ရပါတယ်။ သစ်ပင်ပေါ်ကနေ ပြန်မဆင်း တတ်တဲ့ ကြောင်လေး က စလို့ စွန့်ပစ်ခံ ကြောင်မကြီး အထိ အားလုံးဟာ ကိုယ်ပိုင်းသမိုင်းကြောင်း ရှိကြတာပါပဲ။ 

ဒီ ဝတ္ထုဟာဆိုရင် စာရေးဆရာ အဖေ ရဲ့ Biography အနည်းငယ်နဲ့ အဖေ နဲ့ ပက်သက်တဲ့ မှတ်ဉာဏ် တွေအကြောင်း ရေးထားတာဖြစ်လို့ ဖတ်ရတာ ပျင်းကောင်းပျင်းနိုင်ပါတယ်။ ဒါပေမယ့် စစ်ပွဲ ကြောင့် ကိုယ်ဖြစ်ချင်တာကို မလုပ်ခဲ့ရတဲ့ သူနဲ့ စစ်ပြီးကာလ ရဲ့ လူငယ် နှစ်‌ယောက်ကြား အမြင် ကို နှိုင်းယှဉ်ကြည့်မယ်ဆိုရင် စိတ်ဝင်စားဖို့ကောင်းတဲ့ စာအုပ် တစ်အုပ်လို့တော့ ပြောလို့ရပါတယ်။ နောက်ဆုံး မြန်မာဘာသာပြန် မှာဆိုရင် ဘာသာပြန်သူ ရဲ့ နိဂုံးကို ဖတ်ရတာ တကယ်ကို အနှစ်သာရကြီး တစ်ခုရလိုက်သလိုပါပဲ။ 

ဒီ စာအုပ်ဟာ အဖေ နဲ့ ပက်သက်တဲ့ မှတ်ဉာဏ်အချို့ ကိုရေးထားတာဖြစ်ပြီး အဖေ ဟာ သူရရှိခဲ့တဲ့ စိတ်ဒဏ်ရာ ကို သားဖြစ်သူကို ပေးစေချင်တာလား မပေးချင်တာလား ဆိုတာလည်း ဒွိဟ ဖြစ်ခဲ့ရပါတယ်။ ဘယ်လိုပဲဖြစ်ဖြစ် ကျွန်မတို့တစ်တွေ ဟာလည်း စစ်ပွဲ အတွင်းမှ လူငယ်တွေ ဖြစ်တဲ့ အလျောက် ဒီ စာအုပ်ကို ဖတ်ပြီးရင် ခံစားချက် တချို့ရမယ် ဆိုတာကတော့ အသေအချာပါပဲ။ ဒီတော့ ဒီဝတ္ထုတို လေးကို ဖတ်ကြည့် ကြဖို့ တိုက်တွန်းချင်ပါတယ်။ 

#Review
#Haruki_murakami
#Books
#Sharing_by_yin

Our Telegram Channel 
https://t.me/sharing_by_yin

Our Facebook Page 
https://www.facebook.com/profile.php?id=61573904790600&mibextid=ZbWKwL