မှော်ရုံတောမှာမောလှပြီ

ဒီစာအုပ်က ပြင်သစ်နိုင်ငံသား နာမည်ကျော်ပန်းချီ ဆရာကြီး ပေါလ်ဂေါ်ဂင်ရဲ့ ဘဝဇာတ်ကြောင်းကို အခြေခံပြီး ရေးထားတဲ့စာအုပ်ပါ။ဗင်းဆင့်ဗန်ဂိုး အကြောင်းဖတ်ပြီးတော့ ဂေါ်ဂင်အကြောင်းကို အရမ်းသိချင်လာတော့ ဒီစာအုပ်လေးကို ရှာဖွေဖတ်ခဲ့တယ်။ကမ္ဘာကျော် ပန်းချီဆရာကြီး ပေါလ်ဂေါ်ဂင် ရဲ့ အတ္ထုပ္ပတ္တိ ဝတ္ထုတစ်ပုဒ်ဖြစ်တဲ့ Gorhan ရဲ့ The Gold of Their Bodies စာအုပ်ကို ဆရာကြီး မြသန်းတင့်က ဘာသာပြန် လက်စွမ်းထက်ထက်နဲ့ ပြန်ဆိုထားတဲ့စာအုပ်‌ ကောင်းတစ်အုပ်။ ဂေါ်ဂင်ရဲ့ကောင်းတာတွေရော ဆိုးတာတွေပါ စာအုပ်ထဲမှာ ဖွင့်ချထားတယ်လို့ မြင်မိတယ်။

ဒီစာအုပ်က အနုပညာသည်ဘဝကိုသာမက သူ့ပန်းချီအယူအဆ၊ ပြင်သစ်ကိုလိုနီဝါဒ နှင့် ဓာတ်မတည့်သော ဆန့်ကျင်ရေးလုပ်ငန်း တွေလည်း ဖော်ပြထားတယ်။ရှေးရိုးစွဲပုံစံဖြစ်တဲ့ ပန်းချီရဲ့ ပုံသေနည်းအဟောင်း၊ အရောင်အသုံးပြုနည်းအဟောင်း၊ စုတ်ချက်ဆွဲ‌တဲ့နည်းအဟောင်း စတဲ့ ပန်းချီဥပဒေသတွေကနေ ခွဲထွက်ပြီး တကယ့်လွတ်လပ်တဲ့ ပန်းချီကိုရေးဆွဲခဲ့တဲ့ ပြင်သစ်ပန်းချီဆရာတစ်ယောက်။

ဝတ္ထုက ဖတ်ရတာသွက်ပြီးအရေးအသားကောင်းသောကြောင့် ဖတ်ရတာ အတော်အဆင်ပြေတယ်။အရေးအသား ပြေပြစ်မှု၊ စကားလုံး အသုံးအနှုန်း ရိုးရှင်းမှုကြောင့် ဝတ္ထုပါ ဇာတ်လမ်း ဇာတ်ကွက်အားလုံးဟာ သည်းခြေခိုက်၊ ကြိုက်စရာတွေချည်းဖြစ်‌စေတယ်။ဆရာကြီးမြသန်းတင့်ရဲ့ ဘာသာပြန်စွမ်းအားက ပန်းချီအနုပညာအပေါ် အရူးအမူးစွဲလမ်းခဲ့တဲ့ ပေါလ်ဂေါ်ဂင်ရဲ့ ကြမ်းတမ်းခက်ထန်တဲ့ဘ၀ကို မျက်စေ့ရှေ့ အထင်သားမြင်ရစေတယ်။ပန်းချီအကြောင်းနားမလည်ခဲ့ရင်တောင် ရသစာအုပ်လေးအဖြစ် ဖတ်လို့ကောင်းတဲ့စာအုပ်လေးတစ်အုပ်ပါ။

၂၀ ရာစုအစတွင် အနောက်ဥရောပတစ်ခွင်ရှေးရိုးအစဉ်အလာကို ဆန့်ကျင်တဲ့ တော်လှန်ရေးပန်းချီဆရာတွေပေါ်ပေါက်ခဲ့တယ်။လက်နက်ကိုင်တဲ့‌ တော်လှန်ရေးသမားမျိုးမဟုတ်ဘဲ ရှေးရိုးစွဲပန်းချီကို ခေတ်ဆန်းပန်းချီနဲ့ ရှေ့ဆုံးမှ ရဲဝင့်စွာ တွန်းလှန်ခဲ့ကြတဲ့ပုဂ္ဂိုလ်တွေဖြစ်တယ်။ရှေးရိုး ပန်းချီလောင်းရိပ် အောက်ကနေ လွှတ်‌မြောက်အောင်ကြိုးစားခဲ့တဲ့ အရာကို စိတ္တဇပန်းချီ၊ဆန်းသစ်ပန်းချီ လို့ခေါ်ပြီး အမြင်အတိုင်းမရေးဘဲ ခံစားချက်အတိုင်းရေးကြတဲ့အနုပည