အနန္တမေတ္တာ

ဒီစာအုပ်က စကော့တလန်စာရေးဆရာ A. J. Cronin ရဲ့ စိတ်ဝင်စားဖွယ်ရာ ဝတ္ထုတစ်ပုဒ်ဖြစ်တယ်။ ဘဝ၏ အဓိကအချက်အလက်များဖြစ်တဲ့ မေတ္တာ၊ ရမ္မက် နှင့် အိမ်ထောင်ရေးတို့ကို နက်နက်နဲနဲ ဆန်းစစ်ပြထားတဲ့ စာအုပ်ဆိုလည်းမမှားဘူးပြောရမယ်။ ဆရာမောင်ထွန်းသူက စာဖတ်ပရိသတ်တစ်ဦးရဲ့ တွန်းအားကြောင့် Three Loves စာအုပ်ကို မြန်မာဘာသာပြန်အဖြစ် အရောင်သွင်းပေးခဲ့တယ်။

စာမျက်နှာ ၄၅၁ နဲ့ အဓိဇာတ်ကောင် လူစီ ၏ ဘဝဇာတ်ကြောင်းကို လိုက်ပါဖော်ပြထားပြီး သူမ၏ ဘဝတွင် အရေးပါတဲ့ ချစ်ခြင်းမေတ္တာ သုံးမျိုးနှင့် ရင်ဆိုင်ရပုံကို ရှင်းလင်းစွာ ရေးဖွဲ့ထားတယ်။မိသားစုမေတ္တာ (မိဘ၊ မောင်နှမများနှင့် ဆက်ဆံရေး) ၊အချစ်ရေး မေတ္တာ( လူငယ်ဘဝက ချစ်သူနှင့် ဖြတ်သန်းရတဲ့ စိန်ခေါ်မှုများ)၊အိမ်ထောင်ရေး မေတ္တာ ( လင်ယောက်ျားနှင့် သမီးတို့အပေါ် သစ္စာရှိမှု) ဒီအရာသုံးမျိုးက လူသားတစ်ယောက်ဖြစ်လာပြီးဆို တွေ့ကြုံရနိုင်တဲ့ အမြင့်ဆုံး လူ့ခံစားချက်များသာဖြစ်တယ်။

လူစီ က သူမ၏ ယောင်္ကျားဖြစ်သူ ဖရန့်ကို အလွန်ချစ်တယ်၊ ပိုမိုကောင်းမွန်အောင် ပြုပြင်ပေးချင်တဲ့စိတ်ကြောင့် သူမ၏အချစ်က အတ္တဆန်လာတယ်။ ယောင်္ကျား မလိုလားတဲ့ နှမဝမ်းကွဲတော်စပ်တဲ့ အန်နာ ကို အိမ်ကိုဖိတ်ခေါ်ခဲ့တယ်။ ဧည့်ဝတ်ကျေပွန်မှုကို ပြသရန် ကြိုးစားတယ်။ ဒါပေမယ့် အန်နာ က လူငယ်ပီပီလွတ်လပ်တဲ့ အပြုအမူများရှိတယ်။ဒါက လူစီကို စိတ်အနှောင့်အယှက်ဖြစ်စေခဲ့တယ်။ အိမ်ထောင်သက် ကိုးနှစ်အတွင်းမှာတော့ ယောင်္ကျား၏ သစ္စာဖောက်မှုကို သံသယဝင်လာကာ နောက်ဆုံးတွင် သူမက ယောင်္ကျားဖြစ်သူ ဖရန့်နှင့် ကင်းကွာသွားရတယ်။နောက်ဆုံးတွင် ဖရန့်အဖြစ်ဆိုးနဲ့ ကြုံရတယ်။

လူစီက ကျန်ရှိတဲ့ သူမ၏သား ပီတာကို အာရုံစိုက်လာတယ်။ သူ့သား ဆရာဝန်ဖြစ်ရန် အလွန်အားထုတ်ခဲ့တယ်။ သူမက အကူအညီမယူဘဲ၊ အိမ်ထောင်ပင် မပြုပဲနေခဲ့တယ်။ မိခင်အချစ်ကြားမှာ ပီတာ အိမ်ထောင်ကျသွားပြန်တယ်။ လူစီ ၏ဘဝက နောက်တစ်ကြိမ် ပျက်စီးသွားရပြန်တယ်။နောက်ဆုံးတွင် လူစီက ဘုရားသခင်ထံ လှည့်သွားပြန်တယ်။ဒါ‌ပေမယ့်သူမ၏ အပြစ်ဒဏ်ကို ရှောင်လွှဲနိုင်ခြင်းတော့မရှိခဲ့ဘူးဆိုရမယ်။လူ့သဘာဝ၏ အားနည်းချက်ဖြစ်တဲ့ ကိုယ်ကျိုးစွန့်မှုနှင့် အတ္တဆန်မှုတို့ကြား လူသား၏ ပဋိပက္ခကို ရိုက်ခတ်ပြထားတယ်။ထိန်းချုပ်လိုစိတ်နှင့် အတ္တဆန်မှုများကြောင့် ဘဝများကို ဖျက်ဆီးမိတယ်။အလွန်အကျွံဖြစ်တဲ့ ချစ်ခြင်းမေတ္တာက ဘဝကို ဖျက်ဆီးနိုင်ကြောင်း သတိပေးထားတယ်။
ချစ်ရတဲ့သူများကို လိုက်ပြုပြင်ရန် ကြိုးစားချင်တဲ့စိတ်က