ကျော်ဇောအောင်
ဘာမဟုတ်တဲ့ ကိစ္စနဲ့ ဒို့နှစ်ဦး လမ်းခွဲခဲ့ကြ။
မာနတွေ အပြိုင်အဆိုင် ပြ၊ နောက်ဆုံးတော့ ဘယ်သူမှ အနိုင်မရ၊ ရှင်ကွဲ ကွဲခြင်းသာ အဖတ်တင်ခဲ့ရ။
လောကကြီးမှာ ကိုယ့် အလိုတော်ကျ မဖြစ်တဲ့အခါ၊ ဘယ်သူ့ကိုမှ ရှာကြံပြီး အပြစ်တင်လို့လည်း မရ။
' ကမ္မဿကာ ' ကံသာလျှင် အမိ၊ ကံသာလျှင် အဖ။
ကိုယ်ပြုတဲ့ ကောင်းကံ၊ ကိုယ်သာ စံ ရ။ ပြုတဲ့ မကောင်းကံ၊ ကိုယ်သာ ခံ ရ။ ဒါဟာ " လောက " (သဘာဝ) နိယာမ။
ချစ်ခင်နှစ်သက်တဲ့ သူနဲ့ ကွေကွင်းရတာလည်း " ဒုက္ခ "။ မနှစ်မြို့ မုန်းတီးတဲ့ သူနဲ့ တွေ့ဆုံရတာဟာလည်း " ဒုက္ခ "။
ဪ ... လူ့ဘဝ လူ့ဘဝ၊ ' သင်္ခါရ ' တရား မှန်သမျှ ဘယ်အရာမှ မမြဲကြ။
အခုတော့လည်း ဒီဘဝ ဒီမျှ ဒို့နှစ်ဦး၊ နီးရက်နဲ့ ဝေးသွားကြ။
Photo edit with Chatgpt application.
Keep Reading