the IX
♥ Oh my Husband ♥
Pt/1
1.
ခေါင်းအုံးအောက်တွင်ရောက်နေသောဖုန်းက မကိုင်မချင်းဆက်တိုက်မြည်နေမည့်ပုံပေါက်နေသောကြောင့် လင်း အိပ်ချင်မူးတူးနှင့်ပင်ဖုန်းကိုကိုင်လိုက်ကာ
" ဟုတ်ကဲ့ ..... အမိန့်ရှိပါခင်ဗျာ "
ဟု ပြောလိုက်သည် ။ မိမိစကားအဆုံးတွင်
" အမိန့်ရှိပါလုပ်မနေနဲ့ အလင်းရေ ..... Facebook ပေါ်တက်ကြည့်အုံး "
ဟူသော မိမိ၏အတွင်းရေးမှုးဂျူးလီ၏အသံက ထွက်ပေါ်လာသည် ။ ဤကဲ့သို့သောမနက်ခင်းမျိုးကိုကြုံတွေ့ဖူးသည်မှာ ယခုကပထမဦးဆုံးအကြိမ်မဟုတ်သောကြောင့်
" အွန်း ..... ရာစုသစ်ရဲ့နောက်ထပ်သတင်းတစ်ခုပဲမဟုတ်လား ..... ထုံးစံအတိုင်းသာကြည့်ရှင်းလိုက်တော့ လီလီရေ "
ဟု မိမိဆုံးဖြတ်ချက်ကိုပြောလိုက်ပြီး ဖုန်းကိုခပ်လှမ်းလှမ်းသို့ပစ်လိုက်ကာ ပြန်အိပ်လိုက်သည် ။
မည်မျှကြာအောင် အိပ်ပျော်သွားမိသည်မသိ ။ ဗိုက်ထဲကတဂွီဂွီမြည်ကာ အစာအိမ်ကဆန္ဒပြလာသောအခါမှ နိုးလာသည် ။ ထို့ကြောင့် အိပ်ချင်မူးတူးနှင့် လက်တွင်ပတ်ထားသောနာရီကိုကြည့်လိုက်သည် ။ နာရီလက်တံအတိုက ရောမအက္ခရာတစ်ကိုညွှန်ပြနေပြီး အရှည်ကသုံးကိုညွှန်ပြနေသောကြောင့် အိပ်ရာမှလူးလဲထကာ ရေချိုးခန်းထဲသို့ ဝင်လာခဲ့လိုက်သည် ။
2.
" ရာစု ..... အပြင်မှာသတင်းထောက်တွေအများကြီးရောက်နေတယ် ..... ကြည့်ရတာ ..... မနေ့က Facebook ပေါ် ရောက်သွားတဲ့ ရာစုနဲ့ဟိုမင်းသမီးသတင်းကြောင့်ထင်တယ် "
ဟူသော စကားကို မန်နေဂျာဖြစ်သူဧက,ကပြောလာသောကြောင့် ရာစု ဧကကိုကြည့်လိုက်ပြီး
" သက္ကရာဇ်လင်းက အခုထိဘာမှမလုပ်ဘူးလား "
ဟု မေးလိုက်သည် ။ ဧက,က
" ကိုလင်းကဖျက်ခိုင်းလို့ သတင်းတွေကတော့ပျက်သွားပေမဲ့ ..... ဟို ..... ပုံကပျံ့တာအရမ်းမြန်သွားတော့ ..... "
ဟု စကားစလာသောကြောင့် လက်ကာပြလိုက်ပြီး
" ရပြီ ..... အဓိက,က သက္ကရာဇ်လင်းစိတ်အနှောက်အယှက်ဖြစ်သွားဖို့ပဲ ..... သူစိတ်အနှောက်အယှက်ဖြစ်သွားရင်ရပြီ "
ဟူ၍ ပြောလိုက်သည် ။ ထို့နောက် မတ်တပ်ထရပ်လိုက်ပြီး
" သွားမယ် "
ဟု ပြောလိုက်သည် ။ မိမိစကားကို ဧက,က နားမလည်ဟန်ဖြင့်
" ဗျာ "
ဟူ၍ ရေရွတ်သောကြောင့် ခါးထောက်လိုက်ပြီး
" Shooting ရှိတယ်မဟုတ်ဘူးလား ..... သွားမယ်လို့ "
ဟု ပြောလိုက်သည် ။ ထိုအခါမှ ဧက,က
" ဟုတ် ..... ဟုတ်ကဲ့ "
ဟု ပြောကာ ရိုက်ကွင်းအတွက်လိုအပ်သည့်ပစ္စည်းများထည့်ထားသောအိတ်ကို ပြေးယူသည် ။
3.
လင်း မနက်စာစားရန်အောက်ထပ်သို့ဆင်းလာသောအခါ အလုပ်သမားခေါင်းဆောင်ဖြစ်သည့်ဦးညီက
" အစ်ကိုလေး ..... မနက်စာသုံးဆောင်တော့မလား "
ဟု မေးသည် ။ ထို့ကြောင့် ခေါင်းညိတ်ပြလိုက်ပြီး
" ဧည့်ခန်းထဲပဲလာပို့လိုက် ဦးညီ "
ဟု ပြောကာ ဧည့်ခန်းထဲသို့လျှောက်လာခဲ့လိုက်ကာ တီဗီကိုဖွင့်လိုက်သည် ။ ဤသို့ တီဗီကိုဖွင့်လိုက်သည်နှင့် ရာစု၏ရေမွှေးကြော်ငြာကို ရှေးဦးစွာမြင်ရသောကြောင့် ခေတ္တသတိလွတ်သွားပြီး ရာစု၏မျက်နှာချောချောကို ငေးမိသွားသည် ။
သို့သော် ..... ထိုအချိန်သည် ခေတ္တသာဖြစ်ပြီး ချက်ချင်းအခြားလိုင်းသို့ပြောင်းလိုက်ကာ အနားသို့ရောက်လာသောဦးညီကို
" ဦးညီ ..... ရာစုသစ်ဘယ်အချိန်ကအပြင်ထွက်သွားတာလဲ "
ဟု မေးလိုက်သည် ။ ဦးညီက
" အစ်ကိုလေးရာစုက မနေ့ညကတည်းကအိမ်ပြန်မလာတာပါ "
ဟု ပြန်ဖြေသောကြောင့် မျက်မှောင်ကြုတ်လိုက်မိသည် ။ ပြီးမှ ဦးညီကို
" ကျေးဇူးပဲ ဦးညီ "
ဟု ပြောကာ စားပွဲခုံပေါ်တွင်တင်ထားသောကြိုးဖုန်းနှင့် ရာစု၏မန်နေဂျာဖြစ်သူဧကထံသို့ခေါ်လိုက်သည် ။
4.
ရာစုကိုသိသည့်လူတိုင်းက ရုပ်ရှင်သရုပ်ဆောင်အဖြစ်မွေးဖွားလာသူဖြစ်သည်ဟု မှတ်ချက်ပေးကြသလို ကိုယ်တိုင်ကလည်း သရုပ်ဆောင်ရမည်ဆိုလျှင် ထမင်းမေ့ဟင်းမေ့ပင်ဖြစ်သောကြောင့် သက္ကကိုစိတ်ဒုက္ခပေးထားသည်ကိုပင်မေ့သွားပြီး ယနေ့ရိုက်ရမည့်ကြော်ငြာရိုက်ကွင်းကို အဆင်ပြေပြေချောချောမွေ့မွေ့နှင့်ရိုက်ကူးပြီးစီးခဲ့သည် ။ ထို့ကြောင့်
" တော်တယ် ရာစု "
" ရာစုကတော့ ရာစုပါပဲ "
ဟု ဝိုင်း၍ချီးကျုးကြသောရိုက်ကူးရေးအဖွဲ့သားများကို ကြည်လင်စွာပြုံးပြလိုက်ပြီး
" အားလုံးဝိုင်းကူညီပေးကြလို့အခုလိုအဆင်ပြေပြေနဲ့ပြီးသွားတာပါ "
ဟူ၍ စကားကိုပြန်တုံ့ပြန်လိုက်ပြီး ဧကကိုလှမ်းကြည့်လိုက်သည် ။ ဧက,က ခပ်လှမ်းလှမ်းတွင်ရပ်ကာ ဖုန်းပြောနေသောကြောင့် ပြုံးလိုက်ပြီး ဧကအနားသို့လျှောက်သွားလိုက်သည် ။ ဧက,က မိမိကိုမြင်သည်နှင့်
" ဒါဆို ..... ကျွန်တော်ဖုန်းချလိုက်တော့မယ်ခင်ဗျ "
ဟု ပြောကာ ဖုန်းကိုလျင်မြန်စွာချလိုက်သဖြင့်
" ဘယ်သူလဲ ..... သက္ကရာဇ်လင်းလား "
ဟူ၍ မေးလိုက်သည် ။ မိမိမေးခွန်းကို ဧက,က
" မဟုတ်ဘူး..... 11Days Media က ဆက်တာ ရာစု "
ဟု ပြန်ဖြေသောကြောင့် မျက်မှောင်ကြုတ်လိုက်ပြီး
" သက္ကရာဇ်လင်းကရော ..... ဖုန်းဆက်မလာဘူးလား "
ဟူ၍ မေးလိုက်သည် ။ ဧက,က
" မဆက်လာဘူးဗျ "
ဟု ပြန်ဖြေသောကြောင့် ပို၍စိတ်အလိုမကျဖြစ်သွားပြီး
" စိတ်ကဘယ်သူ့ဆီကိုရောက်နေပြန်လို့ ဖုန်းတောင်မဆက်နိုင်တော့တာလဲ "
ဟူ၍ မကျေမနပ်ရေရွတ်လိုက်မိသည် ။
5.
ရာစု ပုံမှန်အချိန်ဆိုလျှင် သက္ကနှင့်မတည့်ပဲအမြဲရန်ဖြစ်နေလေ့ရှိသော်လည်း မည်မျှပင်ရန်ဖြစ်သည်ဖြစ်စေ သက္ကက မိမိရှာသမျှပြသနာများကို ငွေထုတ်ပိုက်ကာအနောက်မှလိုက်ရှင်းပေးကာ ထိုပြသနာများနှင့်ပတ်သတ်ပြီး မိမိအားပြန်၍ပြသနာလုပ်လေ့ရှိသော်လည်း ယနေ့တွင်မူ ငြိမ်ချက်သားကောင်းနေသည် ။ ထို့ကြောင့် မနေတတ်မထိုင်တတ်ဖြစ်ကာ သက္က၏အတွင်းရေးမှုးများစွာထဲက တစ်ယောက်ဖြစ်ပြီး မိမိနှင့်အဆင်အပြေဆုံးဖြစ်သည့် ခန့်ညားထံသို့ ဖုန်းဆက်ကြည့်လိုက်သည် ။ ခန့်ညားက သက္ကယနေ့ကုမ္ပဏီသို့မလာကြောင်းပြောသဖြင့် စိတ်အနည်းငယ်ပူမိသွားကာ ရိုက်ကွင်းမှအိမ်သို့တန်းပြန်လာခဲ့လိုက်သည် ။
အိမ်သို့ရောက်သောအခါ မိမိထင်ထားသလို သက္ကကပြသနာတစ်ခုခုဖြစ်မနေပဲ ဧည့်ခန်းထဲတွင်ရှိသောစန္ဒယားခုံတွင်ထိုင်ကာ စန္ဒယားထိုင်တီးနေသဖြင့် ရင်ထဲမှအလုံးကြီးကျသွားသည် ။
သို့သော် ..... မိမိစိတ်ပူသည်ကို သက္ကသိပါက ကိုယ့်ကိုယ်ကိုယ်အထင်ကြီးနေအုံးမည်ဖြစ်သောကြောင့် အိမ်အဝင်ဝအားကျောခိုင်းထားသောသက္က၏ကျောပြင်ကို ငေးကြည့်နေမိသည် ။ ဤသို့ငေးကြည့်ရင်း စိတ်အစဥ်တို့က လွန်ခဲ့သောသုံးနှစ်ဆီသို့ ပြန်ရောက်သွားသည် ။
6.
လွန်ခဲ့သောသုံးနှစ်မတိုင်ခင်က သက္ကနှင့်ရာစုသည် အလွန်ခင်မင်ရင်းနှီးကြသည့် အချစ်ဆုံးသူငယ်ချင်းများဖြစ်ခဲ့ကြသည် ။ နှစ်ယောက်စလုံးက ချမ်းသာကြွယ်ဝသောအသိုင်းအဝိုင်းမှမွေးဖွားလာကြသူများဖြစ်သည့်အပြင် မိမိ၏မိဘများကလည်း သက္ကနှင့်ရင်းနှီးကြသောကြောင့် မိမိတို့ဝါသနာပါသည့်အနုပညာအလုပ်များကို နှစ်ယောက်အတူ လုပ်ခဲ့ကြသည် ။
သို့သော် ..... အချိန်ကြာလာသည်နှင့်အမျှ သက္ကအပေါ်တွင်ရှိသော မိမိ၏အဖြူရောင်သူငယ်ချင်းသံယောဇဥ်က တဖြည်းဖြည်းနှင့်အရောင်စွန်းလာသည် ။ ဤကိစ္စကို သက္ကသိသွားပါက မိမိကိုရွံရှာကာမုန်းတီးသွားမည်ကိုစိုးရိမ်သောကြောင့် မိမိ၏စိတ်ကို သက္ကမသိအောင်ဖုံးကွယ်ရန် မိန်းကလေးရည်းစားများစွာထားခဲ့သည် ။ ထိုကိစ္စနှင့်ပတ်သတ်၍ သက္ကက မိမိနာမည်ပျက်မည်ကိုစိုးရိမ်ကာတားခဲ့သော်လည်း သက္က၏စကားကိုနားမထောင်ခဲ့ ။ ထိုအစား သက္ကကိုလိမ်ညာ၍ ကားပေါ်သို့တင်ကာခိုးပြေးခဲ့သည် ။ သက္ကအပေါ်တွင်စိတ်ရှိနေကြောင်းသိသော မိမိ၏မိဘများက သက္ကကိုမိမိခိုးပြေးသည့်ကိစ္စနှင့်ပတ်သတ်ပြီး မကန့်ကွက် ။
" မင်းဇာတ်လမ်းကိုမင်းနိုင်အောင်ကနိုင်ရင်ရပြီ "
ဟူ၍သာပြောပြီး မိမိကိုလွှတ်ထားပေးသဖြင့် တစ်ကောင်ကြွက်တစ်မျက်နှာသူဌေးပေါက်စလေး သက္ကကို မိမိနှင့်လက်ထပ်ရန်အတင်းအကြပ်တောင်းဆိုကာ လက်ထပ်ယူခဲ့ခြင်းဖြစ်သည် ။ ဤသို့လက်ထပ်လိုက်သည့်အတွက် သက္ကနှင့်မိမိကြားထဲမှသူငယ်ချင်းသံယောဇဥ်သည်လည်းပျက်စီးသွားပြီး သက္ကနှင့်မိမိကြားထဲတွင် သာယာသောအိမ်ထောင်ရေးဖြစ်တည်မလာပဲ အမုန်းတို့ကသာက
Unlock to read this premium article with 10 points.