ကိုယ့်မြေကွက် ရောင်းရင် ဈေးပိုရအောင် ဘာတွေသိထားရမလဲ?

ပုံမှန်ထက် အိမ်ခြံမြေမှာ ဈေးပိုရချင်ရင် ဘာတွေလုပ်ရမလဲ?

အိမ်ခြံမြေကို ဘာကြောင့်ရင်းနှီးမြှုပ်နှံသလဲ မေးရင် ချမ်းသာချင်လို့ပါ။ ချမ်းသာဖို့ လောက်ထိ အိမ်ခြံမြေကို ဘာကြောင့် ရင်းနှီးမြှုပ်နှံရသလဲဆိုရင်

(၁) Tax Benefits (အခွန်သက်သာမှု)
(၂) Appreciation (ဈေးတက်မှု)
(၃) Cash Flow (ဝင်ငွေရလမ်းကြောင်း ရှိမှု)
(၄) Leverage (အထောက်အပံ့ဖြစ်မှု)
တို့ ကြောင့်ဖြစ်ပါတယ်။

အခုပြောပြသွားမှာက ကိုယ်ဝယ်လိုက်တဲ့ အိမ် ပုံမှန်ထက် ဈေးရချင်ရင်ဘယ်လို လုပ်ရမလဲဆိုတဲ့ အပိုင်းဖြစ်ပါတယ်။ ဒါကြောင့်မို့ အထက်ပါ အချက် (၄) ချက်နဲ့ ပြန်ယှဉ်မယ် ဆိုရင်တော့ နံပါတ် (၂) အချက်ဖြစ်ပါတယ်။

Appreciation (ဈေးတက်မှု) လို့ပြောရင်

၁) Natural Appreciation (သဘာဝ အလျောက် ဈေးတက်မှု)
၂) Forced Appreciation (အတင်း ဈေးတက်မှု)

သာမန်ပေါက်ဈေးအတိုင်း ရအောင် ရောင်းနေတဲ့ သူတော်တော်များများက ဘယ်အချက်တွေကြောင့် ပေါက် ဈေးသာသာပဲ ရနေသလဲဆိုရင် နံပါတ် (၁) Natural Appreciation (သဘာဝ အလျောက် ဈေးတက်မှု) အပေါ်ကို မှီခိုပြီးတော့ ဈေးတက်နေလို့ ဈေးရခြင်း ဖြစ်ပါတယ်။ 

အိမ်ခြံမြေက ပြစ်ထားလေ နှစ်ကာလ ကြာလေ ဈေးတက်မြဲဖြစ်ပါတယ်။

ခေါင်းစဉ်အတိုင်း ဈေးရဖို့ဆိုရင် နံပါတ် (၂) Forced Appreciation (အတင်း ဈေးတက်မှု) အကြောင်းကို နားလည်ဖို့ လိုအပ်ပါတယ်။

Forced Appreciation (အတင်း ဈေးတက်မှု) ဆိုတာကတော့ “ရောင်းတဲ့ နေရာ တန်ဖိုး မြင့်တက်ဖို့ အတွက် အဆောက်အဦးကို အဆင့် မြှင့်တင်ခြင်း နိယာမ” လို့ခေါ်ပါတယ်။

နားလည်အောင် ပြောင်ရရင် တော့ Fix and Flip (ပြင်ပြီးပြန်ရောင်း) သမားတွေကို ဆိုလိုပါတယ်။ 
Fix and Flip (ပြင်ပြီးပြန်ရောင်း) သမား တစ်ယောက်နဲ့ ပက်သက်ပြီး အဓိက ဘာလိုအပ်မလဲဆိုရင် Networking က အရမ်းအရေးကြီးပါတယ်။ အရမ်းတော်ပြီး မှန်ကန်တဲ့ အဆောက်အဦး ဆောက်လုပ်ပေးတဲ့ Developers သမားများ၊ အိမ်ခြံမြေအကျိုးဆောင်များ လိုအပ်ပါတယ်။

ဈေးကွက်ကိုလည်း သုတေသန လုပ်တတ်ပြီးတော့ Comps (Comparable properties in the area.) သင့်တင့်တဲ့ ဈေး နဲ့ နေရာ သိရှိသူ ဖြစ်ဖို့ လိုအပ်ပါတယ်။ အလွယ်ပြောရရင် အရောင်းတင်တာတွေကို လိုက်ကြည့်တယ်။ တစ်ခုချင်းစီရဲ့ နေရာ နဲ့ ဈေးကို ချိန်ဆတယ်။ အသားချက် အားနည်းချက် ဆိုတာ ဘာလဲသိကြတယ်။