ပြောင်းလဲခြင်း

ကျွန်​တော် ​ပြောင်းလဲ​နေတယ်။ ဒီရက်ပိုင်း သိသိသာသာကို ​ပြောင်းလဲ​နေတယ်။

ဘာ​တွေ ​ပြောင်းလဲ​နေတာလဲ။ ဘယ်လို ​ပြောင်းလဲလာတာလဲ။

ပထမဆုံး ​ပြောင်းလဲမှု။

ဒီ​နေ့ပါ အပါအဝင် တွက်မယ်ဆို ကျွန်​တော် မနက် ၅ နာရီ အိပ်ရာထတာ ၁၂ ရက် တိုင်တိုင် ရှိခဲ့ပြီ။ ဒါဟာ ကျွန်​တော့်ဘဝမှာ တစ်ခါမှ မရှိဖူးတဲ့ ​ပြောင်းလဲမှုကြီး တစ်ခုပဲ။ ဘာလို့ဆို ကျွန်​တော့် ဘဝ တစ်​လျှောက်လုံး ဒီ​လောက်ကြာကြာ ​နေ့စဥ်ရက်ဆက် မိုးမလင်းခင် ထတယ်ဆိုတာ မရှိဖူးလို့ပဲ။

အရင်က မထဖူးလို့လားဆို​တော့ မဟုတ်။ ထဖူးတယ်။ သို့​ပေမဲ့ တစ်ရက်၊ နှစ်ရက်။ ကိုရင် ဝတ်တုန်းက​တော့ ဆွမ်းစားဖို့ ထရတာ​တွေလဲ ရှိဖူးတာ​ပေါ့။ ဒါမဲ့ ဒီ တစ်​ခေါက် စံချိန်​လောက် တစ်ကြိမ် တစ်ခါမှ မကြာဖူးခဲ့။

ဒုတိယ ​ပြောင်းလဲမှု။

အဲ့သည် မနက်ထတဲ့ ၁၂ ရက်လုံးလုံး ထပြီးပြီးချင်း ကျွန်​တော် ​လေ့ကျင့်ခန်း လုပ်ဖြစ်​နေတယ်။ " တစ်ရက်​တော့ ​လေ့ကျင့်ခန်း ပုံမှန် စလုပ်မယ် " လို့ ​တေးထားတဲ့ လုပ်ချင်စိတ်က မနက် ထလိုက်မှပဲ လုပ်ဖြစ်​တော့တယ်။

တတိယ ​ပြောင်းလဲမှု။

၁၂ ရက်ဆက်တိုက် တစ်​နေ့ကို စာအုပ် အနှစ်ချုပ် တစ်အုပ် ဖတ်ဖြစ်​နေတယ်။ စာဖတ်တာက​တော့ ကျွန်​တော့်အတွက် ဘာမှ သိပ်ဆန်းလှတဲ့ ကိစ္စ မဟုတ်။ သို့​ပေမဲ့ ကျွန်​တော် ဒီရက်ပိုင်း ဖတ်ခဲ့ရတဲ့ စာ​တွေထဲက တချို့​ကြောင့် ..

ကျွန်​တော်​ ဆေးလိပ်ဖြတ်နိုင်ခဲ့တယ်။
မနက် ​စော​စောထဖြစ်တယ်။
​လေ့ကျင့်ခန်း ပုံမှန် လုပ်ဖြစ်လာတယ်။
​နေ့စဥ် တရားထိုင် (သို့) ဒိုင်ယာရီ အတို​လေး​တွေ ရေးဖြစ်လာတယ်။
ပိုက်ဆံ​လျှော့သုံးဖြစ်တယ်၊ ​နောက်လ လစာရတာနဲ့ ​ငွေ​သေချာစုပြီး financial planning ​သေချာလုပ်မယ်ဆိုတဲ့ အ​တွေး ပထမဆုံး ဝင်ခဲ့တယ်။
FB ကို ဖုန်းထဲက အပြီးတိုင် ထုတ်နိုင်ခဲ့တယ်။
ဒါ​တွေ လုပ်နိုင်တာ​ကြောင့်ပဲ ကိုယ့်ကိုယ်ကိုယ် ယုံကြည်စိတ်​တွေ၊ လုပ်နိုင်တယ်ဆိုတဲ့ စိတ်​တွေ ဖြစ်​ပေါ်လာတယ်။

ဒီ​ပြောင်းလဲမှု​တွေရဲ့ အစ ဘယ်ကလဲ။ အမှန်​တော့ ကျွန်​တော့်ရဲ့ ပျင်းစရာ​ကောင်းတဲ့၊ အဓိပ္ပါယ် မရှိတဲ့၊ productive မဖြစ်တဲ့ ကျွန်​တော့်ဘဝကြီးကို ​ပြောင်းလဲချင်တာ​ တော်​တော်ကြာ​နေခဲ့ပြီ။ လွန်ခဲ့တဲ့ ၆ လ ​လောက်ကတည်းကကို ကျွန်​တော် ​ပြောင်းလဲချင်​နေခဲ့တာ။ အဲဒီတုန်းက " ငါ ​ပြောင်းလဲဖို့ကို လုပ်​တော့မယ် " ။ ဒါမဲ့ ပြောင်းလဲမှုကို စဖို့ ဒီ​အလုပ်မှာလုပ်​နေသ​ရွေ့ ငါစနိုင်ဦးမှာ မဟုတ်​သေးဘူးလို့ ကျွန်​တော်​တွေး​နေခဲ့တယ်။

ဒီ​တော့ ​ပြောင်းလဲ​တော့မယ်လို့ စိတ်ကူးတစ်ခါ​ပေါက်လာရင် အလုပ်ထွက်မယ်လို့ တစ်ခါ​ပြောတယ်။ ဒီလိုနဲ့ စုစု​ပေါင်း ၃ ကြိမ်​လောက် အလုပ်ထွက်မယ်လို့ ​ပြောဖြစ်ခဲ့တယ်။ ထွက်မယ် တစ်ခါ ​ပြောလိုက် အလုပ်က လစာ တစ်ကြိမ် တိုး​ပေးလိုက်နဲ့ပဲ ကျွန်​တော် ဒီအလုပ်မှာ တစ်နှစ်​ကျော်ခဲ့ပြီ။

​နောက်ဆုံးတစ်ကြိမ် အလုပ်ထွက်မယ်​ပြော​တော့ လစာတိုးတဲ့အပြင် နားရက် တစ်ရက်ပါ အပိုရခဲ့တယ်။ ဒီလိုနဲ့ပဲ နားရက်​တွေမှာ ကျွန်​တော့် ဝင်​ငွေရှာနိုင်စွမ်းကို တိုးတက်လာ​စေဖို့ Sales , Marketing သင်တန်း​တွေတက်ဖြစ်ခဲ့တယ်။ ပြီး​တော့ တချို့ရက်​တွေမှာ စာအုပ်​လေးတစ်အုပ်ကိုင်ပြီး ကာဖီဆိုင်မှာ အချိန်ဖြုန်းတာ​ပေါ့။

လွန်ခဲ့တဲ့ ၂ လ ​လောက်က စလို့ ကျွန်​တော် အပိုဝင်​ငွေရှာရမယ်၊ ကိုယ်ပိုင်အလုပ် စလုပ်ရ​တော့မယ်ဆိုပြီး ပန်းတိုင်​တွေ တစ်ခုပြီးတစ်ခု ချမှတ်​နေခဲ့တယ်..

ပထမဆုံးတစ်ခုက Education Agency ​ထောင်ဖို့

ဒုတိယက copywriting စာအုပ် ထုတ်​ဝေဖို့

တတိယက copywriting သင်တန်းဖွင့်ဖို့၊ client ရှာဖို့

၄ ခု​မြောက်က အာမခံ လုပ်ဖို့

၅ ခု​မြောက်က အနှစ်ချုပ် ဘာသာပြန် ​ရောင်းဖို့

ခုလည်း​တစ်ခါ အိမ်​ပြေး ဒိုင်ယာရီဆိုပြီး စာဖတ်မှာ တင်မလို့ လုပ်​နေပြန်ပြီ။

Goal တစ်ခု ချတယ်၊ နည်းနည်း အ​ကောင်အထည်​ဖော်ဖြစ်တယ်၊ ပြီးရင် ​နောက် goal တစ်ခုကို ​ပြောင်းချတယ်။ ဒီလိုနဲ့ goal ​တွေ တစ်ခုပြီးတစ်ခုချ၊ ပြီးရင် ဘာမှလဲ ပြီး​မြောက်​အောင် မလုပ်ဖြစ်လိုက်။

ငါ ဘာဖြစ်ချင်​နေတာလဲ။ ဒီ အရာ​တွေကို ငါ တကယ်မလိုချင်လို့လား။ ဒါမှမဟုတ် ဒီလိုလုပ်​နေတာ​တွေဟာ ခက်ခဲတာ​တွေကို မလုပ်ချင်လို့ အချိန်​တွေဆွဲပြီးရင်း ဆွဲ​နေတာလား။

ငါ တကယ် မလိုချင်လို့လား။ အမှန်က ပိုက်ဆံ​တော့ လိုချင်တယ်။ ပိုက်ဆံရဖို့ ​ပေးဆပ်ရမှာ​တွေကို အပင်ပန်းခံ မလုပ်ချင်ဖြစ်​နေတာ။ တစ်နည်း၊ ပိုက်ဆံရှာဖို့ကို စိတ်အားထက်သန်မှု ရှိမ​နေတာ။ မလွဲမ​သွေ လုပ်ကို လုပ်ရမဲ့ အရာတစ်ခုလို မြင်​နေတာ​ကြောင့် ဖြစ်မယ်။

အမှန်​တော့ ​ငွေ​ကြေးချမ်းသာ ကြွယ်ဝခြင်းသည် ကျွန်​တော့်ကိုယ်တွင်းမှ လာသည့် ဖြစ်ချင်စိတ် ဘယ်တုန်းကမှ မဟုတ်ခဲ့။ ပြင်ပက လွှမ်းမိုးမှု တစ်ခုခု​ကြောင့်သာ ရံဖန်ရံခါ ​ပေါ်လာတတ်သည့် ဖြစ်ချင်စိတ် တစ်ခုမျှသာ ဖြစ်ပါတယ်။ ပိုက်ဆံပုံ​ကြီး​ပေါ် တက်ထိုင်​နေရသည်ဟု တစ်ခါမှ စိတ်ကူးမယဥ်ဖူး။ ခု ဒီလို စိတ်ကူးယဥ်မိလိုက်တဲ့ အတွက်လဲ စိတ်လှုပ်ရှား ​ပျော်ရွှင်လာတာမျိုးလဲ မဖြစ်။

သို့​သော် ကျွန်​တော့် ဝမ်းတွင်းက ​ပေါ်လာသည့် ဖြစ်ချင်စိတ်၊ ပြင်ပနှိုး​ဆော်မှု မပါဘဲ ခန ခန ​ပေါ်လာသည့် ဖြစ်ချင်စိတ် တစ်ခု​တော့ ရှိသည်။ ယင်းကား သံ​ယောဇဥ် အ​နှောင်အဖွဲ့တို့ကို ဖြတ်​တောက်၍ တစ်ကိုယ်တည်း ​လွတ်လွတ်လပ်လပ်ဖြင့် စွန့်စားခန်း​တွေ ထွက်လိုခြင်း ဖြစ်သည်။ အဲ့သည်လို ​နေရမယ့် ဘဝကြီးကို စိတ်ကူးကြည့်မိလိုက်လျှင် စိတ်လှုပ်ရှား၍ ​ပျော်လာသည်။ သို့​သော် ဒီလို စွန့်စားခန်း​တွေ ပတ်ထွက်နိုင်ဖို့ဆိုရင် ပိုက်ဆံက လိုလာပြန်သည်။ သည့်အတွက် အလုပ်လုပ်ရမည်။ ​ရောက်တဲ့ အရပ်မှာ ရရာ အလုပ်ကို လုပ်မလား။ ဒါမှမဟုတ် passive income လမ်း​ကြောင်း ၂ ခု၊ ၃ ခုကို ဖန်တီးထားမလား။

​သေချာတာက​တော့ 9 to 5 အလုပ်ကြီးကို လုပ်​နေပြီး ​ခြေခြုပ်မိမ​နေရဖို့၊ ပိုက်ဆံ​နောက်ချည်းလိုက်ရင်း ဘဝကို မကုန်ဆုံးသွားရ​စေဖို့ ဖြစ်သည်။ ဘဝမှာ ရှင်သန်ချင်သည်။ အပြည့်အဝ ရှင်သန်ချင်သည်။ ရှင်လျက်နဲ့ ​သေ​နေရသည့် ဘဝမျိုး၊ ဘာအဓိပ္ပါယ်မှ မရှိသည့် ဘဝမျိုး မဖြစ်ချင်။ ကျွန်​တော့်ဘဝကို လွတ်လွတ်လပ်လပ် ရှင်သန်ချင်သည်။ ဟုတ်သည်။ ကိုယ်ဖြစ်ချင်သည့် ပုံစံဖြင့် ရှင်သန်​နေထိုင်မည်။

ဘာနဲ့မှ ချည်​နှောင်ခြင်း မခံထားရမည့် လွတ်လပ်သည့် ဘဝတွင် ​နေထိုင်မည်။

22.9.24