အခုမှ အိမ်ခြံ မြေ စဝယ်မဲ့သူတွေ သိရမဲ့ အချက် (၅) ချက်

သိန်းရာချီ ပေးဝယ်နေရတဲ့ အိမ်ခြံမြေ ဟာ စာရွက်စာတမ်း တစ်ခုကြောင့် ဆုံးရှုံးနစ်နာ မှုတွေ ရှိဖူးသလို၊ နေရာ မှားဝယ်မိတဲ့ အခါမျိုးတွေမှာလည်း နစ်နာ ဆုံးရှုံးမှု တွေဟာလည်း ဖြစ်လေ့ရှိပါတယ်။ ဒီနေ့မှာတော့ အိမ်ခြံမြေ တစ်ခုကို စဝယ်တဲ့ သူတွေအနေနဲ့ မဖြစ်မနေ သိရမဲ့ အချက် (၅) ချက်ကို အဓိက ပြောပြပေးသွားပါမယ်။ နောက်ဆုံးအချက်က အရေးကြီးဆုံးပါပဲ။

(၁) ပိုင်ဆိုင်မှု သေချာ ပါစေ

အိမ်ခြံမြေ ဆိုတာဟာ မရွှေ့မပြောင်းနိုင်သော ပစ္စည်းဖြစ်ပါတယ်။ မရွှေ့မပြောင်းနိုင်သော ပစ္စည်း တွေ ဝယ်တဲ့အခါ မှတ်ပုံတင်စာချုပ်ကြီး ချုပ်နိုင်မှ အရောင်းအဝယ် တရားဝင်လုပ်လို့ရမှာ ဖြစ်ပါတယ်။ ဒါဆိုရင် အရပ်စာချုပ်တွေ နဲ့ ဘာကြောင့် သိန်း ထောင်ချီ ပေးဝယ်နေတဲ့ နေရာတွေ ရှိနေသလဲ ဆိုတဲ့ မေးခွန်းက ရှိလို့နေပြန်ပါတယ်။

မှန်ပါတယ်။ တစ်ချို့သူတွေဟာ ပိုင်ဆိုင်မှု အရပ်စာချုပ်တွေ ကို ရင်းနှီးမြှုပ်နှံ သလို၊ သိန်းထောင်ချီပေးပြီးတော့ လည်း ပေးဝယ်လေ့ရှိပါတယ်။ ဘာကြောင့်လည်းဆိုရင် အရှုပ်ရှင်း ကင်းတဲ့ မြေဖြစ်နေလို့ပါ။ ပိုင်ဆိုင်မှု ခိုင်မာတာနဲ့ အရှုပ်ရှင်း ကင်းတာက တူသယောင် မတူပါဘူး။

စာအုပ်ကြီးတိုင်း သွားမယ်ဆိုရင်တော့ လူနေထိုင်ဖို့ဆိုရင် စာရွက်စာတမ်း ဂရန်၊ ဘိုးဘပိုင် ကိုပဲ အဓိကကြည့်ဝယ်ရမှာ ဖြစ်ပါတယ်။ ထို ဂရန်၊ ဘိုးဘပိုင် လိုနေရာမျိုးတွေက သိန်းရာချီရှိနေတာ၊ ထောင်ချီရှိနေတာမျိုးတွေဆို သာမန်လူတန်းစားတစ်ရပ်အနေနဲ့ လိုက်လို့ မှီမှာ မဟုတ်ပါဘူး။ ဒါကြောင့်မို့ တစ်ချို့ တွေအတွက် ပိုင်ဆိုင်မှု ခိုင်မာမှုထက် အရှုပ်ရှင်းကင်းတဲ့ မြေကို ဝယ်လေ့ရှိကြတာဖြစ်ပါတယ်။

ဒါကြောင့် ပိုင်ဆိုင်မှု သေချာတာကို ရွေးချယ် ဝယ်ယူသင့်ပါတယ်။

(၂) တည်နေရာ မှန်ကန်ပါစေ

အိမ်ခြံမြေတစ်ခုမှာ အဓိက အရေးကြီးတာက တည်နေရာ ဖြစ်ပါတယ်။ နေဖို့အတွက်ပဲ ဝယ်ဝယ်၊ ရင်းနှီးမြှုပ်နှံဖို့အတွက်ပဲ ဝယ်ဝယ်၊ စီးပွားရေးလုပ်ငန်းအတွက်ပဲ ဝယ်ဝယ် တည်နေရာမရွေးချယ်တတ်ရင် မိတ်ဆွေ အတွက် နစ်နာ စရာတွေ ဖြစ်လာနိုင်ပါတယ်။

တည်နေရာ ကောင်းတယ်ဆိုတာက လမ်း၊ ကျောင်း၊ ဈေး၊ ဆေးရုံ နှင့် အခြား အခြေခံလို အပ်ချက် တွေရှိနေတဲ့ နေရာမျိုးတွေက တည်နေရာ ကောင်းတဲ့ နေရာ ဖြစ်ပါတယ်။ ဒါကြောင့်မို့ တည်နေရာကောင်း ဖို့အတွက် မိတ်ဆွေ ကြိုးစားဖို့ လိုအပ်မှာ ဖြစ်ပါတယ်။

(၃) ပတ်ဝန်းကျင် သန့်ပါစေ

ပတ်ဝန်းကျင် သန့်မသန့် ဟာ မိတ်ဆွေအတွက် ရေရှည် တွေးတဲ့ သူတွေ အတွက် အများကြီး အထောက်အကူ ပြူစေမှာ ဖြစ်ပါတယ်။

ပတ်ဝန်းကျင်တစ်ခုမှာ အနံ့အသက်မကောင်းတဲ့ လုပ်ငန်းတွေ၊ နားငြီးနိုင်တဲ့ နေရာမျိုးတွေ၊ လမ်းမသာတဲ့ နေရာမျိုးတွေ၊ ပြုပြင်လို့ လုံးဝ မရတဲ့ ပတ်ဝန်းကျင်တစ်ခုကနေ ဝေးဝေးကနေ နေနိုင်အောင် ရှောင်ရှားသင့်ပါတယ်။

ပတ်ဝန်းကျင် သန့်ဆိုတာက နေဖို့အတွက်ဆိုရင် ဆိတ်ငြိမ်ပြီး ကိုယ့်မိသားစု သူ့ မိသားစု မစပ်စုတတ်တဲ့ နေရာမျိုးဖြစ်ပါတယ်။ လိုအပ်ချက်အရ မိတ်ဆွေက သစ်ပင်စိုက်ရတာကြိုက်တဲ့သူလား? မြေကျယ်ကျယ်နဲ့ နေရာတာကြိုက်တဲ့သူလား? စတဲ့ အချက်တွေကလည်း မိတ်ဆွေအတွက် ပတ်ဝန်းကျင် ကောင်းတစ်ခုကို ဖန်တီးစေမှာ ဖြစ်ပါတယ်။

(၄) ကိုယ့်ရဲ့ ငွေနဲ့ချိန်တတ်ပါစေ

တော်တော်များများ အဝယ်တွေက ကိုယ်လိုချင်တာကို ပဲ တွေးလေ့ရှိကြပြီးတော့ ကိုလိုချင်တာနဲ့ ငွေ လိုက်နာလားဆိုတဲ့ အချက်ကို တွေးဖို့ ခက်ခဲ နေလေ့ ရှိပါတယ်။ ကိုယ်မနိုင်တဲ့ နေရာတွေ လိုက်ကြည့်မိတဲ့အခါမှာလည်း အချိန်ကုန်ခမ်းစေနိုင်ပါတယ်။ လိုအပ်ရင် ငွေထပ်စုဖို့ လိုအပ်ရင် ထပ်စုသင့်ပြီး အချိန်ကောင်းတစ်ခုကို စောင့်သင့်ပါတယ်။

ကိုယ်လိုချင်တာနဲ့ ကိုယ်ရနိုင်တဲ့ နေရာတစ်ခုကို သိဖို့ဆိုရင် မိတ်ဆွေအနေနဲ့ကျွမ်းကျင်တဲ့ အိမ်ခြံမြေ ဈေးတွက် ချက်ပေးနိုင်တဲ့သူ ရှာပေးနိုင်တဲ့ သူလိုအပ်ပါတယ်။

ဒီအတွက် လိုအပ်ပါက ကျွန်တော် အောင်သူရကျော် ရှိပါတယ်ဗျာ။

(၅) ဈေးနှုန်းတန်မတန် သိရပါမယ်

အိမ်ခြံမြေ ဈေးနှုန်းတစ်ခုကို တွက်ချက်တဲ့အခါမှာ အဓိက သိရမဲ့ အချက် (၃) ချက်ရှိပါတယ်။
၁။ အရောင်းတင်ထားသည့် ဈေးနှုန်း
၂။ အရောင်း အဝယ် ဖြစ်သွားသည့် ဈေးနှုန်း
၃။ အရောင်းကြာ နေတဲ့ ဈေးနှုန်း တွေကို သိရပါမယ်။

ဒီအချက်တွေကို သိဖို့ဆိုရင် မိတ်ဆွေအနေနဲ့ ဒေတာ အချက်အလက်တွေကို စုစည်းတတ်ဖို့ လိုအပ်သလို၊ ဒေတာအချက်အလက်တွေကို တွက်ချက်တက်ဖို့လိုပါတယ်။

ဒီအတွက် ဒေတာတွေကို လွယ်လွယ်ကူကူနဲ့ တိုင်ပင်ဖို့ ဆိုရင်တော့ တတ်ကျွမ်းတဲ့ အိမ်ခြံမြေ ကျွမ်းကျင်မျးနဲ့ တိုင်ပင်ဆွေးနွေးရမှာ ဖြစ်ပါတယ်။

ဒီအချက် (၅) ချက်လေးကို မိတ်ဆွေ အနေနဲ့ သိပြီဆိုရင် ရှေ့ဆက်လုပ်ငန်းစဉ်တွေ အတွက် အထောက်အကူပြုနိုင်မှာ ဖြစ်ပါတယ်။

#အိမ်ခြံမြေ_ဝယ်ပြီဆိုရင် တတ်သိနားလည် သူများနဲ့ တိုင်ပင်ဖို့ ဘယ်တော့မှ မနှောင့်နှေးပါနဲ့နော်။

#အိမ်ခြံမြေအကြောင်းလေ့လာပါ