တစ်ကိုယ်ရေသန့်ရှင်း ‌ေရာဂါကင်း

"?တစ်ကိုယ်ရေသန့်ရှင်း ရေဂါကင်း" ဆိုတဲ့ ခေါင်းစဉ်လေးအတိုင်း
တစ်ကိုယ်ရေသန့်ရှင်းရေးဆိုတဲ့ အကျင့်ကောင်းလေးကို
ကလေးဘဝကစလို့
မွေးမြူသွားကြမယ်ဆိုရင် အကောင်းဆုံးဖြစ်ပါတယ်။

ဒါကြောင့်
တစ်ကိုယ်ရေ သန့်ရှင်းရေးကို ဘယ်လိုစနစ်တကျလုပ်ကြမလဲဆိုတာကို ပြောပြချင်ပါတယ်။



? ၁။နံနက်အိပ်ရာထပြီဆိုတာနဲ့ ကိုယ်ရဲ့အိပ်ရာ၊အိပ်ရာခင်းတွေကို သပ်သပ်ရပ်ရပ်ခေါက်သိမ်းရပါမယ်။

? ၂။ညစ်ပတ်၊ဖုန်တင်‌ေနတဲ့ အိပ်ရာခင်း၊စောင်၊ခေါင်းအုံးစွပ်တွေကို တစ်ပတ်တစ်ခါ
နေထုတ်လှမ်းတာ၊
နှစ်ပတ်တစ်ခါ လျှော်ဖွပ်သန့်စင်တာတွေကို လုပ်ရပါမယ်။


? ၃။နံနက်လင်းပြီဆိုရင်
အိမ်ခန်းတံခါးတွေကို လေဝင်လေထွက်‌ေကာင်းအောင် ဖွင့်ထားပေးရပါမယ်။

? ? ၄။မျက်နှာသစ်တဲ့အခါ ဆပ်ပြာနဲ့သစ်ရပါမယ်။
မျက်နှာအတွက် သုံးတဲ့ဆပ်ပြာကို ကိုယ်တိုက်ဆပ်ပြာနဲ့မရောဘဲ မျက်နှာသီးသန့် အသုံးပြုရပါမယ်။

?? ၅။သွားတိုက်တဲ့အခါမှာ နံနက်အိပ်ရာထတစ်ကြိမ်၊
ညအိပ်ရာဝင်တစ်ကြိမ် တိုက်ပေးရပါမယ်။
သွားတိုက်တဲ့အခါမှာ သွားတိုက်ဆေးကို အနည်းငယ်သာထည့်ပြီး ဘေးတိုက်မတိုက်ဘဲ အပေါ်အောက်ဆွဲပြီး နှံ့နှံ့စပ်စပ်တိုက်ပေးရပါမယ်။

? ၆။ကိုယ့်ရဲ့ လက်သည်းခြေသည်းတွေကို
အရှည်မထားဘဲ တစ်ပတ်တစ်ခါ သေချာဂရုတစိုက်ညှပ်ပေးရပါမယ်။

? ၇။အိမ်သာတက်ပြီးရင်လည်း လက်ကို ဆပ်ပြာနဲ့သေချာပွတ်တိုက်ပြီး ပြောင်အောင် ဆေးဖို့လိုပါတယ်။

?? ၈။ရေကိုလည်း နေ့စဉ်မှန်မှန်ချိုးသင့်ပါတယ်။
ရေချိုးတဲ့အခါမှာလည်း
အရမ်းအေးလွန်း၊အရမ်းပူလွန်းတဲ့ရေ ကို မချိုးသင့်ပါဘူး။

? ၉။အဝတ်အစားတွေ ဝတ်တော့မယ်ဆိုရင်လည်း သေချာလျှော်ဖွပ်သန့်စင်၊နေလှန်းပြီးမှ ဝတ်ရပါမယ်။


? ၁၀။ထမင်း မစားမီ၊ထမင်း စားပြီး ၊အစာ မစားမီ၊အစာ စားပြီးတဲ့ အချိန်တွေမှာလည်း လက်ကို ဆပ်ပြာနဲ့ သေချာစနစ်တကျ ဆေးကြောသင့်ပါတယ်။

? ၁၁။အပြင်သွားတော့မယ်ဆိုရင်
လက်ကိုင်ပဝါလေးကို ဆောင်သွားသင့်ပါတယ်။
လက်ကိုင်ပဝါကို
ကိုယ်ချောင်းဆိုးရင်ပဲဖြစ်ဖြစ်၊သူတစ်ပါးချောင်းဆိုးရင်ပဲဖြစ်ဖြစ် ကိုယ့်နှာခေါင်းကို အသာအုပ်ထားရင် လေကနေတစ်ဆင့် ကူးစက်ပျံ့နှံ့တတ်တဲ့ရေဂါပိုးတွေကို အထိုက်အလျောက် ကာကွယ်ပြီးဖြစ်သွားပါလိမ့်မယ်။


?နောက်ဆုံးအနေနဲ့ပြောရရင် "တစ်ကိုယ်ရေ သန့်ရှင်း ရေဂါကင်း"ဆိုတဲ့အတိုင်း
နေ့စဉ်လူနေမှုဘဝမှာ
လူတိုင်းကိုယ်စီကိုယ်စီ ကိုယ်ရဲ့တစ်ကိုယ်ရေသန့်ရှင်းရေးကို ဂရုတစိုက်ပြုလုပ်သွားကြမယ်ဆိုရင်
"ကျန်းမာခြင်း" ဆိုတဲ့ ဆုလာဘ်ကြီးကို
လက်ဝယ်ပိုင်ဆိုင်နိုင်မှာပဲ ဖြစ်ပါတယ်။



#Nyein
22/7/2024(Monday)