အက္ခရာ - Haruki
ဒီနေ့ခေတ်မှာ ကိုယ်ခန္ဓာလှဖို့ Gym ကစားတဲ့သူတွေလည်းရှိသလို မျက်နှာ Skincare လုပ်သူတွေလည်း မမှားပါဘူး။ Skincare လုပ်တာ အပြစ်ဆိုစရာမဟုတ်ပေမယ့် ဘယ်အရာမဆို လိုတာထက်ပိုရင် မကောင်းပါဘူး။
တစ်ချို့တွေလည်း မျက်နှာအလှပြင်လွန်းလို့အခုကျွန်တော်ပြောပြထားတဲ့ ကျန်းမာရေးပြဿနာတွေ ကြုံတွေ့နေရပါတယ်နော်။
Skincare အလွန်အကျွံလုပ်မိရာကနေ ကြုံလာရနိုင်တဲ့ ကျန်းမာရေးပြဿနာများ
> ? - အရေပြား တင်းမာအက်ကွဲခြင်း
အသားအရေ ခြောက်သွေ့အက်ကွဲလာတယ်ဆိုတာ တစ်ခုခုတော့ မှားနေလို့ပါ။ ကိုယ်သုံးဖူးတဲ့ Skin Care ထဲမှာ pH ပါဝင်မှု ဟန်ချက်မညီဖြစ်စေတဲ့ အလှကုန်တွေပါလာလို့လည်း ဖြစ်နိုင်ပါတယ်။
မှန်ကန်တဲ့ pH ဟန်ချက်ညီမှုဟာ ဆဲလ်အသစ်တွေဖြစ်ထွန်းစေပြီး ကော်လာဂျင်အသစ်တွေဖြစ်စေနိုင်တာကြောင့် ကိုယ်သုံးတဲ့ Skin Care အချိန်အဆနဲ့ သုံးသင့်ပါတယ်။
> ?♀️ - မျက်နှာယောင်ကိုင်းခြင်း
ဒီပြဿနာက ဖြစ်နိုင်ခြေရှိတဲ့ အကြောင်းတွေ အများကြီးပါပဲ။ အင်ဇိုင်းတွေနဲ့ မျက်နှာချေးချွတ်တဲ့ အက်စစ်ကြောင့်ဖြစ်နိုင်သလို ဘက်တီးရီးယားကူးစက်မှုကြောင့်လည်း ဖြစ်နိုင်ပါတယ်။ Moisturizer သုံးမှုများခြင်းကလည်း ဒီအခြေအနေကို ပိုဆိုးနိုင်ပါတယ်။
မျက်နှာယောင်လာရင် ဒီအလှကုန်တွေသုံးတာ လျှော့သင့်ပါတယ်။ မိတ်ဖုလိုမျိုး အဖုအပိမ့်ထွက်လာခြင်းကလည်း အလားတူပြဿနာပဲ ဖြစ်ပါတယ်။
> ⚫️ - အမည်းကွက်များ ပေါ်လာခြင်း
အသားအရေအရောင်ပြောင်းခြင်းဆိုတာ ရောဂါကြောင့်လည်းဖြစ်နိုင်သလို ကိုယ်သုံးနေတဲ့ Skin Care ထဲက ဓါတုပစ္စည်းတွေနဲ့ ဓါတ်မတည့်လို့လည်း ဖြစ်နိုင်ပါတယ်။
တစ်ချို့လူတွေဟာ Skin Care လုပ်ရင်းနဲ့ မျက်လုံး၊ နှာခေါင်းနဲ့ မေးနားတစ်ဝိုက်မှာ အမည်းကွက်တွေ ပေါ်လာတာမျိုး ကြုံနိုင်ပါတယ်။ ဒါမျိုးဆိုရင် Skin Care လုပ်မှု လျှော့ပြီး လိုအပ်ရင် ဆေးခန်းပြသင့်ပါတယ်။
> ? - မျက်နှာအဆီအလွန်အကျွံပြန်ခြင်း
တစ်ချို့သူတွေဟာ အလှအပ ဂရုစိုက်ရဲ့သားနဲ့ မျက်နှာမှာ အဆီတဝင်းဝင်းနဲ့ ဖြစ်နေတယ်ဆိုရင် ဒါလည်း Skin Care လုပ်တာလွန်လို့ ဖြစ်နိုင်ပါတယ်။
တစ်ခါတစ်လေ ဒီပြဿနာမျိုးက ကိုယ့်ဘာသာကုလိုက်လို့ ပျောက်ကင်းသွားနိုင်သလို တစ်ခါ တစ်လေမှာလည်း အလှအပရေးရာ ကျွမ်းကျင်တဲ့ဆရာဝန်နဲ့ တွေ့ဖို့လိုပါတယ်။
> ? - အရေပြားလောင်ခြင်း
နေလောင်ဒဏ်ခံရလို့ အသားအရေလောင်သွားတာမျိုး မြင်ဖူးမှာပါ။ နေလောင်ကာခရမ်လိမ်းတဲ့သူတွေမှာ ဒါမျိုးကြုံလာပြီဆိုရင် ဒီခရမ်ထဲက ပါဝင်ပစ္စည်းကြောင့် ဖြစ်နိုင်ပါတယ်။
Sunscreen တွေထဲမှာပါတဲ့ တစ်ချို့ Chemical Filters တွေကို အများကြီးသုံးမိရင် အရေပြားပေါ်က ကာကွယ်ပေးထားတဲ့အလွှာကို ပျက်စီးစေနိုင်ပါတယ်။
သတိထားသုံးနိုင်ပါစေခင်ဗျာ။ ?
Keep Reading