၂၅ မိနစ်လုပ်ရုံနဲ့ အလုပ်တွေ အကုန်ပြီးသွားချင်ပါသလား?

မနားဘဲ အလုပ်လုပ်နေရက်နဲ့ကို
မပြီးနိုင်တဲ့ အလုပ်တွေ ရှိနေပြီဆိုရင်

ဒီနည်းလမ်းကို ကြားဖူးနားဝရှိရက်နဲ့
ထိထိရောက်ရောက် ဘယ်လိုအသုံးချရမလဲ
ဆိုတာသာ မသိသေးတာ ဖြစ်နိုင်ပါရဲ့

Time blocking တို့ Laser Focus တို့ဆိုပြီး
ခုနောက်ပိုင်း လူသိများလာတဲ့ ဒီနည်းက

1980 မှာ စာရေးသူကိုယ်တိုင် စတင်ထီတွင်
အသုံးပြုခဲ့ပြီး သူရဲ့ မူလအစနာမည်က
Pomodoro Technique လို့ ခေါ်ပါတယ်

ဒီနည်းကို သုံးဖို့ဆိုရင် အရင်ဆုံး
ရေးမှတ်လို့ရတဲ့ နေရာတစ်ခုမှာ

လုပ်ဖို့လိုအပ်တဲ့ အလုပ်တွေထဲက
ဒီနေ့ ပြီးကိုပြီးရမယ့် အလုပ်တွေကို
တန်းစီပြီး ချရေးထားဖို့ လိုပါတယ်

ပြီးရင် ဖုန်းကို Airplane mode on ပြီး
Timer မှာ 25mins စာ မှတ်ထားလိုက်ပါ

အဲ့နှစ်ခုပြီးသွားရင် နောက်ထပ်လုပ်ဖို့
အလိုအပ်ဆုံးက Alarm ထမြည် မလာမချင်း

လက်ရှိအလုပ်ကလွဲလို့ ဘာတစ်ခုမှကို
ထမလုပ်ဘူးဆိုပြီး နှုတ်ကကြုံးဝါးရင်း
စိတ်ကိုပါ ပိုင်းဖြတ်ထားတာမျိုးပါ

ဘာလို့ဆို ဆုံးဖြတ်ချက်ခိုင်ခိုင်မာမာ
ချမထားတဲ့ကိစ္စတိုင်းက မလိုက်နာဖို့

အလွယ်ကူဆုံး ဖြစ်နေတတ်တာတွေ
ကြုံဖူးတယ် မဟုတ်လား

၂၅ မိနစ် တစ်ခါပြီးတိုင်း ၅မိနစ်နားပြီး
၄ ကြိမ် ပြည့်တိုင်း မိနစ် ၃၀ ပြန်နားတာကို

မဖြစ်မနေလုပ်ရတာက ဒီနည်းလမ်း
အလုပ်ဖြစ်ရတဲ့ အသက်သွေးကြောပါပဲ

တစ်နေ့ စုစုပေါင်း အကြိမ်ရေကတော့
ကိုယ့်အလုပ်တွေ ပြီးဖို့လိုအပ်သလောက်
ကိုသာ ချိန်ညှိပြီး တွက်ချက်အသုံးပြုနိုင်ပါတယ်

တကယ်လို့ အလုပ်က ၂၅ မိနစ်မပြည့်ခင်
စောပြီးသွားလည်း ထတာမျိုးမလုပ်ဘဲ

ပြန်စစ်ဆေးတာ ပြင်တာတွေပဲ ဆက်လုပ်ရင်း
လုပ်လက်စ အလုပ်ထဲကိုသာ အာရုံစိုက်ထားပါ

ဒီနေရာမှာ သတိပြုစရာတစ်ခုက
အာရုံတွေ တည်ငြိမ်နေပြီဆို လာမွှေတတ်တဲ့

ရုတ်တရက် သတိရလာတတ်တဲ့ ကိစ္စတွေရဲ့
ဖမ်းစားမှုထဲ ဝင်မသွားဖို့ပါပဲ

အဲ့ဒါတွေက အိုင်ဒီယာကောင်းတွေ
ဖြစ်နေရင်တောင် ‌‌တစ်နေရာရာမှာ
ချမှတ်ထားလိုက်ပြီး လုပ်လက်စကို
အာရုံပြန်စိုက်နိုင်ဖို့သာ လုပ်ပါ

Pomodoro Technique မှာ ကိုယ့်အိမ်နဲ့
ကိုယ်ဝတ်ထားတဲ့ ဘောင်းဘီကြီး

မီးထလောင်တာမျိုးကလွဲရင် ကျန်တဲ့
အရာတွေက နောက်မှလုပ်လို့ရပါတယ်

အဲ့လိုမျိုးပဲ ၂၅မိနစ်ပြည့်ရင်တောင်
အဆုံးမသတ်နိုင်တဲ့ အလုပ်မျိုးဆိုရင်လည်း
ဘာနေနေ ရပ်ချထားပစ်လိုက်ပြီး

ပြတင်းပေါက်ကနေ အပြင်ကို ကြည့်တာ
လမ်းထလျှောက်တာ ရေသောက်တာမျိုးတွေကို
မပျက်မကွက် လုပ်ကို လုပ်ပေးရပါမယ်

အရှိန်ရနေလို့ မရပ်လိုက်ဘဲ
ဆက်လုပ်နေမိရင် ကိုယ့်ဦးနှောက်က
ဘယ်ချိန်နားရပြီး ဘယ်ချိန်ထိဆက်လုပ်ရမလဲ

သတ်သတ်မှတ်မှတ် မပိုင်းခြားနိုင်တော့တာမို့
စိတ်ရှုပ်ထွေးလာနိုင်ပြီး လုပ်နိုင်စွမ်းတွေလည်း
ဆုတ်ယုတ် လျော့နည်းလာနိုင်ပါတယ်

တကယ်တော့ Pomodoro နည်း ဆိုတာ
အာရုံစူးစိုက်ပြီး အလုပ်လုပ်ပြီဆို

ခေါင်းထဲလက်လက် ထနေတတ်တဲ့
Monkey mind ကို ၂၅ မိနစ်လောက်
ကြိုးတုပ်ထိုင်ခိုင်းထားတာနဲ့ တူပါတယ်

ကိုယ်က အချိန်အတိအကျနဲ့ ကျင့်သုံးနိုင်မှသာ
ဦးနှောက်နဲ့ခန္ဓာ ကို အချိတ်အဆက်မိအောင်
လေ့ကျင့်သင်ကြားပေးပြီးသား ဖြစ်မှာပါ

၂၅ မိနစ် တစ်ကြိမ်ပြီးတိုင်း ဦးနှောက်က
အလုပ်တစ်ခုပြီးမြောက်သွားသလို

မှတ်ယူပြီး Dopamine ထုတ်ပေးလို့
စိတ်ကျေနပ်ပြီး ခံစားလို့ကောင်းတဲ့အခါ

နားပြီးချိန်တိုင်း Energy အပြည့်နဲ့
အလုပ်ပြန်လုပ်နိုင်သွားပါလိမ့်မယ်

အဲ့ဒါကြောင့် ရှည်လျားထွေပြားပြီး
တစ်နင့်တစ်ပိုး လုပ်ရတဲ့အလုပ်တွေမှာလည်း
အလုပ်ပြီးတယ်လို့ ခံစားရနိုင်စေဖို့

ရေညှစ်ပြီး မလှန်းရသေးတဲ့
အဝတ်တွေကို ခပ်သွက်သွက်
ပြေးလှန်းလိုက်တာမျိုး ကစလို့

မဆေးရသေးဘဲ အထပ်လိုက်ပုံထားတဲ့
ပန်းကန်တွေ သွားဆေးလိုက်တာအဆုံး

တစ်ချိန်မှာ Mini work လေးတွေ
ခပ်ပါးပါး ထည့်သွင်းပြုလုပ်ပေးမယ်ဆို

ဦးနှောက်က သူလှည့်စားခံရလို့
ခံရမှန်းမသိအောင်ကို ကျေနပ်နေပါလိမ့်မယ်

အဲ့လိုမျိုး ကိုယ့်ခန္ဓာကိုယ်အတွင်းပိုင်းနဲ့
အထာကျကျ ငြိမ်းချမ်းရေးယူပြီးရင်တောင်

အပြင်ပိုင်း ကိစ္စကြီးငယ်တွေလေးတွေက
ပေါ်လာတတ်ပါသေးတယ်

ဒါကို ဖြေရှင်းဖို့ကလည်း လွယ်ပါတယ်

Pomodoro နည်း သုံးတော့မယ် ဆိုတာနဲ့
ကိုယ့်ဘေးပတ်ဝန်းကျင်က လူတွေကို

"၂၅မိနစ် မကုန်မချင်း သူ့ဆီက
ဘာအဖြေမှ ရမှာမဟုတ်ဘူး"
ဆိုတာကို အသားကျနေတဲ့အထိ

ချိုချိုသာသာ ပြောပြထားပြီး
Boundaries ချမှတ်ထားပေးလိုက်ပါ

စကားဆိုတာ ပြောတတ်ရင်
ငြင်းပါတယ် ဆိုတဲ့စကားတောင်
နားဝင်ချိုအောင်လေး
ပြောလို့ရသေးတာ မဟုတ်လား

ဒီနည်းလမ်းကို သေချာအသုံးပြုတတ်ပြီ
ဆိုရင်တော့ "အလုပ်ကြွေး" ဆိုတာကို
ဘဝထဲက အပြီးပိုင် Ban နိုင်မယ့်အပြင်

အကြာကြီးလုပ်လို့ မပြီးတာလား
မပြီးလို့ကို အကြာကြီးလုပ်နေရတာလား

မသဲကွဲတဲ့ မနှစ်ပင်လိမ်ကြိုးတွေကို
အချိန်တိုတွင်း ဖြေနိုင်သွားပါလိမ့်မယ်

The Pomodoro Technique - Francesco Cirillo

Francesco Cirillo က
ဒီနည်းလမ်းကို ရှာတွေ့တော့

သူသုံးတဲ့ Timerလေးက
ခရမ်းချဉ်သီးပုံလေး ဖြစ်နေလို့

Pomodoro Technique ဆိုပြီး
နာမည်ပေးမိခဲ့ရ လောက်အောင်
နည်းလမ်းက ရိုးရှင်းပေမယ့်

နှစ် ၄၀ ကျော်ကြာတာတောင်
မတိမ်မြှုပ်သေးဘူး ဆိုတာကတော့
တကယ် အလုပ်ဖြစ်တဲ့
တွေ့ရှိချက်လေး ဖြစ်နေလို့ပါပဲ

အဲ့ဒါကြောင့်မို့ ဒီစာအုပ်အပြင်

https://www.pomodorotechnique.com/

ဆိုတဲ့ Website နဲ့ပါ ဒီနည်းလမ်းလေးကို
ကိုယ့်ဘဝထဲမှာ ထိထိရောက်ရောက်

အသုံးချတတ်စေဖို့ စာရေးသူကိုယ်တိုင်
သင်ကြားပြသပေးလျက်ရှိပါတယ်

အားလုံးပဲ မင်္ဂလာပါ ✨
The White writes Creations ရဲ့
Founder "the White" ဖြစ်ပါတယ်

မှတ်ပုံတင်ထဲက နာမည်ကတော့
"Phoo Pyae Sone" လို့ခေါ်ပြီး
စာတွေရေးသားလျက် ရှိပါတယ်

စာရေးရတဲ့ "the White" လိုလူမျိုး
အတွက်တော့ အာရုံစိုက်နိုင်လိုက်တဲ့
အချိန်တိုင်းဟာ ရွှေပါပဲ

အဲ့လိုဆိုတော့ Focus ရစေမယ့်
နည်းတွေ စမ်းသုံးကြည့်ခဲ့ဖူးတာပေါ့

အဲ့ထဲမှာမှ ဒီနည်းလမ်းက
"the White" အတွက် အလုပ်အဖြစ်ဆုံးနဲ့
Result အရဆုံး အကြိုက်ဆုံး ပါပဲ

ဘာလို့ဆို "the White" က
လုပ်စရာ အလုပ်မပြီးရင်

တခြားအရာ ထလုပ်ဖို့မပြောနဲ့
ရေကို ထမချိုးတတ်တဲ့သူ

အဲ့ဒါကြောင့်မို့ အလုပ်တွေက
ပြီးတယ် ဒါပေမဲ့ ဒီနေရာမှာ

ဘာက ပြဿနာလာဖြစ်လဲဆိုတော့
အချိန်ကြာကြီး ယူသုံးနေရတာပဲ

အဲ့လိုနဲ့ ကိုယ့်ကိုယ်ကိုယ်
Coaching ပြန်လုပ် မေးခွန်းထုတ်ရင်းနဲ့မှ

ဘယ်ဟုတ်မလဲ ဒီလို ကြာနေတာက
စာ‌လေးတစ်ကြောင်း နှစ်ကြောင်း
ရေးပြီးရုံရှိသေးတယ် ပြီးရင်

တစ်နာရီလောက် ကိုယ်ရေးတဲ့
အကြောင်းအရာကို ဆက်စပ်
တွေးတောနေမိတာက ပိုများနေတာ

ဒီလိုနဲ့ အတွေးထဲမှာ အရင်ပြီးသွားပြီးမှ
လက်က နောက်ကလိုက်ရေးရတော့

အလုပ်နှစ်ခုစာ အချိန်တွေက
အားကြီးနဲ့ သုံးလိုက်ရပါလေရော
ဒါက ပထမတစ်ချက်

လုပ်တော့ လုပ်နေပေမယ့် ကြားထဲမှာ
မနားပေးထားတော့ ဦးနှောက်ရဲ့
လိုက်ပါနိုင်စွမ်းကလည်း

ယုတ်လျော့လာတယ်
ဒါက ဒုတိယ တစ်ချက်

ကိုယ့်မှာ ရှိသမျှ Energy ကို
အကုန်သုံးပြီး ပြန်မဖြည့်တော့

အလုပ်လေးတစ်ခုပြီးရင်ကို
လူက တခြားအရာ ထပ်ပြီး

မလုပ်နိုင်တော့အောင် နုံးကျသွားတယ်
ဒါက တတိယတစ်ချက်

ဒီ ၃ ချက်နဲ့ "the White" တို့
ရွာလည် တိုင်လည်တွေ ဖြစ်ခဲ့ရတယ်

နောက် ဒီ Technique ကို
သိပြီး အသုံးချကြည့်လိုက်တဲ့အခါမှ

အလုပ်ပြီးသွားလည်း Energy တွေ
ကျန်နေသေးတဲ့ ဘဝကို ရလိုက်တော့တယ်

"the White" ကတော့
ဖုန်းအစား Dr. Phyo Paing ရဲ့

ToeTet - တိုးတက် Timer ‌လေးကို
အမှတ်တရ ဝယ်ယူအသုံးပြုပါတယ်

သူ့မှာက 25mins လို့တော့ မပါဘဲ
15/20/30/60 လေးဖက်သာပါလို့

ပထမ 5mins ကို
Energy ဖြစ်ပေါ်လာစေတဲ့
ရေနဲ့ အောက်စီဂျင် နှစ်မျိုး
တစ်ရှူးတွေထဲထိ ရောက်ဖို့

ရေ အရင်သောက်ပေးပြီး 1/4/2s နည်းနဲ့
အသက်ရှူ လေ့ကျင့်ခန်း လုပ်တာမို့
30mins ကို ထားပြီးအသုံးပြုပါတယ်

သူရဲ့ အားသာချက်က
လက်တစ်ကိုင်စာမို့ လှည့်"ပြီး
ခုံပေါ် တင်ထားလို့ရတာရယ်
အချိန်ရပ်ထားလို့ရတာရယ် နဲ့

ရှေ့မှာ Timer လိုမျိုးကြီးကို
ဘွင်းဘွင်း‌ရှင်းရှင်းကြီး မြင်နေရလို့

သတိကပ်ပြီး အလုပ်ကို
အချိန်မဆွဲဘဲ မြန်မြန်ဆန်ဆန်
လုပ်လာနိုင်တာရယ် ပါပဲ

အဲ့လိုဆိုပေမယ့် ကိုယ့်ဆီမှာ
အဲ့အတုံးလေး ရှိမှ ဒီနည်းသုံးလို့
ရမယ်လို့ မဆိုလိုပါဘူးနော်

ကိုယ့်ရဲ့ ဖုန်းကိုပဲ အကောင်းဆုံး
အလွယ်တကူ အသုံးချလို့ရနိုင်ပါတယ်✨

အခုဒီစာကို ဖတ်သူတွေအနေနဲ့
ဒီစာအုပ်လေးထဲက ကိုယ့်အတွက်

အသုံးဝင်ဆုံးနဲ့ ကိုယ်အကြိုက်မိဆုံး
တစ်ချက်တစ်ချက်ကို ပြောပါဆိုရင်

ဘာများဖြစ်မလဲဆိုတာ "the White"
အနေနဲ့ သိချင်မိလို့ ‌အောက်က
Cmt မှာ ရေးခဲ့ပေးပါဦးနော် ✨

the White writes Creations Page
အပြင် ဒီစာတွေကို တခြားဘယ်နေရာမှာ
သွားရှာဖတ်လို့ ရနိုင်ဦးမလဲ?

Long Contents

✅ 1. Insidernote
✅ 2. Facebook
✅ 3. Wattpad
✅ 4. LinkedIn

Short Versions

✅ 1. Telegram
✅ 2. Instagram
✅ 3. YouTube
✅ 4. TikTok

စတဲ့ ကိုယ်ကြိုက်နှစ်သက်ရာ
App တွေကို Play store မှာ
Download လုပ်ပြီး

Account လေးတစ်ခု ဖွင့်ထားရုံနဲ့
ဘယ်သူမဆို အလွယ်တကူ
အခမဲ့ ဖတ်ရှုနိုင်ပါတယ် ✨

The White writes Creations
Your S | lots of love ?

5.6.2024 ( 4529 words)
Book Numer- 3 (Wednesday)