Chuko
ဘဝမှာအခုချိန်ထိရှင်သန်လာရင်းနဲ့
အပျော်ဆုံးအချိန်ဆိုတာ
အိမ်ကိုပြန်ရတဲ့အချိန်တွေပါပဲ...
အလှပဆုံးလမ်းတွေဆိုတာ
အိမ်ကိုပြန်ရတဲ့လမ်းတွေပါပဲ...
ကောင်းကင်ပြာပြာအောက်က
သာယာရိုးရှင်းတဲ့သဘာဝကြီးထဲမှာ
လုံခြုံနွေးထွေးမှုရှိတဲ့အိမ်ကို ပြန်ရင်း....။
ဘဝရဲ့နေ့ရက်တွေထဲမှာ ကျောင်းကိစ္စကြောင့် အလုပ်ကြောင့် တခြားသောအကြောင်းအမျိုးမျိုးကြောင့်အိမ်နဲ့ခွဲခွာနေခဲ့ရတဲ့နေ့ရက်တစ်ချို့မှာ..... အိမ်ကိုလွမ်းတယ်။
အိမ်ကိုပြန်ရတော့မယ်လို့ တွေးလိုက်တာနဲ့ ပျော်ရွှင်မှုက စီးဆင်းလို့။
မွေးရပ်မြေ နယ်မြို့လေးက သန့်ရှင်းလတ်ဆတ်တဲ့လေကို ရှူရှိုက်ရချိန်မှာတော့ စိတ်တွေကတက်ကြွလန်းဆန်းလို့။
အမေရှိတဲ့ အမေ့အိမ်လေးကို အဝေးကလှမ်းမြင်ရတဲ့အခိုက် ကိုယ်ပြန်လာမယ့်လမ်းကိုကြည့်ပြီး မျှော်နေတဲ့အမေ့ပုံရိပ်ကို မြင်ယောင်လာတယ်။
အိမ်အဝက ဆီးကြိုနေတဲ့ အမေ့ကို တွေ့လိုက်ရတဲ့အခါ ပင်ပန်းမှု ဆိုတာတွေဟာမေ့ပျောက်လွင့်ပြယ်။
ပကာသနတွေ ပူပင်သောကတွေမရှိတဲ့ အမေ့အိမ်ကို ကျွန်တော်ခင်တွယ်တယ်။ မြတ်နိုးတယ်။
ဘယ်မှာပဲနေနေ ဘယ်ကိုပဲရောက်ရောက် အမြဲပြန်လာခိုလှုံချင်တဲ့ အမေရှိတဲ့ အမေ့ရဲ့အိမ်ကလေး။
ချစ်တယ် အမေ။
#Chuko
Keep Reading