အိပ်ရာက ထဖို့ဘာကြောင့်ခက်

အိပ်ရာကနေ ကျောမခွာနိုင်တာက မနက်မိုးလင်း မျက်လုံးနှစ်လုံးပွင့်တာနဲ့ ပထမဆုံးရင်ဆိုင်ရတဲ့ ပြဿနာပါပဲ။


ကမ္ဘာ့လူဦးရေ 70 ရာခိုင်နှုန်းလောက်မှာ ဒီပြဿနာရှိပါတယ်။


ကျန်တဲ့ 30 ရာခိုင်နှုန်းက အထူးလေ့ကျင့်သင်ကြားထားသူတွေနဲ့ နိုးကြားဖျတ်လတ်တဲ့ ဗီဇကို ပိုင်ဆိုင်ထားသူတွေ ဖြစ်တာကြောင့် အိပ်ရာထရ လွယ်ကူကြပါတယ်။


မနက်ရောက်ရင် စိတ်က နိုးနေပေမယ့် လူက လုံး၀ မထနိုင်တာ၊


ဘာမှ ပိုထူးမှ မဟုတ်ပေမယ့် မိနစ်အနည်းငယ်လောက် ထပ်အိပ်ချင်တာ၊


တစ်ချို့လူတွေဆိုရင် မနက်နိုးလာတာနဲ့ တစ်ကိုယ်လုံး နာကျင် ကိုက်ခဲနေတာ၊ ကျောကုန်းတစ်ခုလုံး နာကျင်နေတာနဲ့


မျက်လုံး လုံး၀ လုံး၀ကို ဖွင့်မရတာ စတဲ့ ဝေဒနာတွေကို ခံစားရတာကြောင့် အိပ်ရာကနေထဖို့ အချိန်အတော်ယူရပါတယ်။


ဒါတွေဘာကြောင့်ဖြစ်ရတာလဲဆိုတဲ့ ယေဘုယျ ခန့်မှန်းချက်တွေရှိပါတယ်။



(1) အိပ်ရာမကောင်းတာ


အိပ်စက်ရတဲ့ အိပ်ရာက အလွန်သေးနေတာ၊ ခြေထောက်ဆန့်မရတာ၊


အိပ်ရာချိုင့်နေတာ၊ အိပ်ရာအရမ်း ကျဉ်းတာ စတာတွေကြောင့်


အိပ်ရာထတဲ့ အချိန်မှာ ခန္ဓာကိုယ်နာကျင်တာတွေ ဖြစ်တတ်ပါတယ်။


အိပ်ရာက အနံ့အသက်မကောင်းရင်၊ ဖုန်မှုန့်တွေ အရမ်းများနေရင်တော့


အိပ်ရာထတာနဲ့ မျက်စိ ကျိန်းစပ်တာ၊ ခေါင်းကိုက် ခေါင်းမူးဖြစ်တာတွေ ခံစားရတတ်ပါတယ်။


ဒါကြောင့် အိပ်ရာကို အိပ်လို့ အဆင်ပြေမယ့် အနေအထား၊ သက်သောင့် သက်သာဖြစ်အောင် ၊


အနံ့အသက်ကောင်းအောင် (ရနံ့သင်းသင်းလေးတွေ မွှေးနေရင်ပိုကောင်းပါတယ်) ထားသင့်ပါတယ်။


(2) အိပ်ချိန် ထချိန်မမှန်တာ


အိပ်ရာထချိန်၊ အိပ်ရာ၀င်ချိန်ကို ပုံမှန်မသတ်မှတ်ထားရင် နေ့တိုင်းအိပ်ရာကနေ ထဖို့ အခက်အခဲ ရှိနေမှာပါပဲ။


အိပ်ချိန်ကို သေချာသတ်မှတ်ပြီး ပုံမှန် အိပ်ရာထ ၊ အိပ်ရာ၀င်တာမျိုး လုပ်ပေးရင် နေ့တိုင်း ခေါင်းကြည်ကြည်လင်လင်နဲ့ အိပ်ရာထနိုင်မှာပါ။


(3) အိပ်ခါနီး အစားစားတာ၊ အချိုရည် / ကော်ဖီ သောက်တာ


အစားအသောက်တွေကို အိပ်ချိန်နဲ့ အနည်းဆုံး (3) နာရီခန့်ခွာကာ စားသောက်သင့်ပါတယ်။


အိပ်ခါနီးမှ စားမိရင် အစာခြေရခက်ခဲသလို အိပ်ရတာလဲ အဆင်ပြေမှာ မဟုတ်ပါဘူး။


အိပ်ရာနိုးလာရင်လဲ ၀မ်းဗိုက် (သို့မဟုတ်) ကျောကုန်းတွေ နာကျင်နေတတ်ပါမယ်။


အားဖြည့်အချိုရည်နဲ့ ကိုကာကိုလာလို အချိုရည်ပြင်းပြင်းတွေ၊ ကော်ဖီတွေကလဲ အိပ်စက်ခြင်းကို အနှောင့်အယှက်ဖြစ်စေပါတယ်။


နွားနို့၊ ရေနဲ့ Detox Water တွေကိုတော့ အိပ်ခါနီး သောက်သုံးလို့ရပါတယ်။


(4) Screen Time အရမ်းများတာ


တစ်နေကုန် computer နဲ့ အလုပ်လုပ်ရသူတွေနဲ့ phone အရမ်း အသုံးပြုသူတွေဟာလဲ


မနက်အိပ်ရာထရင် ခန္ဓာကိုယ်နဲ့ မျက်လုံးတွေ ကိုက်ခဲတတ်ပါတယ်။


မဖြစ်မနေ အသုံးပြုနေရသူတွေကတော့ နာရီ၀က်တစ်ခါလောက် မျက်လုံးကို သုံးမိနစ်ခန့် အနားပေးသင့်ပါတယ်။


မျက်လုံးလေ့ကျင့်ခန်းနဲ့ ခေါင်းကို နှိပ်နယ်ပေးတာမျိုး လုပ်ပေးရပါမယ်။


အိပ်ခါနီး အနည်းဆုံး နာရီ၀က်အလိုလောက်မှာ ဖုန်းအသုံးပြုတာကို ရပ်လိုက်သင့်ပါတယ်။


(5) အိပ်ခါနီးမှ လေ့ကျင့်ခန်းလုပ်တာ


လေ့ကျင့်ခန်းကို အိပ်ခါနီးမှ လုပ်တာမျိုးကို ရှောင်သင့်ပါတယ်။


Yoga လိုမျိုး ဖြည်းဖြည်းချင်း အကြောလျော့တဲ့ လေ့ကျင့်ခန်းမျိုးကိုတော့ အိပ်ရာ၀င်ခါနီး လုပ်လို့ရပေမယ့်


ပြင်းထန်တဲ့ လေ့ကျင့်ခန်း - ကြိုးခုန်တာ၊ ပြေးတာ၊ အလေးမတာ စတဲ့ လေ့ကျင့်ခန်းတွေကိုတော့


အိပ်ရာ၀င်ချိန်နဲ့ အနည်းဆုံး (3) နာရီလောက်ခွာပြီးမှ လုပ်သင့်ပါတယ်။


(6) ဆေးသောက်ရတာ


ရောဂါတစ်မျိုးမျိုးကြောင့် ဆေးသောက်ရတာမျိုးကလဲ အိပ်ရာထဖိူ့ ခက်ခဲစေပါတယ်။


အိပ်ဆေးသောက်အိပ်တာမျိုးကလဲ အိပ်ရာထရင် မူးဝေတာမျိုးဖြစ်တတ်တာကြောင့်


အိပ်ဆေးအစား ချာမိုမိုင်း လက်ဖက်ရည်လိုမျိုး သဘာ၀အိပ်ဆေးကို အစားထိုးသင့်ပါတယ်။


အပေါ်က အချက်တွေကြောင့် အနုစား အိပ်ရာမထနိုင်ခြင်းတွေ ဖြစ်စေတတ်ပါတယ်။


ပြင်းထန်တဲ့ အခြေအနေတွေလဲရှိပါတယ်။


(1) စိတ်ကျရောဂါ


အလွန်အမင်းစိတ်ဓာတ်ကျခြင်းကြောင့် အိပ်ရာမထနိုင်ဖြစ်တတ်ပါတယ်။


(2) ရောဂါတစ်ခုခု ရှိနေတာ


အရိုးရောဂါအချို့နဲ့ ကိုယ်တွင်းအင်္ဂါရောင်ရမ်းခြင်းတွေကြောင့်လဲ ပြင်းထန်တဲ့ အိပ်ရာမထနိုင်ခြင်းတွေ ဖြစ်တတ်ပါတယ်။


ဒါကြောက့် ကိုယ့်မိသားစု၊ မိတ်ဆွေ သူငယ်ချင်းတွေထဲက အိပ်ရာထဖို့ အရမ်းခက်ခဲနေသူရှိရင် ဂရုစိုက်သင့်ပါတယ်။


တတ်ကျွမ်းတဲ့ ဆေးပညာရှင်၊ ဆရာ၀န်တွေနဲ့ ဆွေးနွေးသင့်ပါတယ်။


အပြင်းထန်ဆုံး အိပ်ရာမထနိုင်ခြင်း


နောက်ဆုံးအဆင့် အိပ်ရာထဖို့ ပြင်းထန်တဲ့ အချက်ကတော့

အပျင်းကြီးတာပါပဲ။

အပျင်းအရမ်းကြီးလွန်းရင်လဲ အိပ်ရာထဖို့ ခက်ပါတယ်နော် ?


ဒီဆောင်းပါးကို Nicolette မှ ရေးသားပါတယ် ?


⛔ ပြန်လည်ကူးယူခွင့်မပြုပါ ⛔


ဖတ်သင့်တဲ့ English စာအုပ်ကောင်းလေးတွေ၊ learning tips တွေ နဲ့ ဘာသာပြန်ဝတ္ထုတွေကို ရေးသားသွားဦးမှာဖြစ်လို့ အကောင့်လေးကို follow လုပ်သွားကြပါဦးနော် ?