ကိုယ့်ကိုယ်ကိုယ်ဘယ်လိုပြောလဲဆိုတာ ပြောင်းလိုက်ပါ။ ဘဝကိုလည်းပြောင်းနိုင်လာပါလိမ့်မယ်။

“ကိုယ့်ကိုယ်ကိုယ်ဘယ်လိုပြောလဲဆိုတာ ပြောင်းလိုက်ပါ။ ဘဝကိုလည်းပြောင်းနိုင်လာပါလိမ့်မယ်။ မပြောင်းလဲတဲ့အရာတွေကို သင်ဟာ ရွေးချယ်နေတာပါပဲ။”
ဘရုစလီ

“ခွက်ထဲမှာ ဘာမှမရှိရင် ဘာမှပေးလို့မရဘူး ဆိုတာ ကျွန်တော်တို့ သတိမထားတဲ့ ကလေး‌ တောင်သိတဲ့အမှန်တရားတစ်ခုပါ။ ကျွန်တော်တို့တွေဟာ အောင်မြင်မှု၊ဖြစ်ထွန်းမှုနောက်ကို မမောမပန်းနိုင် အ‌တောမသတ်နိုင်လိုက်ကြတယ်။ ဒါပေမယ့် စိတ်ပိုင်းနဲ့ တစ်ခါတလေ ရုပ်ပိုင်းဆိုင်ရာကတော့ ပင်ပန်းနေပေမယ့်ပေါ့။ ရလဒ်အနေနဲ့ကတော့ ထိရောက်မှုတွေလျော့ကျလာမယ်၊ လုပ်နိုင်စွမ်းတွေ နိမ့်လာမယ်၊ပေါင်းသင်းဆက်ဆံရေးမှာလည်းပွန်းပဲ့မှုတွေရှိလာမယ်။ ခွက်အလွတ်ကြီးဖြစ်နေတဲ့ သင်္ကေတပေါ့။သူတစ်ပါးကိုဂရုစိုက်နိုင်ဖို့ ကိုယ့်ကိုယ်ကိုယ်အရင် ဂရုစိုက်နိုင်ရမယ်”
လစ်ဖော့စ်လီယမ်
▪️ကိုယ့်ကိုယ်ကိုယ်ဂရုစိုက်ခြင်းအလေ့အကျင့်
ဘယ်လိုပြောင်းလဲမှုပဲလုပ်လုပ် အလေ့အကျင့်တစ်ခုအဖြစ်ကနေစသင့်ပါတယ်။ ကိုယ့်ကိုယ်ကိုယ်ဂရုစိုက်မှုအလေ့အကျင့်ဟာ ဇိမ်ခံတာမဟုတ်ပါဘူး။လိုအပ်တာပါ။ ကျန်းမာတဲ့အလေ့အကျင့်တွေ နေ့စဉ်ဘဝမှာပေါင်းထည့်ခြင်းဟာ စိတ်ပိုင်း၊ခံစားမှုပိုင်းနဲ့ရုပ်ပိုင်း ဆိုင်ရာကိုဖြည့်တင်းပေးပြီး ကျွန်တော်တို့ရဲ့ခွက်တွေကို ပြည့်စေပါတယ်။ လိုအပ်တဲ့အခါ ထိထိရောက်ရောက်လောင်းချလိုက်ရုံပေါ့။

▪️၁%တိုးတက်မှု စည်းမျဉ်း
မနက်တိုင်း(၅)မိနစ်တရားထိုင်တာ၊တစ်နေ့လုံးရေအလုံအလောက်သောက်တာ၊ အလုပ်အကြာကြီးလုပ်ပြီးတဲ့အခါ ခြေလက်ဆန့်အနားယူတာလို သေးသေးလေးတွေကနေစတင်ပါ။ အဲဒီသေးသေးလေးတွေဟာ အချိန်ကြာတာနဲ့အမျှ သိသာထင်ရှားတဲ့တိုးတက်မှုအဖြစ် ပြောင်းလာပါတယ်။ သင့်ရဲ့ခွက်ကိုဖြည့်ပေးတာပေါ့။
ကိုယ့်ကိုယ်ကိုယ်ဂရုစိုက်ခြင်းနှင့် ခေါင်းဆောင်မှု
ခေါင်းဆောင်ဆိုတာ အမြဲတုံ့ပြန်ပြီးအသင့်ရှိနေရမယ်ဆိုတဲ့ မျှော်လင့်ချက်တွေနဲ့ တာဝန်တွေပိနေတတ်ပါတယ်။ တကယ်က ထိရောက်မှန်ကန်တဲ့ ခေါင်းဆောင် ဆိုတာ ရုပ်ပိုင်းစိတ်ပိုင်းဆိုင်ရာ ကောင်းမွန်နေရပါမယ်။ ခေါင်းဆောင်တွေဟာ ကိုယ့်ကိုယ်ကိုယ် ဂရုစိုက်တဲ့ယဥ်‌ကျေးမှုတစ်ခုကိုပျိုးထောင်ဖို့ အများအတွက်ရှေ့ဆောင်လမ်းပြဖြစ်ရပါမယ်။
▪️ကိုယ့်ကိုယ်ကိုယ်ဂရုစိုက်ခြင်းဟာ အားနည်းတာမဟုတ်ပါဘူး။ကိုယ့်ကိုယ်ကိုယ်သိမြင်တာ ၊သန်မာတာ၊ကြံ့ကြံ့ခံနိုင်တာသာဖြစ်ပါတယ်။ အမြင့်ဆုံးစွမ်းအားကိုရောက်စေဖို့ ၊ပိုကောင်းတဲ့ဆုံးဖြတ်ချက်တွေချနိုင်ဖို့၊ ဖိစီးစရာတွေကိုထိထိ‌ရောက်ရောက်ကိုင်တွယ်ဖို့နဲ့ အနီးကလူတွေကို စိတ်အားတက်ကြွစေဖို့ ကူညီပေးပါတယ်။
▪️ကိုယ့်ကိုယ်ကိုယ်ဂရုစိုက်ခြင်းနှင့် အလုပ်တွင်ကျယ်မှု
အလုပ်တွင်ကျယ်မှုဆိုတာ ချရေးထားတဲ့တာဝန်တွေကို ပြီးမြောက်မှုထက်ပိုပါတယ်။ စွမ်းအင်တွေကိုစီမံခန့်ခွဲတာပါ။ အချိန်ကိုမဟုတ်ပါဘူး။ သင်ဟာ ကောင်းမွန်စွာအနားယူပြီး စိတ်အေးချမ်းနေတဲ့အခါ အလိုအလျောက်ပိုပြီး အင်အားရှိတာတယ်၊အာရုံစူးစိုက်မှုကောင်းလာတယ်၊ ကျင်လည်လာတယ်။ အဲဒါစွမ်းအင်တွေကို အလုပ်၊ပေါင်းသင်းဆက်ဆံရေးနဲ့ ဝတ္တရားတွေထဲ လောင်းထည့်လိုက်ရုံပါ။
▪️ကိုယ့်ကိုယ်ကိုယ်ဂရုစိုက်ခြင်းနှင့် ကိုယ့်ကိုယ်ကိုယ်ပြောသောစကားများ: စကားတို့၏အစွမ်း
ဂရုစိုက်မှုအပြင် လူတွေကျော်သွားတဲ့အချက်တစ်ခုရှိပါတယ်။ ကိုယ့်ကိုယ်ကိုယ်ပြောတဲ့ စကားတွေရဲ့စွမ်းအားပါပဲ။
“ကိုယ့်ကိုယ်ကိုယ်ဘယ်လိုပြောလဲဆိုတာ ပြောင်းလိုက်ပါ။ ဘဝကိုလည်းပြောင်းနိုင်လာပါလိမ့်မယ်။ မပြောင်းလဲတဲ့အရာတွေကို သင်ဟာ ရွေးချယ်နေတာပါပဲ။” လို့ ကိုယ်ခံပညာဂုရုနဲ့ အတွေးအခေါ်ပညာရှင် ဘရုစလီကပြောဖူးပါတယ်။
ဒီအဆိုအမိန့်ဟာ ကိုယ့်ကိုယ်ကိုယ်ဂရုစိုက်မှုနဲ့ လေးလေးနက်နက်ဆက်သွယ်နေပါတယ်။ ကိုယ့်ကိုယ်ကိုယ်ပုံဖော်ဖို့ပြောတဲ့စကားတွေနဲ့ အတွေ့အကြုံတွေဟာ ကျွန်တော်တို့ရဲ့ စိတ်ပိုင်းနဲ့ခံစားချက်ပိုင်းဆိုင်ရာကောင်းဖို့တွက် အဓိကအကျိုးသက်ရောက်မှုရှိပါတယ်။ ကိုယ့်ကိုယ်ကိုယ်ပြောတဲ့စကားတွေဟာ ကျွန်တော်တို့ကို တိုးတက်စေနိုင်သလို ‌ဖြိုချစေနိုင်ပါတယ်။
▪️ကိုယ့်ကိုယ်ကိုယ်အကောင်းမြင်စကားပြောရန်အလေ့အကျင့်ပျိုးထောင်ခြင်း
စိတ်ပိုင်းရုပ်ပိုင်းဆိုင်ရာ ဂရုစိုက်မှု အလေ့အထတွေလိုပါပဲ။ ကိုယ့်ကိုယ်ကိုယ်ပြောတဲ့ပုံစံကိုလဲ တူညီတဲ့နည်းလမ်းနဲ့ အသုံးချနိုင်ပါတယ်။ ကိုယ့်အကြောင်းကိုယ်ပြောတဲ့၊တွေးတဲ့အခါ သတိနဲ့ယှဉ်ပြီးပြောဖို့အလေ့အကျင့်လုပ်ပါ။ အဆိုးပြောနေကျကနေ အကောင်းမြင်တဲ့ ခွန်အားပေးတဲ့ စကားလုံးတွေအဖြစ် ပြောင်းလဲပါ။ အပြစ်အနာအစာတွေကိုလျစ်လျူရှုရမယ်လို့မဆိုလိုပါဘူး။ အဲဒါတွေကို သင်ယူဖို့၊ ပိုကြီးထွားဖို့ အတွက်သုံးပါ။ ဥပမာ- “ငါကဒီမှာညံ့လိုက်တာ”လို့ ပြောမယ့်အစား”ငါဟာသင်ယူတိုးတက်နေဆဲပါလား”လို့ ပြောနိုင်ပါတယ်။ ကိုယ့်ကိုယ်ကိုယ် ဂရုစိုက်မှုဟာ နေ့စဉ်အလုပ်ထဲမဖြစ်မနေပါရမယ့် လုပ်ငန်းပါ။ရေစက်တစ်စက်တိုင်းဟာ အရေးပါသလိုပဲကိုယ့်ခွက်ဟာကိုယ်ဖြည့်တာပဲပြည့်မယ်ဆိုတာသတိရပါ။