သောကြာညအတွေးများ

သောကြာနေ့....
TGIF...

ဝန်ထမ်းဘဝရဲ့ အကြိုက်ဆုံးအရာတွေထဲက တစ်ခုကို ပြောကြည့်ပါဆို ​ကျွန်မရဲ့အဖြေကတော့ သောကြာနေ့ပါပဲ...ဘဝတူ ဝန်ထမ်းလေးတွေလည်း ဒီအ​ဖြေကို သဘောတူလိမ့်မယ်လို့ ထင်မိပါတယ်...

Monday ကစတင်လို့ အရှိန်ပြင်းပြင်းနဲ့ ခုတ်မောင်းလာတဲ့ ရထားကြီး...

Tuesday...Wednesday တွေမှာ အမြင့်ဆုံးအရှိန်
မရောက်ရောက်အောင် တင်ပြီး အားယူဖြတ်သန်းရင်း...

Thursday မနက်မှာတော့...Weekend လေးတွေ ရောက်ဖို့နီးလာပါပြီဆိုတဲ့ မျှော်လင့်ချက်လေးနဲ့ စတင်ပြီး ​အလိုလိုတက်ကြွနေပါတော့တယ်...

Friday Morning ဆိုရင် အများအားဖြင့် အလိုလိုစိတ်ကြည်နေတတ်ပါတယ်...အရင်နေ့တွေက လမ်းမှာတွေ့တုန်း စိတ်ရှုပ်လို့ဆိုပြီး မပြုံးပြချင်တဲ့သူတွေကိုတောင် အလိုလိုနေရင်း အပြုံးလေးနဲ့ စတင်မယ်ဆိုတဲ့စိတ်နဲ့ ချိုမြမြအပြုံးလေးတွေ ပေးတတ်နေပါတယ်...စွမ်းအားကြီးလိုက်တဲ့ Friday Mood ကြီးပါပဲ...

Friday ညနေခင်းမှာတော့ ရွေးချယ်စရာ​တွေနဲ့ပေါ့
တစ်ပတ်လုံးလုံး အလုပ်ကြိုးစားခဲ့တဲ့ ငါ့ကိုယ်ငါ ဆုချသင့်တယ်ဆိုတဲ့ ခေါင်းစဥ်နဲ့ hot pot စားရင်ကောင်းမလား..."လိုချင်နေတဲ့ ဖိနပ်လေးပဲ ဝယ်ပေးလိုက်ပါလား ဆု​အနေနဲ့ပေါ့" လို့လည်း
ကိုယ်စောင့်နတ်က အကြံပြုပြန်သေးတော့ မျှမျှတတဖြစ်အောင် ဆုနှစ်ခုပေးလိုက်ရမလား ဝေခွဲရခက်နေပြန်ပါသေးတယ်...

Friday Night ကတော့ system breakdown ချသလိုတပတ်လုံး run ထားတဲ့ ခန္ဓာကိုယ်ကြီးကို ကောင်းမွန်​စွာ အိပ်စက်စေလိုက်ပါတယ်...ချိုမြိန်လှတဲ့ Saturday Sunday ကို ဖြတ်သန်းမယ့် plan တွေ စဥ်းစားရင်းပေါ့...

Friday ဆိုတဲ့ အချိန်က ဝန်ထမ်းတွေအတွက်တော့ အချိုမြိန်ဆုံးအချိန်တစ်ခုပါပဲလားလို့ တွေးရင်းသောကြာနေ့ည အတွေးတွေကို နိဂုံးချုပ်အဆုံးသတ်ရင်း Weekend များတွင်သာမက Weekday များမှာပါ ပျော်ရွှင်ပါစေကြောင်း
ဆုမွန်ကောင်းတောင်းလျှက်....

#Friday
#TGIF