ရိန်ဇော်
မန္တလေးလို့ပြောတဲ့အခါ
ခြင်မကိုက်ရင် မပြည့်စုံဘူး
တစ်မြို့လုံးကို
အလိုဆန္ဒဆိုတဲ့ခြင်တွေ ကိုက်နေကြတယ်
နန်းမြို့ရိုးနဲ့ ကျုံးကြီးကိုကြည့်ပြီး
အမောဖြေကြတယ်
အမောပြေကြတယ်
မန္တလေးမြို့ကြီးသားတွေတဲ့
မင်းတုန်းမင်းကြီး ရီလိမ့်မယ်
မြိုရိုးနဲ့ကျုံးအပြင်က တောသားတွေကို
မြို့ကြီးသားတွေလို့ ခေါ်တယ်
သွင်ပြင်အရ
မန္တလေးမှာ သစ်သီးဖျော်ရည်ဆိုင်တွေက
သစ်သီးတွေလို စီနေတယ်
ဒုတ်ထိုးဆိုင်တွေက
ဒုတ်ထိုးထားသလိုပဲ
အင်္ကျီဆိုင်တွေက
ကြယ်သီးတွေလို စီ နေတယ်
ရှေးဟောင်းယဉ်ကျေးမှုက
မိုးမျှော်တိုက်တွေလို မြင့်မားပြီး
မိုးမျှော်တိုက်တွေကတော့
ရှေးဟောင်းတွေကို စျေးပြိုင်ကြတယ်
မန္တလေးရဲ့စက်ဘီးတွေကို
ဆိုင်ကယ်တွေနဲ့ လဲလိုက်ကြတယ်
စက်ဘီးတွေက မဆူညံပေမယ့်
ဆိုင်ကယ်သံတွေကတော့ ဆူညံပေါက်ကွဲတယ်
ဆေးရုံအခန်းတွေမှာလည်း
ဆိုင်ကယ်သံတွေ ဆူညံတယ်
မန္တလေးက လူတွေက
မြို့ရိုးနဲ့ ကျုံးကြီးကို လာကြည့်ကြတယ်
ပြီးတော့ပြန်သွားကြတယ်
သူတို့ရဲ့ စိတ်တွေကတော့
မြို့ရိုးပေါ်မှာ ကျန်ခဲ့ကြတယ်
ဘယ်တော့မှ မလွတ်မြောက်ကြတော့ဘူး
ရိန်ဇော်
#reinzaw
Keep Reading