British နဲ့ American English ရဲ့ အဓိက ကွာခြားချက်များ

English ဘာသာစကားဟာ ကမ္ဘာသုံးအဖြစ်သတ်မှတ်ထားခြင်းခံရပြီးတော့ English စကားပြောသူတွေလဲ သန်းနဲ့ချီပြီးရှိပါတယ်။


လူသန်းပေါင်းများစွာ အသုံးပြုနေတဲ့ ဘာသာစကားဟာ တစ်နေရာနဲ့ တစ်နေရာ အသံထွက်တွေ၊ စာရေးနည်းပုံစံတွေ မတူကြတာကို မိတ်ဆွေတို့ သတိပြုမိကြမှာပါ။


ဒီထဲမှာမှ British နဲ့ American English ဟာ လူသုံးအများဆုံးဖြစ်ပြီး ကွာခြားချက်တွေလဲ များပါတယ်။


အခုဆောင်းပါးထဲမှာတော့ British နဲ့ American English ဘာတွေ အဓိက ကွာခြားသွားလဲဆိုတာ ဖတ်ရှုရမှာဖြစ်ပါတယ်။



(1) Spelling (စာလုံးပေါင်း)


စာလုံးပေါင်းက British နဲ့ American English ရဲ့ အကြီးမားဆုံးကွဲပြားချက်ဖြစ်ပါတယ်။


အဓိပ္ပာယ်တူတဲ့ စာလုံးတွေတောင် စာလုံးပေါင်းမတူကြပါဘူး။ စာလုံးပေါင်းမတူတဲ့ စကားလုံးတွေ British နဲ့ American မှာ အများကြီးရှိပါတယ်။


ဉပမာ - British English က သဘောပေါက်သည် ကို realise လို့ပေါင်းပေမယ့် American English ကတော့ realize လို့ပေါင်းပါတယ်။


American က S နေရာမှာ Z ကို သုံးရတာ သဘောကျပါတယ်။ (-ise) လို့ မပေါင်းဘဲ (-ize) လို့ပဲ ပေါင်းကြပါတယ်။



(2) Vocabulary (ဝေါဟာရ)


ဝေါဟာရ ကွာခြားမှုကလဲ မျက်စိလည်ဖို့ကောင်းလောက်အောင်များပါတယ်။


British တွေက ဓာတ်လှေကားကို lift လို့ သုံးပေမယ့် အမေရိကန်တွေက elevator ပါတဲ့။


ဒီလိုကွဲပြားတဲ့ ဝေါဟာရတွေ အများကြီးရှိပါတယ်။



(3) Pronunciation (အသံထွက်)


စကားစပြောလိုက်တာနဲ့တင် ဒီလူက American လား British လား သိသာစေတဲ့အထိကို အသံထွက်တွေ ကွဲပြားပါတယ်။


British တွေရဲ့ စံပြအသံထွက်နည်းက Received Pronunciation (RP) လို့ခေါ်ပြီး


American တွေရဲ့ စံပြအသံထွက်နည်းကတော့ General American (GA or GenAm) ဖြစ်ပါတယ်။


စံပြအသံထွက်တင်မကဘဲ နိုင်ငံတစ်နိုင်ငံထဲမှာတင်ကို ဉပမာ - American ဆိုရင် a southern drawl, a Yankee whine နဲ့ a midwestern twang ဆိုပြီး အသံထွက်တွေ ဒေသအလိုက် မြို့နယ်အလိုက် ကွဲပါသေးတယ်။



(4) Grammar (သဒ္ဒါ)


အခြေခံသဒ္ဒါစည်းမျည်းတွေ တူညီပေမယ့်လဲ အနည်းငယ်ကွဲပြားတာလေးတွေတော့ ရှိပါတယ်။


American တွေက present perfect tense သုံးရမယ့်နေရာမှာ past simple tense ကို သုံးရတာ ပိုကြိုက်ကြပါတယ်။


ဒါ့အပြင် preposition နဲ့ idiomatic expression အသုံးအနှုန်းတွေလဲ ကွဲပါသေးတယ်။



(5) Date and Time Format (နေ့စွဲနဲ့ အချိန်)


နေ့စွဲနဲ့ အချိန် ရေးသားသတ်မှတ်ပုံတွေလဲ ကွာခြားပါတယ်။


American တွေက နေ့စွဲတွေကို month/day/year နဲ့ရေးပါတယ် နာရီကိုတော့ 12-hour clock system သုံးပါတယ်။


British တွေကတော့ နေ့စွဲတွေကို day/month/year နဲ့ရေးပြီး နာရီကိုတော့ 24-hour clock system သုံးကြပါတယ်။


ကွာခြားချက်တွေများပေမယ့်လဲ American နဲ့ British တွေ အလွယ်တကူပဲပြောဆိုဆက်သွယ်နိုင်ကြပါတယ်။ တစ်ယောက်ပြောတာ တစ်ယောက်နားလည်ကြပါတယ်။


တခြားအသုံးများတဲ့ English သုံးနည်းတွေကတော့ Canadian English နဲ့ Austrian English ပဲ ဖြစ်ပါတယ်။


သူတို့နှစ်ခုကလဲ American English, British English တွေနဲ့မတူဘဲ သူတို့နည်း သူတို့ဟန်နဲ့ ကွဲပြားကြပါတယ်။


ဒါဆိုရင် ဘယ် English ကို လေ့လာရမလဲ………..?


ကိုယ်က နိုင်ငံခြားသွားဖို့ပြင်နေတယ်ဆိုရင် ကိုယ်သွားမယ့်နိုင်ငံက သုံးတဲ့ English ကို လေ့လာပါ။


ဉပမာ UK သွားမှာဆိုရင် British English လေ့လာတာ အကောင်းဆုံးပါ။


US,UK,Canada နဲ့ Austria တို့ကလွဲရင် ကျန်တဲ့နိုင်ငံတွေကတော့ ရောပြောကြတာများပါတယ်။


မြန်မာမှာလဲ ရောပြောကြပါတယ်။


ဒါကြောင့်ကိုယ်ကြိုက်တဲ့ English အသုံးအနှုန်းကို လေ့လာပါ။


ဖတ်ရှုပေးသူတစ်ယောက်ချင်းစီကို ကျေးဇူးတင်ပါတယ်။ English စာတွေ လေ့လာရလွယ်ပြီး မြန်မြန်တိုးတက်ကြပါစေ ✌?


ဖတ်သင့်တဲ့ English စာအုပ်ကောင်းလေးတွေ၊ learning tips တွေ နဲ့ ဘာသာပြန်ဝတ္ထုတွေကို ရေးသားသွားဦးမှာဖြစ်လို့ အကောင့်လေးကို follow လုပ်သွားကြပါဦးနော် ?