ဆောင်းပါးရေးနည်း (အပိုင်း-၁)

ဆောင်းပါးဆိုတာဘာလဲ

မြန်မာအဘိဓာန် စာ-၁၂၂တွင်

• လူလွှတ်၍ဖြစ်စေ၊လူကြုံတွင်အပ်၍ဖြစ်စေ ရပ်ဝေးသို့ ပေးပို့လိုက်သော ပစ္စည်း စာ။
• သတင်းစာ၊မဂ္ဂဇင်းစသည်တို့တွင်ဖော်ပြသည့် ဗဟုသုတဆိုင်ရာစာတမ်း။

ဟုဖော်ပြထားပါသည်။
ဆောင်းပါး၊ဆောင်ပါး၊လက်ဆောင်ပါး။စာပေနဲ့ဗဟုတမျှဝေပေးတဲ့ စာပေအမျိုးအစား၊လက်ဆောင်ပေးတဲ့စာ၊လက်ဆောင်ပါးတဲ့စာဟု အဓိပ္ပါယ်ဖွင့်နိုင်ပါတယ်။
ဆောင်းပါးကနေ ဗဟုသုတရေးရာအဖြာဖြာကိုရေးသားပြီး စာဖက်သူကို အကျိုးပြုအသိပေးခြင်း၊ဆုံးမညွှန်ပြ၊သုတမျိုးစုံကို လိုအပ်သလိုအသုံးချ၊ဘဝတိုးတက်အောင်စွမ်းဆောင်နိုင်ပါတယ်။
ဆောင်းပါးသည် ပဓာနအားဖြင့် သိမှတ်ဖွယ်ရာသုတများကို စကားပြေဖြင့်ရေးသောစာဖြစ်သည်။စာရေးသူကစာဖက်သူကိုသုတပေးရာ၌ ဖက်ချင်စဖွယ်ဖြစ်အောင် ရေးသားထားပြီးစာဖက်သူအဖို့ သိမှတ်ဖွယ်ရာသုတသာမက စိတ်ထဲတွင်နှစ်သက်ရသော ရသပါတပါတည်းရရှိခံစားနိုင်ပါသည်။ဆောင်းပါးကို သုတစာသက်သက်အဖြစ်လည်းကောင်း၊သုတရသရောယှက်နေသောစာအဖြစ်လည်းကောင်းတွေ့မြင်နိုင်ပါသည်။
ဆောင်းပါးနှင့်ပတ်သက်၍ မှတ်သားဖွယ်ရာအချက်များကို ရှေးဦးသိဖွယ်အဖြစ် အချို့သောအချက်များကိုဖော်ပြပေးပါမည်။

• ဆောင်းပါး၌ အကြောင်းအရာများက ဦးနှောက်မှလာပါသည်။
• သုတကိုပေးသည်။ရသကိုပေးသည်။
• ခပ်စိမ်းစိမ်းပြောဟန်ရှိသည်။
• အေးစက်စက်နိုင်သည်။
• အကြောင်းအရာကထင်ပေါ်ပြီး စာရေးသူကပျောက်နေသည်။

အမျိုးအစားတွေမှာလည်း ဆောင်းပါးကို-

• စာပေရေးရာဆောင်းပါး
• နိုင်ငံရေးဆောင်းပါး
• လူမှု့ရေးဆောင်းပါး
• ယဥ်ကျေးမှု့ဆိုင်ရာဆောင်းပါး
• စီးပွားရေးဆောင်းပါး
• ဘာသာရပ်ဆိုင်ရာဆောင်းပါး
• သတင်းဆောင်းပါး

ဟူ၍ အကြမ်းဖျင်းခွဲခြာနိုင်ပါသည်။

စာပေရေးရာဆောင်းပါး
စာပေရေးရာဆောင်းပါးတွင်

1. စာအုပ်ထုတ်ဝေကြောင်းအသိပေးဆောင်းပါးများ
2. စာအုပ်သုံးသပ်ရေးဆောင်းပါးတိုများ
3. စာအုပ်သုံးသပ်ရေးဆောင်းပါးရှည်များ
4. စာပေဝေဖန်ရေးဆောင်းပါးများ
5. စာပေလေ့လာရေးဆောင်းပါးများ

• သမိုင်းနှင့်ခေတ်ကိုလေ့လာသောဆောင်းပါး
• နိုင်ငံရေးသဘောကိုလေ့လာသောဆောင်းပါး
• လူမှု့ရေးကိုလေ့လာသောဆောင်းပါး
• စိတ်ကိုအခြေခံ၍လေ့လာသောဆောင်းပါး
• စာပေအနုပညာကိုလေ့လာသောဆောင်းပါး
• စာ၏အဓိပ္ပါယ်ကိုလေ့လာသောဆောင်းပါး
• စာ၏ပုံစံကိုလေ့လာသောဆောင်းပါး
• စာ၏အရည်အသွေးကိုလေ့လာသောဆောင်းပါး
• စာရေးသူကိုလေ့လာသောဆောင်းပါး

6.စာပေရေးရာဘာသာပြန်ဆောင်းပါးများ
ဟူ၍ပါဝင်နေပါသည်။

စာပေရေးရာဆောင်းပါးများရေးသားခြင်း၌ ပါဝင်ရမည့်အချက်ကြီး(၄)ချက်-
တိုကျဥ်း၊ကိုးမှန်
ရေးထုံးမှန်၊အားခွန်ရှိရမည်။
ပိုင်နိုင်ချက်ကျ၊သင့်တော်မှ
ဝါကျကျစ်လျစ်မည်။

1. တိုတိုကျဥ်းကျဥ်းရေးဖွဲ့ရမည်။
2. အကိုးအကားမှန်ရမည်။
3. ရေးထုံးမှန်ရမည်။
4. ခွန်အားရှိသောစာဖြစ်ရမည်။

• တိုတိုကျဥ်းကျဥ်းရေးဖွဲ့ဖို့ အကြောင်းအရာကိုပိုင်နိုင်နေရမည်။
• အကိုးအကားမှန်ကန်မှ အချက်ကျကျရေးနိုင်မည်။
• သင့်လျော်သောအသုံးအနှုန်းရွေးချယ်တက်မှ ရေးထုံးမှန်ကန်နေမည်။
• ကြံ့ခိုင်ကျစ်လျစ်သောဝါကျကိုရေးသားမှ ခွန်အားရှိသောစာကိုရရှိမည်။

ဤသို့ပါဝင်ရမည့်အချက်တွေအပြင် အခြေခံထားဖို့အချက်တွေလည်းရှိပါသေးသည်။အခြေခံထားရမည့်အချက်(၅)ချက်-
ပိုင်နိုင်ကိုးကား၊စိတ်ကူးများ
အနုပညာအဆင့် အမြင့်မြင့်။

1. မိမိသိသည်ကိုသာ ပိုင်နိုင်စွာရေးရမည်။
2. အကိုးအကား၊အဆိုအမိန့် အဆင့်မြင့်ရမည်။
3. စိတ်ကူးဟန်မြင့်မားရမည်။
4. အနုပညာကိုမြင့်သည့်ဘက်သို့သာ ညွှန်ပြရမည်။
5. အမြင်ကျယ်သောဘက်ကိုသာ ညွှန်ပြရမည်။

ဟူသည့် အချက်(၅)ချက်အား ဆောင်းပါးရေးသူတိုင်း အခြေခံထားကြရသည်သာဖြစ်သည်။
ဆောင်းပါးကိုစရေးတော့မည်ဆိုသူများအဖို့ ညွှန်ကြားချက်အနေနဲ့ ဆောင်းပါးရေးသူသို့ညွှန်ကြားချက်(၄)ချက်-
ရွေးချယ်၊ရှာတက်၊သုံးသပ်၊ရှင်းနိုင်စေ။

1. အကြောင်းအရာရေးတက်ရမည်။
2. ရေးလိုသည့်အချက်များရှာတက်ရမည်။
3. သုံးသပ်နိုင်ရမည်။
4. စာဖက်သူနားလည်အောင်ရှင်းပြနိုင်ရမည်။

နောက်ဆုံးအနေနှင့် ဆောင်းပါးကိုပုံစံဖြင့်အနှစ်ချုပ်လိုက်ပါက-

• နိဒါန်း-အကြောင်းအရာကို တိုက်ရိုက်ရေးချရန်၊အကျယ်ရှင်းရန်မလို။
• စာကိုယ်-အချက်အလက်အထောက်အထား၊အကိုးအကားမှန်ကန်တိကျခိုင်လုံရန်။
• နိဂုံး-အသစ်တစ်ဖန်ပြန်မရေးရန်၊အနှစ်ချုပ်မှန်ရန်။

ဟူ၍ မှတ်သားနိုင်ပါသည်။


#Myat MK