Default Profile Photo

SarPhat User

19/04/2024

သုံးစိတ် နဲ့ သုံးဘဝ (အပိုင်း ၁)

2 mins read
General Knowledge
Culture
18 Again
သုံးစိတ် နဲ့ သုံးဘဝ (အပိုင်း ၁)'s photo

အပိုင်း (၁)

တစ်နေ့၌ ဦးဖိုးဆိတ်ကြီး အိမ်ရှေ့ကွပ်ပျစ်တွင် လဲလျောင်းနေစဉ် ဦးဖိုးဆိတ်ကြီး၏ အိမ်သို့ စပါး ၆ တင်း၊ ဘူး၊ ခရမ်း၊ သခွား စသော ခြံထွက် အသီးအနှံများ သယ်လာသော နွားလှည်း တစ်စီး ရုတ်တရက် ဝင်လာသည်။ ထိုအခါ ဦးဖိုးဆိတ်ကြီးသည် သူမသိသော သူများ ရုတ်တရက် သူ့အိမ်ထဲသို့ ဝင်လာသောကြောင့် လဲလျောင်းနေရာမှထကာ မျက်မှောင်းကြုတ်၍ ကြည့်ကာ စူးစမ်းနေတုန်းမှာပင် ထိုလှည်းပေါ်မှ ၆နှစ် အရွယ် ကလေးတစ်ယောက်သည် ဝုန်းခနဲ ခုန်ဆင်း၍ ဦးဖိုးဆိတ်ဆီသို့ အပြေးဝင်လာလေသည်။ ထိုအချိန်တွင် “ဟဲ့ သားကလေး၊ လူ‌လေး မပြေးနဲ့လေ၊ ချော်လဲမယ်လေ” ဟုအော်၍ အနောက်မှ မိခင်ဖြစ်သူ နှင့် ဖခင်ဖြစ်သူက အော်၍ အနောက်ကနေလိုက်လာသည်ကိုလည်း ဦးဖိုးဆိတ်ကြီး ကြားလေသည်။ မိဘနှစ်ဦးစလုံး အိမ်ထဲသို့ ရောက်သောအခါ အိမ်ပေါ်တွင် အသက် ၆၀ မျှရှိသောလူအိုကြီးအား သူတို့၏သားကလေးက လက်ညှိုး ငေါ့ငေါ့ ထိုး၍ ပြောနေတာကို မြင်တော့လေသည်။
“ဟေ့ကောင် ဖိုးဆိတ်၊ ငါဘယ်သူလဲသိလား” ဟု ကလေးငယ်က အော်လေသည်။
“အောင်မယ် ဒီမလောက်လေး မလောက်စား ကလေးက ငါ့ကို နာမည် တပ်ပြီးခေါ်ရအောင် မင်းမိဘတွေမရှိဘူးလား” ဟု ဦးဖိုးဆိတ်က ဒေါသတကြီး ပြန်အော်လေသည်။
“တောင်းပန်ပါတယ် ဦးကြီးရယ်၊ သားကလေးက အခု အသက် ၆ နှစ် မှ စကားပြောတာကြောင့် အလိုလိုက်ထားပြီး သေချာမဆုံးမမိတဲ့ ကျွန်မတို့ ညံ့လို့ပါ” ဟုကလေး၏ မိခင်က ဦးဖိုးဆိတ်အားပြောသည်။
“ဟဲ့ ကလေး လူကြီး ကို သေချာ ပြန်တောင်းပန်လိုက်စမ်း”
“ မတောင်းပန်ပါဘူး အမေရာ၊ သူကသာ သားကိုတောင်းပန်ရမှာ”
“ဟေ့ကောင် ဖိုးဆိတ် မင်းငါပြောတာတွေကို အခုကစပြီး သေချာနားထောင်စမ်း၊ အဖေတို့ အမေတို့လည်း နားထောင်ပါ” ဟူ၍ ထို ကလေးငယ်မှာ ဖြစ်ကြောင်း ကုန်စင် ပြောပြလေတော့သည်။
လွန်ခဲ့သော နှစ်ပေါင်း ၃၀ ကပင်ဖြစ်သည်။ မောင်ဖိုးဆိတ် နှင့် မောင်လေတုတ် တို့မှာ ငယ်ပေါင်းငယ်ဖော် သူငယ်ချင်းအရင်းကြီးများ ဖြစ်ကြသည်။ သူတို့နှစ်ယောက်သည် ကြက်တိုက်ရသည် ကိုလည်း အလွန်ပင် ဝါသနာ ပါသူများဖြစ်ကြသည်။ ရွာပေါင်းစုံ နေရာပေါင်းစုံ လှည့်လည်၍ ကြက်တိုက် အလောင်းအစား လုပ်ကြလေ့ရှိကြသည်။ တစ်နေ့၌ မောင်ဖိုးဆိတ် နှင့် မောင်လေတုတ် တို့ ကြက်တိုက်ပြီးအပြန် မောင်လေတုတ်သည် သူ့အိမ်၌ ဆန်ကုန်နေသောကြောင့် ဆန်မဝယ်ဖြစ်ခင် ဆန်သုံးစိတ် အား မောင်ဖိုးဆိတ် ဆီမှ ချေးလေ၏။ ဆန်ချေးပြီး အိမ်အပြန်လမ်း၌ ပိုးထိ၍ ဆုံးပါးသွားလေ၏။ ထို ချေးထားသော ဆန်သုံးစိတ်အား စိတ်စွဲပြီး သေရသောကြောင့် မောင်ဖိုးဆိတ်ဆီ၌ တိုက်ကြက်ကြီးဖြစ်ရသည်။ မောင်ဖိုးဆိတ်သည် သူ့အိမ်ရှိ ကြက်မကြီး တိုက်ကြက်လှလှလေး မွေးပေးသောကြောင့် အလွန်ပင်ပျော်နေလေသည်။ ထို မောင်လေတုတ်တိုက်ကြက်ကြီးကြောင့် ပွဲတိုင်းတွင်လည်း မောင်ဖိုးဆိတ်က အမြဲအနိုင် ရလေသည်။ သူ့တိုက်ကြက်ကြီးအား အမြဲ ဖေ့သားကြီး ဖေ့သားကြီး ဟုခေါ်၍ စားကောင်းသောက်ဖွယ် များများကျွေးလေ့ရှိတယ်။ နိုင်ပွဲတွေများလာသောကြောင့် မောင်ဖိုးဆိတ်မှာ ပို၍ပို၍ လောဘစောတက်လာသည်။ မနားတမ်း တိုက်ရသောကြောင့် ပင်ပန်းပြီး တစ်ခါတလေ ရှုံးခဲ့သော မောင်လေတုတ်တိုက်ကြက်ကြီးမှာ မောင်ဖိုးတုတ်ရိုက်တာလည်း တစ်ခါတစ်ခါခံရသေးသည်။ တနေ့သောအခါ မောင်လေတုတ်လူ့ဘဝကတည်းကပင် မနိုင်ခဲ့သော မောင်လေတုတ်နှင့် ကိုဖိုးဆိတ် တို့၏ ရန်ညှိုးရန်ဖက် ဖြစ်သော တစ်ဖက်ရွာသို့ ပြိုင်ဖက် ကြက်တိုက်သမား ဆီသို့ ကြက်သွားတိုက်သည်။ ရွာသို့သွားသော လမ်းတစ်လျှောက်တွင်လည်း မောင်လေတုတ်တိုက်ကြက်ကြီးမှာ တွေ့သမျှပွဲ အကုန် အနိုင်ယူပေးရသေးသည်။ ထို့သို့ဖြင့် ရွာသို့ရောက်သောအခါ မောင်လေတုတ်မှာ မနားတမ်း တိုက်ခဲ့ရသောကြောင့် အလွန်ပင်ပန်းကာ ပြိုင်ဖက်ကြက်နှင့် တိုက်ရန် အားမရှိတော့ပေ။ ထို့ကြောင့် မတိုက်ခင်မှာပင် မောင်လေတုတ်သည် မောင်ဖိုးဆိတ်အား ကတွတ်ကတွတ်ဖြင့် ဆက်တိုက်အော်ကာ မောင်ဖိုးဆိတ်၏ ခြေထောက်ကို ခေါင်းနှင့်ပွတ်၍ မတိုက်ချင်ကြောင်း ပြလေသည်။ သို့သော် မောင်ဖိုးဆိတ်မှာ တိုက်ကြက်ကြီးအား “သွားကွာ အနိုင်ယူစမ်းပါ” ဟုအော်၍ ခြေထောက်ဖြင့် ကန်ထုတ်လိုက်လေသည်။ ထို့သို့ ထပ်ခါ ထပ်ခါ ဖြစ်လာသောအခါ တိုက်ကြက်ကြီးလည်း မတတ်နိုင်ပဲ တိုက်ရလေသည်။ တိုက်သောအခါ ရှုံးလေသည်။ မောင်ဖိုးဆိတ်လည်း စိတ်တို၍ အိမ်သို့ပြန်လာကာ တိုက်ကြက်ကြီးအား ခြေထောက်နှစ်ချောင်းမှ ကိုင်၍ အိမ်နံရံဖြင့် ရိုက်လေသည်။ တိုက်ကြက်ကြီးမှာ နာလွန်း၍ အသံကုန်ခြစ်အော် နေရလေသည်။ ရိုက်လို့ဝသွားသောအခါ မြေပြင်ပေါ်သို့ ပစ်ချလိုက်လေသည်။ ရိုက်ခံရပြီး နာကျဉ်လှသော ဒဏ်ကြောင့် မအော်နိုင်၊ မပြေးနိုင်၊ မြေပြင်ပေါ်လဲနေသောအချိန်မှာတင် မောင်ဖိုးဆိတ် တို့အိမ်ရှိ နွားမကြီး ကတက်နင်းမိကာ တိုက်ကြက်ကြီး မောင်လေတုတ် အသက်ထွက်ရလေသည်။

အပိုင်း (၂) မျှော်............

Keep Reading

မိတ်ဆွေမှရန်သူဖြစ်သွားခြင်းစာစောင်နှစ်ဆယ့်ရှစ်-လက်ကျန်အချိန်တိုလေးUC Berkeley တက္ကသိုလ်ရဲ့ ကွန်ပျူတာသိပ္ပံ ပါမောက္ခ Ion Stoica စိတ်ရှည်ပါ။Ernest Hemingway ဘဝဟာသများစပါတာကပ်စ်ကျဆုံးခန်းဆီလီကွန်ဗယ်လီမှာ မက်လောက်စရာ အကောင်းဆုံး အလုပ်ပျော်စရာနေ့The Gentleman in the ParlourEden (2025) ရုပ်ရှင်တကယ်ကောင်းတယ်