နှလုံးသားတွင်ပျိုးခဲ့သည့်ပန်းပေါင်းရှစ်သောင်းလေးထောင်

နှလုံးသားတွင်ပျိုးခဲ့သည့်ပန်းပေါင်းရှစ်သောင်းလေးထောင်

"တခါတရံ လေအလာတွင်
ရွာလယ်ပေါင်းကူး တံတားဦးမှ..
ဆိတ်ဖလူးနံ့ ရွာလုံးပျံ.၏"

ဆရာဗန်မော်ညိုနွဲ့ရဲ့ ကဗျာလေးအတိုင်း အိပ်ရှေ့၀ရံတာမှာရပ်လိုက်သည်နှင့် ခြံရှေ့ဆိတ်ဖလူးပန်းပင်မှ အပွင့်တို့လှိုင်လှိုင်‌ပွင့်ကာဝေဆာနေသော ဆိတ်ဖလူးပင်မှအနံ့သင်းသင်းလေး ဆွဲငင်ရာနောက် ကျွန်မအကြည့်ရောက်စေပြီ…

ဆိတ်ဖလူးပန်းတို့ ပွင့်လေပြီ…..

သည်ပန်းလေးတွေဟာသြဂုတ်လနှင့်ဒီဇင်ဘာလကြားမှာ ပွင့်လေ့ရှိပြီး ညဘက်မှာသာပွင့်တယ်လို့ မှတ်သားခဲ့ဖူးပါတယ်…

နိုဝင်ဘာမနက်ခင်း ဆောင်းရဲ့အအေးဓာတ်နှင့်အတူ ပွင့်ဖတ်ဖြူဖြူ၊ရိုးတံဝါဝါ ၊အပွင့်သေးသေး လေးနဲ့မြေမှာဖွေးနေအောင်ကြွေကျနေတာကိုက သိပ်လှသကိုး .....

အိမ်ရှေ့မှာဆိတ်ဖလူးပန်း၊အိမ်ဘေးက ကလပ်စင်္ကြာ၊အနောက်ဘက်မှာဇလပ်ဖြူပန်း တို့မနေ့ညကမိုးရေစက်တို့ကိုအားယူကာ အစွမ်းကုန်ဝေဆာနေလောက်ရောပေါ့
ဖေဖေနဲ့မေမေက သည်ပန်းတွေကို ရည်ရွယ်ချက်ရှိရှိပျိုးခဲ့ကြသည်ပင်။

ကျွန်မတို့ငယ်စဉ်ကတည်းက ဘုရားကျောင်းတော်တွင်နေ့စဉ်မပျက်လှူဒါန်းခဲ့သော ပန်းကလပ်ပေါ်ကရောင်စုံပန်းလေးများမှာ နှစ်ပေါင်း၂၇နှစ်တိုင်ခဲ့ပြီ။

မြတ်စွာဘုရားရှင်သက်ရှိထင်ရှားရှိစဉ်က ဟောကြားတော်မူခဲ့သော ဓမ္မခန္ဓာပေါင်းရှစ်သောင်းလေးထောင်ကို ရည်စူးပူဇော်သည့်အနေနဲ့ သည်ပန်းတွေကိုကပ်လှူဖြစ်ခဲ့တဲ့ရည်ရွယ်ချက်ကို ဖေဖေပြောပြဖူးသည်။

ပန်းရောင်စုံထည့်ထားသည့် ကြွပ်ကြွပ်အိတ်လေးကိုပန်းပို့ ဖိုးဖိုးတစ်ယောက်က နေ့စဉ်ကျွန်မတို့အိမ်ကို ၂၇နှစ်တိုင်အောင် တစ်ရက်မပျက်ပို့ပေးခဲ့သည်။

ပန်းပို့နေကျအဖိုးဖိုးအသက်ကြီးပြီမို့ နေ့စဉ်လှူနေကြ ပန်းလေးတွေအတွက် ဆက်လက်ကပ်လှူနိုင်ဖို့စိတ်အေးရအောင် မိဘတွေကပန်းပင်တွေကိုစိုက်ခဲ့ကြသည