အရက်ဆိုင်

သူတပါး မိသားစုကို
ဒုက္ခ၊သောကတွေပေး

လောဘ၊ဒေါသ အလီလီတွေနဲ့
"အရက်"ကိုရောင်းလို့
ရလာခဲ့တဲ့ ငွေနွမ်း

ထိုပိုက်ဆံ‌တွေနဲ့ "စာ"သင်ခဲ့ရတော့
ပညာဉာဏ်က...နည်း
ကံက...မွဲ
ပန်းတိုင်တွေ...လွဲ
အရာရာဟာ မမြဲ...

လမ်းတွေပျောက်...ဆဲ

ကမ်းမမြင် လမ်းမမြင်
အမှောင်လွင်ပြင်မှာ
ကိုယ်တိုင် ရုန်းထွက်နိုင်မှ
ကိုယ်တိုင် လမ်းဖောက်နိုင်မှ
နောင်လာနောက်သားတွေ

အောင်မြင်မယ့်ကိန်း၊
ထွန်းပေါက်မယ့်ကိန်း၊
လူရာ၀င်မယ့်ကိန်း။

မောင်ပို