"World Brain Day"

💫World Brain Day ဆိုတာနဲ့ ဦးနှောက်ကိုပြေးမြင်ကြတဲ့အခါ လူတိုင်းအတွက် အဓိကအစိတ်အပိုင်းဖြစ်တဲ့ဦးနှောက်ကိုရော စာဖတ်သူတို့ ဂရုတစိုက်ရှိကြရဲ့လား။ 🫧

🪴ဦးနှောက်ပုံမှန်အလုပ်လုပ်ဖို့အတွက် ~

1.များများတွေးပါ။ 💭 အတွေးတွေက စဉ်းစားဉာဏ်‌ကို ထက်မြက်စေတာကြောင့် များများတွေးတောလေ ဦးနှောက်က ဓားတစ်လက်လိုသွေးခံရလေ ဖြစ်စေပါတယ်။ 🔪⚡️

2.စာများများဖတ်ပါ။ 📖 အသိပညာဗဟုသုတတွေကြွယ်ဝပြီး ဦးနှောက်အာဟာဖြည့်တင်းဖို့ စာဖတ်ခြင်းက အဓိက လိုအပ်ပါတယ်။ 📰

3.ပညာရပ်တစ်ခုခု လေ့လာပါ။🎗 အသစ်သစ်သောအရာတွေကို လေ့လာသင်ယူခြင်းက ဦးနှောက်အတွက် အားဆေးတစ်ခုလို အင်အားဖြစ်စေပါတယ်။ 🎸

4.ကျန်းမာရေးနဲ့ညီညွတ်စွာနေထိုင်စားသောက်ပါ။ 🍱 အစားအသောက်က ခန္ဓာကိုယ်ရဲ့အစိတ်အပိုင်းတိုင်းအတွက် အရေးပါတာကြောင့် အဆီများတဲ့အစားအစာတွေနဲ့ အပြင်စာများကို ရှောင်နိုင်သလောက်ရှောင်သင့်ပါတယ်။ 🥗

5.သန့်ရှင်းတဲ့လေနဲ့‌ မနက်ခင်းနေ‌ရောင်ခြည်တို့ ထိတွေ့ပေးပါ။🍃 စိတ်လန်းဆန်းမှုက ဦးနှောက်ရဲ့ ‌ တွေးခေါ်မှုပိုင်းတွေမှာ အထောက်အကူပြုစေတာကြောင့် သဘာဝတရားက ပေးစွမ်းထားတဲ့ လတ်ဆတ်တဲ့လေနဲ့နေရောင်ခြည်ဖျော့ဖျော့လေးတွေကို ထိတွေ့လိုက်ပါ။✨

6.ကိုယ်လက်လှုပ်ရှားမှု ပြုလုပ်ပေးပါ။🤸🏻 သွက်လက်ကျန်းမာတဲ့ခန္ဓာကိုယ်ရှိမှသာ ဦးနှောက်ကိုလည်း ထက်မြက်စေမှာဖြစ်ပါတယ်။🚵🏻‍♂

🔍ဒီလောက်ဆိုရင် ဦးနှောက်ကို ဘယ်လိုဂရုစိုက်ရမလဲဆိုတာနဲ့ ဦးနှောက်ဉာဏ်ရည်အတွက် ဘယ်လိုပြုမူနေထိုင်ရမယ်ဆိုတာကို သိသွားပြီဆိုတော့ World Brain Day အကြောင်းလေးကို ဆက်သွားလိုက်ကြရအောင်။📝


🔭 World Brain Day (WBD) ကို ဇူလိုင်လ ၂၂ ရက် နေ့တိုင်း နှစ်စဉ် ကျင်းပပြုလုပ်ပြီး World Federation of Neurology (WFN) မှ ဦးဆောင်၍ ဦးနှောက်ကျန်းမာရေး၊ အာရုံကြောရောဂါများ အကြောင်းနဲ့ စတာတွေရဲ့ ကာကွယ်ကုသနည်းများကို လူထုအကြား အသိပညာမြှင့်တင်ရန် ရည်ရွယ်ပါတယ်။🎈

🕯World Brain Day ရဲ့ အဓိက ရည်ရွယ်ချက်များ

1. အသိပညာမြှင့်တင်ခြင်း💡

- လူဦးရေ ၁၀% ခန့်ကို ထိခိုက်စေတဲ့ ဦးနှောက်နဲ့အာရုံကြောရောဂါများ (ဥပမာ - လေဖြတ်ခြင်း၊ ဆီးချိုကြောင့် အာရုံကြောပျက်စီးခြင်း၊ စိတ်ကျရောဂါ၊ သွက်ချာပါဒ၊ အတက်ရောဂါ၊ မေ့လျော့ရောဂါ) တို့အကြောင်း သတိပြုမိလာစေရန်။

2. ကာကွယ်ရေးနည်းလမ်းများ⚔

- ဦးနှောက်ရောဂါများကို လျှော့ချပေးနိုင်တဲ့ ကျန်းမာရေးနည်းလမ်းများ။ (ဥပမာ - သွေးတိုး/ဆီးချိုထိန်းခြင်း၊ ဆေးလိပ်ဖြတ်ခြင်း၊ အာဟာရမျှတခြင်း)

3.အရည်အသွေးပြည့် ကုသမှုရရှိရေး🩺

- အာရုံကြောရောဂါကုသရန် ကျွမ်းကျင်ရာဆရာဝန်များနဲ့ ဆေးပစ္စည်းများ လုံလောက်စွာ မရရှိခြင်း။ အထူးသဖြင့် ဖွံ့ဖြိုးဆဲနိုင်ငံတွေမှ ဒီလိုပြဿနာပိုဖြစ်နိုင်ပါတယ်။

🎋"Brain Health and Prevention: Disability Begins in the Brain"


🧠ဦးနှောက်ဆိုတာ လူ့ခန္ဓာကိုယ်ရဲ့ ထိန်းချုပ်ထားတဲ့အစိတ်အပိုင်းတစ်ခုဖြစ်ပြီး ပျက်စီးပါက လူမှုဘဝ၊ မိသားစုဘဝနဲ့ စီးပွားရေးအပေါ် ကြီးမားစွာ သက်ရောက်မှုရှိပါတယ်။ ဒါကြောင့် ဦးနှောက်နဲ့အာရုံကြောရောဂါများကို အချိန်မီကာကွယ်ကုသခြင်းက လူတစ်ဦးရဲ့ ဘဝရှင်သန်ရပ်တည်နိုင်‌ရေးကို အဆုံးအဖြတ်ပေးနိုင်ပါသည်။ ☝️🏻

Brain - ဦးနှောက်
Neurological Disorder - အာရုံကြောရောဂါ
Prevention - ကာကွယ်ခြင်း
Stroke - လေဖြတ်ခြင်း
Dementia - မေ့လျော့ရောဂါ

World Brain Dayဆိုတာ လူတိုင်းရဲ့ ဦးနှောက်ကျန်းမာရေးကို ပိုမိုဂရုစိုက်လာစေရန် နှစ်စဉ် သတိပေးနေတဲ့ ကမ္ဘာ့လှုပ်ရှားမှုကြီးတစ်ခုဖြစ်ပါတယ်။🌱


#Tapathi